ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ក្បាលម៉ាស៊ីនដឹកនាំចំបាប់អាណត្តិថ្មីគ្មានការកែប្រែក្រោយគ្មានការប្រជែង
27, Jan 2017 ,
4:43 pm
រូបភាព
×
ដោយ:
សហព័ន្ធកីឡាចំបាប់កម្ពុជាកាលពីថ្ងៃទី២៧ ខែមករា នៅទីស្នាក់ការគណៈកម្មាធិការជាតិអូឡាំពិកកម្ពុជា បានរៀបចំមហាសន្និបាតបញ្ចប់អាណត្តិទី៤ ដើម្បីជ្រើសរើសថ្នាក់ដឹកនាំបន្តដឹកនាំអាណត្តិទី៥(២០១៧-២០២០)។ ប៉ុន្តែដោយសារគ្មានការប្រជែងក្នុងតំណែងណាមួយនោះ អង្គមហាសន្និបាតបានសម្រេចមិនបោះឆ្នោតអ្វីនោះទេ ពោលគឺរក្សាក្បាលម៉ាស៊ីនដឹកនាំអាណត្តិចាស់ឲ្យបន្តដឹកនាំអាណត្តិថ្មីដដែល។
ក្រោយគ្មានបេក្ខភាពថ្មីប្រជែងចំពោះមុខតំណែងណាមួយក្នុងការដឹកនាំកីឡាចំបាប់កម្ពុជា បានធ្វើឲ្យអង្គមហាសន្និបាតបញ្ចប់អាណត្តិទី៤បន្តអាណត្តិទី៥របស់សហព័ន្ធកីឡាចំបាប់កម្ពុជាសម្រេចមិនរៀបចំបោះឆ្នោតជ្រើសតាំងថ្នាក់ដឹកនាំថ្មី។ នៅក្នុងអង្គមហាសន្និបាតដែលមានការចូលរួមពីតំណាងក្លិប-សមាគមជាសមាជិករបស់សហព័ន្ធកីឡាចំបាប់កម្ពុជាបានឯកភាពគ្នាតាមរយៈការលើកដៃ បានបន្តរក្សាថ្នាក់ដឹកនាំចាស់ឲ្យបន្តដឹកនាំអាណត្តិថ្មី។
តាមរយៈការរក្សាថ្នាក់ដឹកនាំចាស់ឲ្យបន្តដឹកនាំអាណត្តថ្មីនេះ គឺលោក វ៉ាត់ ចំរើន អគ្គលេខាធិការ NOCC នៅបន្តធ្វើជាប្រធាន រីឯលោក Casey Barnett បន្តធ្វើជាអនុប្រធានទី១ និងលោក ទី សុវណ្ណា ជាអនុប្រធានទី២។ ចំណែកលោក ធិន វិចិត្រ បន្តធ្វើជាអគ្គលេខាធិការ រីឯកញ្ញា ចូវ សុធារ៉ា ជាអគ្គហេរញ្ញិក ខណៈលោក ហុក ឈាងគីម និងលោក នឹង សាវុធ ជាសមាជិក។
ជាមួយគ្នានេះ លោក វ៉ាត់ ចំរើន ដែលជាប្រធានដឹកនាំសហព័ន្ធកីឡាចំបាប់កម្ពុជាបានចាត់ទុក៤ឆ្នាំនៃអាណត្តិថ្មីដ៏សំខាន់នេះថា ជាប្រវត្តិសាស្ត្រកែប្រែថ្មីក្នុងការរៀបចំយុទ្ធសាស្ត្រ ដើម្បីពង្រឹង និងពង្រីកសក្តានុពលរបស់ចំបាប់កម្ពុជានៅលើឆាកជាតិ និងអន្តរជាតិ។ លើសពីនេះ វាជារបត់ថ្មីក្នុងពង្រឹងសមត្ថភាពដើម្បីត្រៀមការប្រកួតស៊ីហ្គេមឆ្នាំ២០២៣ ឲ្យស្របតាមយុទ្ធសាស្ត្រស្នូល៤ឆ្នាំរបស់ NOCC ដែលបានដាក់ចេញ។
