ព្រៃវែងលត់ត្បូងឃ្មុំដល់ផ្ទះក្នុងលទ្ធផល ១២-០ បាត់ដំបងឈ្នះប៉ៃលិន ២-១

កីឡាជាតិ

ជាតិ

ព្រៃវែងលត់ត្បូងឃ្មុំដល់ផ្ទះក្នុងលទ្ធផល ១២-០ បាត់ដំបងឈ្នះប៉ៃលិន ២-១

26, Jan 2017 , 10:06 am

រូបភាព

ដោយ:

ក្រុមបាល់ទាត់របស់ខេត្តព្រៃវែងនៅតែបន្តបង្ហាញភាពខ្លាំងក្នុងសប្តាហ៍ទី២នៃពានរង្វាន់សម្តេច ហ៊ុន សែន ប្រចាំឆ្នាំ២០១៧ ដោយក្រុមនេះបានផ្តល់មេរៀនយ៉ាងជូរចត់ដល់ខេត្តត្បូងឃ្មុំតាមរយៈការលត់ ១២-០ ក្នុងទឹកដីខេត្តត្បូងឃ្មុំ។ ខេត្តបាត់ដំបងទទួលបាន៣ពិន្ទុពីខេត្តប៉ៃលិនសម្រាប់ការបើកឆាករបស់ខ្លួន ខណៈខេត្តមណ្ឌលគីរី និងស្ទឹងត្រែងចែកគ្នាម្នាក់១ពិន្ទុ។

ក្រុមបាល់ទាត់របស់ខេត្តព្រៃវែងដែលបានលត់ក្រុមខេត្តកណ្តាល ៧-៣ កាលពីសប្តាហ៍ទី១ ក្រុមនេះបានបន្តលត់ក្រុមខេត្តត្បូងឃ្មុំយ៉ាងចាស់ដៃ ១២-០ លើទឹកដីខេត្តត្បូងឃ្មុំក្នុងសប្តាហ៍ទី២កាលពីរសៀលថ្ងៃទី២៥ ខែមករា។ ជ័យជន្នះនេះធ្វើឲ្យខេត្តព្រៃវែងឈរលេខ១បណ្តោះអាសន្នប្រចាំពូល B នៃពានរង្វាន់សម្តេច ហ៊ុន សែន ប្រឆ្នាំ២០១៧ ដោយមាន៦ពិន្ទុ។

រីឯម្ចាស់ផ្ទះខេត្តបាត់ដំបងបានយកឈ្នះលើក្រុមខេត្តប៉ៃលិន ២-១ សម្រាប់ការប្រកួតការបើកឆាករបស់ខ្លួន ដើម្បីឈរកំពូលតារាងប្រចាំពូល D ជាបណ្តោះអាសន្នដោយមាន៣ពិន្ទុ។ ចំណែកម្ចាស់ផ្ទះមណ្ឌលគីរីបានចែកគ្នាម្នាក់១ពិន្ទុជាមួយខេត្តស្ទឹងត្រែងសម្រាប់ការប្រកួតបើកឆាកប្រចាំពូល F ក្រោយក្រុមទាំងពីររក្សាលទ្ធផលស្មើ ១-១៕

លទ្ធផលពានរង្វាន់សម្តេច ហ៊ុន សែន ប្រចាំថ្ងៃទី២៥ ខែមករា ឆ្នា២០១៧

- ខេត្តព្រៃវែង ១២-០ ខេត្តត្បូងឃ្មុំ នៅកីឡដ្ឋានខេត្តត្បូងឃ្មុំ
- ខេត្តបាត់ដំបង ២-១ ខេត្តប៉ៃលិន នៅកីឡដ្ឋានខេត្តបាត់ដំបង
- ខេត្តមណ្ឌលគីរី ១-១ ខេត្តស្ទឹងត្រែង នៅកីឡដ្ឋានខេត្តមណ្ឌលគីរី