អន្តរជាតិ
ចូលកាន់តំណែងបាន៥ថ្ងៃ លោក ដូណាល់ ត្រាំ ទើបមានរដ្ឋមន្ត្រីពីរនាក់ប៉ុណ្ណោះ
×![]()
ដោយ: តន ចាន់រិទ្ធារ៉ា
គិតត្រឹមថ្ងៃទី២៤ ខែមករា លោក ដូណាល់ ត្រាំ ចូលកាន់តំណែងជាប្រធានាធិបតីអាមេរិកបាន៥ថ្ងៃហើយ។ ប៉ុន្តែសមាជិកគណៈរដ្ឋមន្ត្រីរបស់លោក នៅមិនទាន់ទទួលបានការយល់ព្រមពីព្រឹទ្ធសភាទាំងស្រុងនៅឡើយទេ គឺមានតែតំណែងរដ្ឋមន្ត្រីការពារជាតិ និងរដ្ឋមន្ត្រីសន្តិសុខផ្ទៃក្នុង ដែលបានព្រឹទ្ធសភាបោះឆ្នោតគាំទ្ររួចរាល់។ គេមិនគិតពីមន្ត្រីជាន់ខ្ពស់ផ្សេងទៀតនៃរដ្ឋបាលរបស់លោក ត្រាំ ដែលស្បថចូលកាន់តំណែងរួចរាល់ឡើយ។
មកទល់ពេលនេះ រដ្ឋមន្ត្រីពីររូបរបស់រដ្ឋបាលលោក ដូណាល់ ត្រាំ ត្រូវបានព្រឹទ្ធសភាបោះឆ្នោតទទួលយករួចហើយ។ រដ្ឋមន្ត្រីការពារជាតិ James Mattis ត្រូវបានព្រឹទ្ធសភាអាមេរិកបោះឆ្នោតគាំទ្រនៅតែប៉ុន្មានម៉ោង ក្រោយលោក ដូណាល់ ត្រាំ ស្បថចូលកាន់តំណែងថ្ងៃទី២០ ខែមករាកន្លងទៅ។ សមាជិកព្រឹទ្ធសភា៩៨រូប បោះឆ្នោតយល់ព្រមលើបេក្ខភាពលោក Mattis និងមានសំឡេងប្រឆាំងតែមួយប៉ុណ្ណោះ។
នៅថ្ងៃទី២០ ខែមករាដដែល ព្រឹទ្ធសភាអាមេរិក ក៏បានបោះឆ្នោតអនុម័តលើបេក្ខភាពលោក John Kelly ជារដ្ឋមន្ត្រីសន្តិសុខផ្ទៃក្នុងដែរ។ លោក John Kelly ទទួលបានការគាំាំទ្រដោយសំឡេង៨៨ ទល់នឹង១១សំឡេងប្រឆាំង។ នេះបើយោងតាមការផ្សាយរបស់ទីភ្នាក់ងារព័ត៌មាន Reuters ។ ក្រៅពីនេះ បេក្ខភាពរដ្ឋមន្ត្រីផ្សេងទៀត ទើបបានឆ្លងផុតការយល់ព្រមពីសំណាក់គណៈកម្មាធិការជំនាញព្រឹទ្ធសភា ឬក៏កំពុងស្ថិតក្នុងដំណាក់កាលវាយតម្លៃប៉ុណ្ណោះ។
ដោយឡែក តំណែងសំខាន់មួយចំនួនទៀតនៃរដ្ឋបាលថ្មី ដូណាល់ ត្រាំ ក៏ត្រូវបានព្រឹទ្ធសភាយល់ព្រមជាបណ្ដើរៗហើយដែរ។ នៅថ្ងៃទី២៣ ខែមករា ព្រឹទ្ធសភាអាមេរិក បានយល់ស្របលើបេក្ខភាពលោក Mike Pompeo ជាប្រមុខថ្មីនៃទីភ្នាក់ងារចារកម្មកណ្ដាល (CIA) ដែរ។ សមាជិកចំនួន៦៦នាក់ បានបោះឆ្នោតគាំទ្រ និង៣២រូបបោះឆ្នោតប្រឆាំង។
ចំណែកឯ លោក Jared Kushner ជាកូនប្រសារលោក ត្រាំ ក៏បានស្បថចូលកាន់តំណែងទីប្រឹក្សាជាន់ខ្ពស់ឪពុកក្មេករួចដែរ ដោយមិនចាំបាច់ឆ្លងការយល់ព្រមពីសំណាក់ព្រឹទ្ធសភាឡើយ។ ស្របគ្នានឹងលោក Jared Kushner មន្ត្រីជាន់ខ្ពស់ផ្សេងទៀតដែលចូលកាន់តំណែងរួចហើយមាន ទីប្រឹក្សាសន្តិសុខជាតិ Michael Flynn, អ្នកនាំពាក្យប្រធានាធិបតី Sean Spicer, ប្រធានបុគ្គលិកសេតវិមាន Reince Priebus និងមនុស្សមួយចំនួនទៀត។
ការដែលព្រឹទ្ធសភាអាមេរិក ប្រើពេលយូរដើម្បីបោះឆ្នោតលើបេក្ខភាពសមាជិកសំខាន់ៗនៃរដ្ឋាភិបាលលោក ត្រាំ ក៏ព្រោះតែស្ថាប័ននេះ ចង់ត្រួតពិនិត្យឲ្យបានដិតដល់ពីលក្ខណៈសម្បត្តិនៃបេក្ខជននីមួយៗឲ្យបានច្បាស់។ ម្យ៉ាងទៀត បេក្ខជនដែលលោក ត្រាំ ផ្គូរផ្គងសម្រាប់តំណែងនានា ហាក់ដូចជាមិនសូវមានបទពិសោធន៍ច្រើន ឬក៏ធ្លាប់បំពេញការងារក្នុងស្ថាប័នរដ្ឋអ្វីដែរ៕
មកទល់ពេលនេះ រដ្ឋមន្ត្រីពីររូបរបស់រដ្ឋបាលលោក ដូណាល់ ត្រាំ ត្រូវបានព្រឹទ្ធសភាបោះឆ្នោតទទួលយករួចហើយ។ រដ្ឋមន្ត្រីការពារជាតិ James Mattis ត្រូវបានព្រឹទ្ធសភាអាមេរិកបោះឆ្នោតគាំទ្រនៅតែប៉ុន្មានម៉ោង ក្រោយលោក ដូណាល់ ត្រាំ ស្បថចូលកាន់តំណែងថ្ងៃទី២០ ខែមករាកន្លងទៅ។ សមាជិកព្រឹទ្ធសភា៩៨រូប បោះឆ្នោតយល់ព្រមលើបេក្ខភាពលោក Mattis និងមានសំឡេងប្រឆាំងតែមួយប៉ុណ្ណោះ។
នៅថ្ងៃទី២០ ខែមករាដដែល ព្រឹទ្ធសភាអាមេរិក ក៏បានបោះឆ្នោតអនុម័តលើបេក្ខភាពលោក John Kelly ជារដ្ឋមន្ត្រីសន្តិសុខផ្ទៃក្នុងដែរ។ លោក John Kelly ទទួលបានការគាំាំទ្រដោយសំឡេង៨៨ ទល់នឹង១១សំឡេងប្រឆាំង។ នេះបើយោងតាមការផ្សាយរបស់ទីភ្នាក់ងារព័ត៌មាន Reuters ។ ក្រៅពីនេះ បេក្ខភាពរដ្ឋមន្ត្រីផ្សេងទៀត ទើបបានឆ្លងផុតការយល់ព្រមពីសំណាក់គណៈកម្មាធិការជំនាញព្រឹទ្ធសភា ឬក៏កំពុងស្ថិតក្នុងដំណាក់កាលវាយតម្លៃប៉ុណ្ណោះ។
ដោយឡែក តំណែងសំខាន់មួយចំនួនទៀតនៃរដ្ឋបាលថ្មី ដូណាល់ ត្រាំ ក៏ត្រូវបានព្រឹទ្ធសភាយល់ព្រមជាបណ្ដើរៗហើយដែរ។ នៅថ្ងៃទី២៣ ខែមករា ព្រឹទ្ធសភាអាមេរិក បានយល់ស្របលើបេក្ខភាពលោក Mike Pompeo ជាប្រមុខថ្មីនៃទីភ្នាក់ងារចារកម្មកណ្ដាល (CIA) ដែរ។ សមាជិកចំនួន៦៦នាក់ បានបោះឆ្នោតគាំទ្រ និង៣២រូបបោះឆ្នោតប្រឆាំង។
ចំណែកឯ លោក Jared Kushner ជាកូនប្រសារលោក ត្រាំ ក៏បានស្បថចូលកាន់តំណែងទីប្រឹក្សាជាន់ខ្ពស់ឪពុកក្មេករួចដែរ ដោយមិនចាំបាច់ឆ្លងការយល់ព្រមពីសំណាក់ព្រឹទ្ធសភាឡើយ។ ស្របគ្នានឹងលោក Jared Kushner មន្ត្រីជាន់ខ្ពស់ផ្សេងទៀតដែលចូលកាន់តំណែងរួចហើយមាន ទីប្រឹក្សាសន្តិសុខជាតិ Michael Flynn, អ្នកនាំពាក្យប្រធានាធិបតី Sean Spicer, ប្រធានបុគ្គលិកសេតវិមាន Reince Priebus និងមនុស្សមួយចំនួនទៀត។
ការដែលព្រឹទ្ធសភាអាមេរិក ប្រើពេលយូរដើម្បីបោះឆ្នោតលើបេក្ខភាពសមាជិកសំខាន់ៗនៃរដ្ឋាភិបាលលោក ត្រាំ ក៏ព្រោះតែស្ថាប័ននេះ ចង់ត្រួតពិនិត្យឲ្យបានដិតដល់ពីលក្ខណៈសម្បត្តិនៃបេក្ខជននីមួយៗឲ្យបានច្បាស់។ ម្យ៉ាងទៀត បេក្ខជនដែលលោក ត្រាំ ផ្គូរផ្គងសម្រាប់តំណែងនានា ហាក់ដូចជាមិនសូវមានបទពិសោធន៍ច្រើន ឬក៏ធ្លាប់បំពេញការងារក្នុងស្ថាប័នរដ្ឋអ្វីដែរ៕
Tag:
អាមេរិក
ដូណាល់ ត្រាំ
James Mattis
John Kelly
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
