ពីនេះ ពីនោះ
និយាយ«ហ្ស៊ីន ឬធ្វើមុខហ្ស៊ីន» មានន័យយ៉ាងដូចម្តេច?
× តាមពិតពាក្យ«ហ្ស៊ីន»នេះ គឺជាពាក្យដែលក្លាយមកពីពាក្យបារាំងថា Origine។ តាមការយល់ឃើញរបស់ខ្មែរ និងដោយផ្អែកលើអត្ថន័យនៃពាក្យនេះ ពលរដ្ឋខ្មែរក៏នាំគ្នាប្រើប្រាស់ពាក្យនេះដោយសំដៅលើអ្វីមួយ ឬនរណាម្នាក់ដែលនៅថ្មី បរិសុទ្ធ មិនទាន់មាននរណាប៉ះពាល់ ឬមិនទាន់មាននរណាប្រើប្រាស់។ បុរសនេះនៅ ហ្ស៊ីន នៅឡើយ មានន័យថា បុរសនេះនៅកំឡោះសុទ្ធសាធ។ ម៉ូតូនេះ នៅ ហ្ស៊ីន មានន័យថា ម៉ូតូនេះនៅថ្មីស្រឡាង គ្មាននរណាប្រើប្រាស់នៅឡើយទេ។
ពាក្យ ហ្ស៊ីន ដដែលនេះក៏ត្រូវបានប្រើប្រាស់ដោយយុវជនជំនាន់ថ្មី ដែលភាគច្រើន ច្រើននិយាយថា៖«លោក សុខ និយាយធ្វើមុខ ហ្ស៊ីន» មានន័យថា និយាយដោយទឹកមុខមិនលេងសើច ហើយរាល់ការនិយាយ គឺជារឿងពិតប្រាកដ។ និយាយ ហ្ស៊ីន គឺក៏មានន័យថា និយាយដោយមិនលេងសើចដែរ។ ហើយពាក្យផ្ទុយនឹងការនិយាយ ហ្ស៊ីន យុវជនច្រើននិយាយថា និយាយ អាយ៕
© រក្សាសិទ្ធិដោយ thmeythmey.com