កីឡាជាតិ
ជាតិ
សម្តេច ហ៊ុន សែន ថា ពានរង្វាន់ IOC President’s Trophy គឺជាចលករអភិវឌ្ឍន៍កីឡានៅកម្ពុជា
× សម្តេចនាយករដ្ឋមន្ត្រី ហ៊ុន សែន រំពឹងថាពានរង្វាន់ IOC President’s Trophy របស់គណៈកម្មាធិការអូឡាំពិកអន្តរជាតិ(IOC)នឹងក្លាយជាចលករមួយដ៏សំខាន់ក្នុងការរួមចំណែកអភិវឌ្ឍន៍វិស័យកីឡាកម្ពុជាឲ្យកាន់តែរីកចម្រើននាពេលអនាគត។ សម្តេចនាយរដ្ឋមន្ត្រី ហ៊ុន សែន ទទួលពានរង្វាន់ IOC President’s Trophy ដែលប្រគល់ដោយលោក សឺ មៀង (Ser Miang) សមាជិកប្រតិបត្តិ IOC នៅវិមានសន្តិភាព ។
ថ្លែងនៅក្នុងពិធីទទួលពានរង្វាន់ IOC នៅថ្ងៃទី២៥ ខែមករានេះសម្តេចនាយករដ្ឋមន្ត្រីកម្ពុជា ចាត់ទុក ពានរង្វាន់ IOC President’s Trophy នេះ គឺជាមោទកភាពថ្មីមួយសម្រាប់រាជរដ្ឋាភិបាលកម្ពុជា ក៏ដូចជាគណៈកម្មាធិការជាតិអូឡាំពិកកម្ពុជា និងកីឡាករកីឡាការិនីកម្ពុជា។ ហើយវាក៏ជាប្រវត្តិសាស្ត្រថ្មីមួយសម្រាប់កម្ពុជាទាំងមូលផងដែរ។
គួរបញ្ជាក់ថា ក្រោយទទួលបានពានរង្វាន់ IOC President’s Trophy ពីគណៈកម្មាធិការអូឡាំពិកអន្តរជាតិនេះ សម្តេច ហ៊ុន សែន បានដាក់ចេញនូវវិធានការចំនួន៣ចំណុច ទី១ការសម្រេចទទួលធ្វើជាម្ចាស់ផ្ទះនៃការប្រកួតស៊ីហ្គេមឆ្នាំ២០២៣ ទី២ការកសាងអគារ NOCC ជូនគណៈកម្មាធិការជាតិអូឡាំពិកកម្ពុជា និងទី៣ការសាងសង់ពហុកីឡដ្ឋានមរតកតោជោ ដោយប្រគល់ឲ្យគណៈកម្មាធិការជាតិអូឡាំពិកកម្ពុជាកាន់កាប់៕
Tag:
IOC President’s Trophy
ហ៊ុន សែន
© រក្សាសិទ្ធិដោយ thmeythmey.com