អូឡាំពិកអន្តរជាតិ ប្រកាសផ្តល់ពានរង្វាន់ «IOC President’s Trophy» ដល់សម្តេច ហ៊ុន សែន

កីឡាជាតិ

អូឡាំពិកអន្តរជាតិ ប្រកាសផ្តល់ពានរង្វាន់ «IOC President’s Trophy» ដល់សម្តេច ហ៊ុន សែន

06, Jan 2017 , 2:04 pm

រូបភាព

ដោយ:

សម្តេចនាយករដ្ឋមន្ត្រី ហ៊ុន សែន ទទួលបានពានរង្វាន់ប្រធានគណៈកម្មាធិការអូឡាំពិកអន្តរជាតិ “IOC President’s Trophy”ពីគណៈកម្មាធិការអូឡាំពិកអន្តរជាតិ បន្ទាប់ពីសម្តេចបានខិតខំប្រឹងប្រែង ជួយឧបត្ថម្ភ និងអភិវឌ្ឍន៍វិស័យកីឡានៅកម្ពុជា និងជួយគាំទ្រចលនាអូឡាំពិក។ ពានរង្វាន់លំដាប់ខ្ពស់បំផុតមួយនេះនឹងប្រគល់ជូនសម្តេច ហ៊ុន សែន នាថ្ងៃទី២៥ ខែមករា វេលាម៉ោង១៥:៣០នាទីនៅវិមានសនិ្តភាព។

យោងតាមសេចក្តីជូនដំណឹងរបស់គណៈកម្មាធិការជាតិអូឡាំពិកកម្ពុជាកាលពីថ្ងៃទី៥ ខែមករា ឆ្នាំ២០១៧ សម្តេចនាយករដ្ឋមន្ត្រី ហ៊ុន សែន នឹងទទួលបានពានរង្វាន់ប្រធានគណៈកម្មាធិការអូឡាំពិកអន្តរជាតិ “IOC President’s Trophy”ពីគណៈកម្មាធិការអូឡាំពិកអន្តរជាតិ។ ការប្រគល់ជូននេះ បន្ទាប់ពី IOC វាយតម្លៃពីសកម្មភាពសម្តេច ហ៊ុន សែន លើការខិតខំប្រឹងប្រែង ជួយឧបត្ថម្ភ គាំទ្រវិស័យកីឡានៅកម្ពុជា និងការគាំទ្រដល់ចនាលាអូឡាំពិក។

ពានរង្វាន់ “IOC President’s Trophy” នឹងប្រគល់ជូនសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយ លោក សឺ មៀង (Ser Miang) សមាជិកប្រតិបត្តិគណៈកម្មាធិការអូឡាំពិកអន្តរជាតិតំណាងរបស់ លោកបណ្ឌិត ថូម៉ាស់ បាច់ (Thomas Bach) ប្រធានគណៈកម្មាធិការអូឡាំពិកអន្តរជាតិ។ ការប្រគល់នេះធើ្វឡើងនៅវិមានសន្តិភាពនាថ្ងៃទី២៥ ខែមករា ឆ្នាំ២០១៧ វេលាម៉ោង១៥:៣០នាទីខាងមុខនេះ។

សេចក្តីជូនដំណឹងដដែលបានបញ្ជាក់ទៀតថា៖«គណៈកម្មាធិការអន្តរជាតិបានផ្តល់ពានរង្វាន់របស់ខ្លួនជាច្រើនជារៀងរាល់ឆ្នាំដល់ឥស្សរជនសំខាន់ៗ ដែលបានខិតខំប្រឹងប្រែងលះបង់អស់មួយជីវិតដើម្បីកីឡា។ ប៉ុន្តែពានរង្វាន់មួយនេះ ជាពានរង្វាន់ខ្ពស់បំផុតរបស់ IOC ផ្តល់ជូនសម្តេចតេជោនាយករដ្ឋមន្ត្រី ក៏ដូចជាសម្រាប់ព្រះរាជាណាចក្រកម្ពុជាទាំងមូល»៕