អន្តរជាតិ
រុស្ស៊ី៖« ប្រមុខការពារជាតិអាមេរិកនិយាយកុហករឿងរុស្ស៊ីប្រឆាំងភេរវកម្ម»
×![]()
រុស្ស៊ីទំនងជាក្តៅក្រហាយខ្លាំងនៅពេលដែលប្រមុខការពារជាតិអាមេរិកលោក Ashton Carter ចោទថាខ្លួនមិនបានធ្វើអ្វីសោះដើម្បីកម្ចាត់ក្រុមភេរវជននៅក្នុងទឹកដីស៊ីរី ទោះបានចូលអន្តរាគមន៍នៅទីនោះជាងមួយឆ្នាំក៏ដោយ។ ឆ្លើយតបការចោទប្រកាន់នេះ សមាជិកសភា Duma រុស្ស៊ីទិតៀនរដ្ឋមន្ត្រីការពារជាតិអាមេរិកវិញ ដោយអះអាងថា រដ្ឋមន្ត្រីម្នាក់នេះកំពុងនិយាយកុហក និងបំភ្លៃការពិត ហើយទង្វើនេះកំពុងធ្វើឲ្យបាត់បង់កិត្តិយសស្ថាប័នការពារជាតិអាមេរិក ។ 
សូមស្តាប់ការបកស្រាយរបស់លោក សៅ ផលនិស្ស័យ៖
ទំនាក់ទំនងរវាងអាមេរិកនិងរុស្ស៊ីធ្លាក់ចុះដល់កម្រិតទាបបំផុតមិនធ្លាប់មានក្នុងអាណត្តិទីពីរនៃរដ្ឋបាលលោក បារ៉ាក់ អូបាម៉ា។ ថ្វីបើលោក អូបាម៉ា នៅសល់ពេលប្រហែលជាងមួយសប្តាហ៍ក្នុងតំណែងក៏ដោយ រដ្ឋបាលនេះឆ្លៀតឱកាសវាយប្រហាររុស្ស៊ីនិងបង្កឲ្យការប្រឈមមុខគ្នាកើនឡើងមួយកម្រិតទៀត។
ការបន្តចោទថា រដ្ឋាភិបាលរុស្ស៊ីបានចូលលូកលាន់ក្នុងការបោះឆ្នោតជាប្រធានបទក្តៅ និងចម្រូងចម្រាសជាងគេក្នុងបរិបទអាមេរិក ព្រោះអ្នកនយោបាយអាមេរិកហាក់មិនទាន់ ឯកភាពគ្នានៅឡើយទេលើរបាយការណ៍ចារកម្មកន្លងមក។ ហើយក្រៅពីចោទរុស្ស៊ីរឿងលូកលាន់ការបោះឆ្នោតដែលជួយឲ្យ ដូណាល់ ត្រាំ ឈ្នះតំណែងប្រធានាធិបតី អាមេរិកចាប់ផ្តើមរករឿងរុស្ស៊ីក្នុងបញ្ហាស៊ីរីម្តង។
ក្នុងបទសម្ភាសន៍ ជាមួយទូរទស្សន៍ NBC ប្រមុខការពារជាតិអាមេរិកលោក Ashton Carter បានអួតថា អាមេរិកនិងសម្ព័ន្ធមិត្តប៉ុណ្ណោះដែលកម្ចាត់ភេរវជននៅស៊ីរី ហើយលោកឆ្លៀតវាយប្រហាររុស្ស៊ីចំៗថា រុស្ស៊ីស្ទើរតែមិនធ្វើអ្វីសោះដើម្បីប្រយុទ្ធប្រឆាំងក្រុមភេរវជននៅស៊ីរី។