លោកបានបញ្ជាក់ថា៖«ថ្ងៃនេះជាថ្ងៃប្រវត្តិសាស្ត្រមួយរបស់ពួកយើង ដើម្បីរៀបចំយុទ្ធនាការថ្មី របៀបធ្វើការងារថ្មីរបស់សហព័ន្ធចំបាប់ក្នុងអាណត្តិថ្មីឲ្យកាន់តែមានប្រសិទ្ធភាព។ អាណត្តិថ្មីនេះ ជាឆ្នាំដ៏សំខាន់នៅក្នុងយុទ្ធសាស្ត្ររបស់ NOCC គឺយើងដាក់យុទ្ធសាស្ត្រស្នូលសម្រាប់៤ឆ្នាំនេះ តែបើ៤ឆ្នាំនេះបរាជ័យមានន័យថា ស៊ីហ្គេមឆ្នាំ២០២៣ នឹងបរាជ័យទាំងស្រុង ប៉ុន្តែបើ៤ឆ្នាំនេះ យើងធ្វើបានល្អ គឺស៊ីហ្គេមនៅឆ្នាំ២០២៣នឹងមានសង្ឃឹមខ្ពស់»។
ចំណែកលោក Casey Barnett នាយកវិទ្យាស្ថានខេមអេដ និងជាអនុប្រធានសហព័ន្ធបានកោតសរសើរដល់គ្រប់ភាគីពាក់ព័ន្ធ ដែលធ្វើឲ្យលោកបានចូលរួមជួយកីឡាចំបាប់កម្ពុជា ជាពិសេសលោក ធិន វិចិត្រ ដែលបាននាំឲ្យលោកបានស្គាល់ចំបាប់។ ហើយលោកបានជំរុញឲ្យអត្តពលិក គ្រូបង្វឹក និងមន្ត្រីដឹកនាំនៅតាមខេត្តត្រូវខិតខំប្រឹងប្រែង ដើម្បីជួយឲ្យចំបាប់កម្ពុជាកាន់តែមានការរីកចម្រើន និងជោគជ័យក្នុងស៊ីហ្គេមឆ្នាំ២០២៣។
ទន្ទឹមនឹងនេះ ដើម្បីឲ្យការងារពង្រឹងត្រៀមការប្រកួតស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះឲ្យមានប្រសិទ្ធភាពកាន់តែល្អប្រសើរ គណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា បានកំណត់យក៤ឆ្នាំនេះ ជាឆ្នាំដែលតម្រូវឲ្យសហព័ន្ធទាំងអស់ត្រូវមានការកែទម្រង់ឲ្យបានស៊ីជម្រៅនៅក្នុងសហព័ន្ធនីមួយៗ។ ទោះបីការកែទម្រង់នេះមានការប៉ះពាល់ផលប្រយោជន៍ឯកជនមួយចំនួនក៏ដោយ។
«អ៊ីចឹងសូមយោគយល់នឹងប្រឹងប្រែងធ្វើការ ក្រសួងអប់រំបានដុតដៃដុតជើងក្នុងការកែទម្រង់ ក្រសួងអប់រំ ហើយនឹងគណៈកម្មាធិការជាតិអូឡាំពិកម្ពុជាបានជជែកគ្នាជាលក្ខណៈផ្ទៃក្នុង ក្នុងការកែទម្រង់។ ការទម្រង់ក្នុងវិស័យកីឡារបស់យើងគឺមិនមែនងាយស្រួលនោះទេ ព្រោះការកែទម្រង់ខ្លះអាចប៉ះចំផលប្រយោជន៍គេ ប៉ះចំសាច់ញាតិគេ និងការកែទម្រង់ខ្លះប៉ះចំគ្រួសារគេ»។ នេះជាការសង្កត់ធ្ងន់របស់លោក វ៉ាត់ ចំរើន អគ្គលេខាធិការ NOCC៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចំបាប់
វ៉ាត់ ចំរើន
Casey Barnett
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
21 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម