Soccer League៖ អាណាចក្របៃតង និងឆន្ទះកីឡាប្រជែងលេខ៣ មុន កំចាយមារ និងពោធិ៍សែនជ័យដណ្តើមយកពាន

កីឡាជាតិ

ជាតិ

Soccer League៖ អាណាចក្របៃតង និងឆន្ទះកីឡាប្រជែងលេខ៣ មុន កំចាយមារ និងពោធិ៍សែនជ័យដណ្តើមយកពាន

25, Jan 2017 , 9:19 am

រូបភាព

ដោយ:

ក្រោយយកឈ្នះគូប្រកួតរៀងៗខ្លួនក្នុងវគ្គពាក់កណ្តាលផ្តាច់ព្រ័ត្រ ក្រុមបាល់ទាត់ស.ស.យ.កស្រុកកំចាយមារនឹងជួបប្រកួតជាមួយក្រុមសាលាខ័ណ្ឌពោធិ៍សែនជ័យក្នុងវគ្គផ្តាច់ព្រ័ត្រនៃពានរង្វាន់ Soccer League ប្រចាំឆ្នាំ២០១៦។ ការប្រកួតនេះនឹងប្រព្រឹត្តទៅនៅថ្ងៃទី២៦ ខែមករា នៅពហុកីឡដ្ឋានជាតិ ខណៈប្រកួតដណ្តើមយកចំណាត់ថ្នាក់លេខ៣រវាងអាណាចក្របៃតង និងឆន្ទះកីឡា ធ្វើនៅថ្ងៃទី២៥ ខែមករា នៅពហុកីឡដ្ឋានជាតិដូចគ្នា។

ក្រោយយកឈ្នះក្រុមឆន្ទះកីឡា ១-០ នៅក្នុងវគ្គពាក់កណ្តាលផ្តាច់ព្រ័ត្រកាលពីថ្ងៃទី២៣ ខែមករា ក្រុមស.ស.យ.កកស្រុកកំចាយមារ នឹងជួបជាមួយសាលាខ័ណ្ឌពោធិ៍សែនជ័យនៅវគ្គផ្តាច់ព្រ័ត្រ ដើម្បីដណ្តើមជើងឯកពានរង្វាន់ Soccer League ប្រចាំឆ្នាំ២០១៦។ គួររំលឹកថា ក្រុមបាល់ទាត់សាលាខ័ណ្ឌពោធិ៍សែនជ័យបានលត់ក្រុមការពារជើងឯកអាណាចក្របៃតង ២-០ ក្នុងវគ្គពាក់កណ្តាលផ្តាច់ព្រ័ត្រកាលពីថ្ងៃទី២២ ខែមករា នៅពហុកីឡដ្ឋានជាតិ។

ចំណែកក្រុមដែលចាញ់ក្នុងវគ្គពាក់កណ្តាលផ្តាច់ព្រ័ត្រ អាណាចក្របៃតងដែលជាក្រុមជាក្រុមជើងឯកឆ្នាំចាស់ត្រូវជួបប្រកួតជាមួយក្រុមឆន្ទៈកីឡា ដើម្បីដណ្តើមចំណាត់ថ្នាក់លេខ៣ នាថ្ងៃទី២៥ ខែមករា នៅពហុកីឡដ្ឋានជាតិ។ ការប្រកួតវគ្គផ្តាច់ព្រ័ត្រនឹងប្រព្រឹត្តទៅនាថ្ងៃទី២៦ ខែមករា នៅពហុកីឡដ្ឋានជាតិដូចគ្នា។

នៅថ្ងៃប្រកួតវគ្គផ្តាច់ព្រ័ត្រនេះដែរ ក៏មានការប្រកួតបាល់ទាត់ ដើម្បីប្រមូលមូលនិធិជួយដល់មន្ទីរពេទ្រគន្ធបុប្ផាផងដែរ។ ការប្រកួតនេះដោយមានការចូលរួមពីសំណាក់តារាសម្តែងល្បីៗ និងក្រុមកីឡាករបាល់ទាត់របស់កម្ពុជាដូចជានាយក្រឹម, នាយពែកមី, នាយគ្រឿន, ប្រាក់ មុន្នីឧត្តម, ចាន់ វឌ្ឈនាកា, ឈិន ឈឿន និង ស៊ូ យ៉ាទី ជាដើម៕