«ពួកគេ មិនបានជួយអ្វីឡើយ។ រុស្ស៊ីចូលមកស៊ីរី និងនិយាយថា ពួកគេនឹងប្រយុទ្ធក្រុមរដ្ឋឥស្លាម និងជួយដោះស្រាយជម្លោះនៅស៊ីរី។ ប៉ុន្តែពួកគេមិនបានធ្វើអ្វីទេ ហើយជាលទ្ធផល យើងត្រូវប្រយុទ្ធនឹងក្រុមរដ្ឋឥស្លាមតែម្នាក់ឯង»។ នេះជាការលើកឡើងរបស់រដ្ឋមន្ត្រីការពារជាតិអាមេរិក Ashton Carter។
១.ប្រមុខការពារជាតិអាមេរិកបំផ្លាញកិត្តិយសស្ថាប័នខ្លួនដោយនិយាយបំភ្លៃ
តាំងពីដើមមក សហរដ្ឋអាមេរិកបានចំណាយពេលទិតៀនរុស្ស៊ី និងចោទថារុស្ស៊ីនេះយកលេសចូលអន្តរាគមន៍នៅស៊ីរីនៅចុងឆ្នាំ ២០១៥ ដើម្បីជួយគាំទ្ររបប បាសា អាល់អាសាដ និងសំពងក្រុមឧទ្ទាមស៊ីរីដែលខ្លួនគាំទ្រនោះដែរ។
យ៉ាងណាក៏ដោយ ភ្លាមៗក្រោយមន្ត្រីការពារជាតិអាមេរិកចោទប្រកាន់ខ្លួនស្រស់ៗបែបនេះ រុស្ស៊ីបានឆ្លើយតបវិញដែរ។ សមាជិកសភាDuma របស់រុស្ស៊ី Sergey Zheleznyak បានវាយបកវិញថា សម្តីរបស់លោក Ashton Carter គ្មានមូលដ្ឋានត្រឹមត្រូវឡើយ ហើយគ្រប់យ៉ាងដែលមន្ត្រីអាមេរិកនិយាយនោះសុទ្ធតែជារឿងកុហក។ សមាជិកសភារូបនេះចម្អកឲ្យថា ការនិយាយកុហកបែបនេះមិនត្រឹមតែបន្ទាបបន្ថោកខ្លួនឯងទេ តែវាក៏ធ្វើឲ្យប៉ះពាល់ដល់ស្ថាប័នជាតិអាមេរិកដែរ។
«ខ្ញុំគិតថា វាមិនសមហេតុផលអ្វីសោះបើយើងផ្តោតអារម្មណ៍លើអ្វីដែលអ្នកនយោបាយអាមេរិកទាំងនោះនិយាយ។ ប៉ុន្តែតាមរយៈពាក្យសម្តីកុហកទាំងនេះ លោក Carter មិនត្រឹមតែធ្វើឲ្យប៉ះពាល់កិត្តិយសខ្លួនឯងជាបុគ្គលប៉ុណ្ណោះទេ វាក៏ប៉ះពាល់ដល់កិតិ្តយសស្ថាប័នខ្លួនឯងដែលទទួលខុសត្រូវផ្តល់ព័ត៌មានជាក់លាក់ថាអ្នកណាធ្វើអ្វីខ្លះនៅស៊ីរីដែរ»។
ក្រៅពីតបតការចោទប្រកាន់គ្មានមូលដ្ឋាន សមាជិកភាខាងលើបាន ប្រាប់អ្នកសារព័ត៌ថា លោកសង្ឃឹមថាមេដឹកនាំអាមេរិកថ្មីនឹងមានជំនាញនិងមានវិជ្ជាជីវៈក្នុងការងារដែលវាជួយសម្រួលដល់ការសហប្រតិបត្តិការដោះស្រាយបញ្ហាអន្តរជាតិធំៗ។ បើសិនជាមន្ត្រីអាមេរិកនៅបន្តសកម្មភាពបែបនេះ បញ្ហាប្រឈមទំនាក់ទំនងអាមេរិកនិងរុស្ស៊ីនៅតែមាន ហើយការដោះស្រាយបញ្ហាពិភពលោកក៏មិនអាចធ្វើទៅរួចដែរ។
