ពីនេះ ពីនោះ
តើអាណាព្យាបាលបារាំងនៅកម្ពុជា បន្សល់កេរដំណែលអ្វីខ្លះ?
× ភ្នំពេញ៖ អាណាព្យាបាលបារាំង បានបន្សល់ទុកកេរដំណែល និងស្នាដៃជាច្រើនដល់កម្ពុជាដែលមានជាអាទិ៍៖
១) រក្សាទឹកដីខ្មែរឲ្យបានសេសសល់គង់វង្សរហូតមកដល់បច្ចុប្បន្ន
២) ទាមទារយកទឹកដីខេត្តខ័ណ្ឌខ្មែរពីសៀមមកប្រគល់ឲ្យខ្មែរវិញ ក្នុងគ.ស ១៨៨៣,១៨៩៣,១៩០៤,១៩០៧ មានម្លូរព្រៃ កោះកុង ស៊ីសុផុន បាត់ដំបង និងសៀមរាប។
៣) រៀបចំទឹកដីសង្គមជាតិខ្មែរ ឲ្យក្លាយជាសង្គមទំនើប ដូចអរិយប្រទេសនៅបស្ចឹមលោក។
៤) បណ្តុះបណ្តាលផ្នែកអប់រំ និងបញ្ញវន្តខ្មែរ
៥) ចងក្រងវប្បធម៌ខ្មែរ ប្រវត្តិសាស្ត្រខ្មែរ និងលើកស្ទួយតម្កើងឲ្យពិភពលោកបានស្គាល់អ្វីដែលជាអតីតកាលដ៏អស្ចារ្យរបស់ខ្មែរ។
៦) ជួសជុលសាងសង់ប្រាសាទខ្មែរទាំងប៉ុន្មានដែលយើងបានបំភ្លេច និងបោះបង់ចោលក្នុងព្រៃ ក្រមថ្ម ដែលផ្តល់នូវមោទនភាពដល់ខ្មែរនៅពេលបច្ចុប្បន្ន និងអនាគត។
៧) ប្រទេសបារាំងបានផ្តល់ឯករាជ្យដល់កម្ពុជាក្នុងបរិយាកាសល្អប្រសើរ មានសន្តិសុខ សន្តិភាព គ្មានការបង្ហូរឈាមដូចនៅប្រទេសផ្សេងៗឯទៀត។ល។
ប៉ុន្តែ បើប្រៀបធៀបទៅប្រទេសផ្សេងទៀត ក្នុងអតីតកាលអាណានិគមបារាំង កម្ពុជាបានទទួលសមិទ្ធផល និងកេរមរតកតិចជាងគេ។ មិនតែប៉ុណ្ណោះ បារាំងក៏បានយកទឹកដីខ្មែរមួយចំនួនធំ ទៅឲ្យប្រទេសជិតខាងកម្ពុជាទៅវិញ ក្នុងគោលបំណងបម្រើនយោបាយរបស់ខ្លួនផងដែរ។
ប្រភព៖ «ដំណើរស្វែងរកសន្តិភាពនៅកម្ពុជា» និពន្ធដោយ បណ្ឌិត រស់ ចន្ត្រាបុត្រ
Tag:
រស់ ចន្ត្រាបុត្រ
ប្រវត្តិសាស្ត្រ
បារាំង
© រក្សាសិទ្ធិដោយ thmeythmey.com