២.អាមេរិកទំនងខឹងដែលគេមិនហៅរកក្នុងការដោះស្រាយជម្លោះស៊ីរី
តាមពិតទៅការលើកយករឿងប្រឆាំងភេរវកម្មនៅស៊ីរីមកទម្លាក់កំហុសលើរុស្ស៊ីនៅពេលនេះមិនមែនកើតឡើងដោយគ្មានហេតុផលឡើយ។ រដ្ឋបាលអាមេរិកបច្ចុប្បន្នទំនងជាអន់ចិត្តខ្លាំងដែលខ្លួនមិនត្រូវបានគេហៅរកឡើយក្នុងការឈានទៅដោះស្រាយបញ្ហាស៊ីរី។
ការបង្កើតបទឈប់បាញ់ និងការបង្កើតកិច្ចព្រមព្រៀងជម្លៀសប្រជាជនចេញពីក្រុង Aleppoកាលពីចុងឆ្នាំមុនមិនមានអាមេរិកចូលរួមឡើយ។ រុស្ស៊ី អ៊ីរ៉ង់ និងតួកគីឯណោះទេដែលជាតួអង្គសំខាន់ និងជាអ្នកផ្តួចផ្តើមការចរចានយោបាយនៅពេលខាងមុខនៅក្រុង Astana ផង។
រដ្ឋបាលលោក បារ៉ាក់ អូបាម៉ា ដែលជិតផុតអាណត្តិមិនត្រឹមតែមិនអាចបណ្តេញលោក បាសា អាល់ អាសាដ ពីតំណែងឡើយ តែលោកក៏បាត់បង់តួនាទីជាអ្នកជួយដោះស្រាយជម្លោះប្រដាប់អាវុធស៊ីរីដែរ។ អាមេរិកលែងមានទឹកមាត់ប្រៃទៀតហើយ ក្នុងការចូលរួមចរចាបញ្ចប់សង្គ្រាមដែលអូសបន្លាយរាប់ឆ្នាំនេះ។
យ៉ាងណាមិញ ការលូកលាន់ក្នុងបញ្ហាស៊ីរីប្រហែលមិនមែនជារឿងគួរឲ្យចាប់អារម្មណ៍សម្រាប់ រដ្ឋបាលថ្មីរបស់លោក ដូណាល់ ត្រាំ ឡើយ ប៉ុន្តែការប្រឆាំងភេរវកម្មនៅស៊ីរីទំនងជានៅតែជារឿងអាទិភាពសម្រាប់ក្រុងវ៉ាស៊ីនតោន៕
សូមស្តាប់ការបកស្រាយរបស់លោក សៅ ផលនិស្ស័យ៖
ទំនាក់ទំនងរវាងអាមេរិកនិងរុស្ស៊ីធ្លាក់ចុះដល់កម្រិតទាបបំផុតមិនធ្លាប់មានក្នុងអាណត្តិទីពីរនៃរដ្ឋបាលលោក បារ៉ាក់ អូបាម៉ា។ ថ្វីបើលោក អូបាម៉ា នៅសល់ពេលប្រហែលជាងមួយសប្តាហ៍ក្នុងតំណែងក៏ដោយ រដ្ឋបាលនេះឆ្លៀតឱកាសវាយប្រហាររុស្ស៊ីនិងបង្កឲ្យការប្រឈមមុខគ្នាកើនឡើងមួយកម្រិតទៀត។
ការបន្តចោទថា រដ្ឋាភិបាលរុស្ស៊ីបានចូលលូកលាន់ក្នុងការបោះឆ្នោតជាប្រធានបទក្តៅ និងចម្រូងចម្រាសជាងគេក្នុងបរិបទអាមេរិក ព្រោះអ្នកនយោបាយអាមេរិកហាក់មិនទាន់ ឯកភាពគ្នានៅឡើយទេលើរបាយការណ៍ចារកម្មកន្លងមក។ ហើយក្រៅពីចោទរុស្ស៊ីរឿងលូកលាន់ការបោះឆ្នោតដែលជួយឲ្យ ដូណាល់ ត្រាំ ឈ្នះតំណែងប្រធានាធិបតី អាមេរិកចាប់ផ្តើមរករឿងរុស្ស៊ីក្នុងបញ្ហាស៊ីរីម្តង។
ក្នុងបទសម្ភាសន៍ ជាមួយទូរទស្សន៍ NBC ប្រមុខការពារជាតិអាមេរិកលោក Ashton Carter បានអួតថា អាមេរិកនិងសម្ព័ន្ធមិត្តប៉ុណ្ណោះដែលកម្ចាត់ភេរវជននៅស៊ីរី ហើយលោកឆ្លៀតវាយប្រហាររុស្ស៊ីចំៗថា រុស្ស៊ីស្ទើរតែមិនធ្វើអ្វីសោះដើម្បីប្រយុទ្ធប្រឆាំងក្រុមភេរវជននៅស៊ីរី។
«ពួកគេ មិនបានជួយអ្វីឡើយ។ រុស្ស៊ីចូលមកស៊ីរី និងនិយាយថា ពួកគេនឹងប្រយុទ្ធក្រុមរដ្ឋឥស្លាម និងជួយដោះស្រាយជម្លោះនៅស៊ីរី។ ប៉ុន្តែពួកគេមិនបានធ្វើអ្វីទេ ហើយជាលទ្ធផល យើងត្រូវប្រយុទ្ធនឹងក្រុមរដ្ឋឥស្លាមតែម្នាក់ឯង»។ នេះជាការលើកឡើងរបស់រដ្ឋមន្ត្រីការពារជាតិអាមេរិក Ashton Carter។
១.ប្រមុខការពារជាតិអាមេរិកបំផ្លាញកិត្តិយសស្ថាប័នខ្លួនដោយនិយាយបំភ្លៃ
តាំងពីដើមមក សហរដ្ឋអាមេរិកបានចំណាយពេលទិតៀនរុស្ស៊ី និងចោទថារុស្ស៊ីនេះយកលេសចូលអន្តរាគមន៍នៅស៊ីរីនៅចុងឆ្នាំ ២០១៥ ដើម្បីជួយគាំទ្ររបប បាសា អាល់អាសាដ និងសំពងក្រុមឧទ្ទាមស៊ីរីដែលខ្លួនគាំទ្រនោះដែរ។
យ៉ាងណាក៏ដោយ ភ្លាមៗក្រោយមន្ត្រីការពារជាតិអាមេរិកចោទប្រកាន់ខ្លួនស្រស់ៗបែបនេះ រុស្ស៊ីបានឆ្លើយតបវិញដែរ។ សមាជិកសភាDuma របស់រុស្ស៊ី Sergey Zheleznyak បានវាយបកវិញថា សម្តីរបស់លោក Ashton Carter គ្មានមូលដ្ឋានត្រឹមត្រូវឡើយ ហើយគ្រប់យ៉ាងដែលមន្ត្រីអាមេរិកនិយាយនោះសុទ្ធតែជារឿងកុហក។ សមាជិកសភារូបនេះចម្អកឲ្យថា ការនិយាយកុហកបែបនេះមិនត្រឹមតែបន្ទាបបន្ថោកខ្លួនឯងទេ តែវាក៏ធ្វើឲ្យប៉ះពាល់ដល់ស្ថាប័នជាតិអាមេរិកដែរ។
«ខ្ញុំគិតថា វាមិនសមហេតុផលអ្វីសោះបើយើងផ្តោតអារម្មណ៍លើអ្វីដែលអ្នកនយោបាយអាមេរិកទាំងនោះនិយាយ។ ប៉ុន្តែតាមរយៈពាក្យសម្តីកុហកទាំងនេះ លោក Carter មិនត្រឹមតែធ្វើឲ្យប៉ះពាល់កិត្តិយសខ្លួនឯងជាបុគ្គលប៉ុណ្ណោះទេ វាក៏ប៉ះពាល់ដល់កិតិ្តយសស្ថាប័នខ្លួនឯងដែលទទួលខុសត្រូវផ្តល់ព័ត៌មានជាក់លាក់ថាអ្នកណាធ្វើអ្វីខ្លះនៅស៊ីរីដែរ»។
ក្រៅពីតបតការចោទប្រកាន់គ្មានមូលដ្ឋាន សមាជិកភាខាងលើបាន ប្រាប់អ្នកសារព័ត៌ថា លោកសង្ឃឹមថាមេដឹកនាំអាមេរិកថ្មីនឹងមានជំនាញនិងមានវិជ្ជាជីវៈក្នុងការងារដែលវាជួយសម្រួលដល់ការសហប្រតិបត្តិការដោះស្រាយបញ្ហាអន្តរជាតិធំៗ។ បើសិនជាមន្ត្រីអាមេរិកនៅបន្តសកម្មភាពបែបនេះ បញ្ហាប្រឈមទំនាក់ទំនងអាមេរិកនិងរុស្ស៊ីនៅតែមាន ហើយការដោះស្រាយបញ្ហាពិភពលោកក៏មិនអាចធ្វើទៅរួចដែរ។
២.អាមេរិកទំនងខឹងដែលគេមិនហៅរកក្នុងការដោះស្រាយជម្លោះស៊ីរី
តាមពិតទៅការលើកយករឿងប្រឆាំងភេរវកម្មនៅស៊ីរីមកទម្លាក់កំហុសលើរុស្ស៊ីនៅពេលនេះមិនមែនកើតឡើងដោយគ្មានហេតុផលឡើយ។ រដ្ឋបាលអាមេរិកបច្ចុប្បន្នទំនងជាអន់ចិត្តខ្លាំងដែលខ្លួនមិនត្រូវបានគេហៅរកឡើយក្នុងការឈានទៅដោះស្រាយបញ្ហាស៊ីរី។
ការបង្កើតបទឈប់បាញ់ និងការបង្កើតកិច្ចព្រមព្រៀងជម្លៀសប្រជាជនចេញពីក្រុង Aleppoកាលពីចុងឆ្នាំមុនមិនមានអាមេរិកចូលរួមឡើយ។ រុស្ស៊ី អ៊ីរ៉ង់ និងតួកគីឯណោះទេដែលជាតួអង្គសំខាន់ និងជាអ្នកផ្តួចផ្តើមការចរចានយោបាយនៅពេលខាងមុខនៅក្រុង Astana ផង។
រដ្ឋបាលលោក បារ៉ាក់ អូបាម៉ា ដែលជិតផុតអាណត្តិមិនត្រឹមតែមិនអាចបណ្តេញលោក បាសា អាល់ អាសាដ ពីតំណែងឡើយ តែលោកក៏បាត់បង់តួនាទីជាអ្នកជួយដោះស្រាយជម្លោះប្រដាប់អាវុធស៊ីរីដែរ។ អាមេរិកលែងមានទឹកមាត់ប្រៃទៀតហើយ ក្នុងការចូលរួមចរចាបញ្ចប់សង្គ្រាមដែលអូសបន្លាយរាប់ឆ្នាំនេះ។
យ៉ាងណាមិញ ការលូកលាន់ក្នុងបញ្ហាស៊ីរីប្រហែលមិនមែនជារឿងគួរឲ្យចាប់អារម្មណ៍សម្រាប់ រដ្ឋបាលថ្មីរបស់លោក ដូណាល់ ត្រាំ ឡើយ ប៉ុន្តែការប្រឆាំងភេរវកម្មនៅស៊ីរីទំនងជានៅតែជារឿងអាទិភាពសម្រាប់ក្រុងវ៉ាស៊ីនតោន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
