កីឡាជាតិ
ជាតិ
ឃួន ឡាបូរ៉ាវី បានស៊ុតបាល់បញ្ចូលទីបើកឆាកឲ្យបឹងកេត មុនពេលក្រុមបាត់សមាជិកពីរនាក់។ រូបថត MYTV
×![]()
ទោះបីបាត់បង់សមាជិក២រូបក្នុងតង់ទី១ក៏ដោយ ប៉ុនែ្តក្រុមបឹងកេតអង្គរនៅតែអាចរក្សាលទ្ធផលស្មើ ១-១ ជាមួយក្រុម Lao Toyota នាការប្រកួតវគ្គជម្រុះជើងទី១ពានរង្វាន់ AFC Cup 2017 ដែលធ្វើឡើងនៅពហុកីឡដ្ឋានជាតិកាលពីយប់ថ្ងៃទី៣១ ខែមករា។ ក្រុមទាំងពីរនឹងជួបប្រកួតគ្នាម្តងទៀតនាថ្ងៃទី៧ ខែកុម្ភៈ នៅលើទឹកដីឡាវ។
ខ្សែប្រយុទ្ធ ឃួន ឡាបូរ៉ាវី បានរកគ្រាប់បាល់នាំមុខ ១-០ លើក្រុម Lao Toyota ជូនក្រុមបឹងកេតអង្គរនៅនាទី១៧ ប៉ុន្តែកីឡាករ Sayoulasouk Vongdalasane បានរកគ្រាប់តាមស្មើ ១-១ ជូនក្រុម Lao Toyota នៅនាទី២៣។ កីឡាករ ខៀវ វិបុល ត្រូវបានប្តូរចេញភ្លាមៗជំនួសដោយអ្នកចាំទី គឹម មករា ក្រោយអ្នកចាំទីដៃទី១របស់បឹងកេតអង្គរ ស៊ូ យ៉ាទី ត្រូវបានអាជ្ញាកណ្តាលពិន័យកាតក្រហមក្រោយធ្វើឲ្យកីឡាករ Kazuo Homma ដួលនៅនាទី២៩។
បន្ទាប់មកបឹងកេតអង្គរបានបាត់បង់សមាជិកជាលើកទី២នៅនាទី៤២ ក្រោយខ្សែការពារ ស៊ុន សុវណ្ណរិទ្ធី ទទួលបានកាតលឿងពីរដងបន្ទាប់ពីធ្វើឲ្យ Kazuo Homma ដួលពីរដងនៅនាទី៣៥ និង៤២។ ក្នុងន័យនេះមានន័យថា កីឡាករ Kazuo Homma រូបនេះបានធ្វើឲ្យអាជ្ញាកណ្តាលចាយកាតក្រហមអស់ពីរលើកីឡាករបឹងកេត។
ចូលដល់វគ្គទី២ក្រុម Lao Toyota ដែលមានសមាជិករហូតដល់១១នាក់បានបង្កើនការវាយសម្រុកយ៉ាងខ្លាំងមកលើក្រុមបឹងកេតអង្គរដែលមានសមាជិកតែ៩នាក់។ ហើយក្រុមនេះបានបង្កើតឱកាសយ៉ាងច្រើនក្នុងតំបន់គ្រោះថ្នាក់របស់បឹងកេតអង្គរ តែត្រូវបានជួយសង្គ្រោះដោយខ្សែការពារ និងអ្នកចាំទីរបស់បឹងកេត។
កីឡាករ ចាន់ វឌ្ឍនាកា ត្រូវបានដូរចូលជំនួសកីឡាករ Maycon Silva នៅនាទី៦៥។ ប៉ុន្តែសម្រាប់ការបង្ហាញខ្លួនជាលើកចុងក្រោយក្នុងក្រុមបឹងកេតអង្គរ វឌ្ឍនាកា ហាក់ដូចជាគ្មានឱកាសក្នុងការទម្លុះសំណាញ់ទីក្រុម Lao Toyota នោះឡើយ។ ខ្សែប្រយុទ្ធដ៏ឆ្នើមរបស់បឹងកេតអង្គររូបនេះ នឹងចូលរួមជាមួយក្លិប Fujieda MYFC នៃក្របខណ្ឌ J3 League ជប៉ុន ក្រោមលក្ខខណ្ឌខ្ចីជើង១រដូវកាល។
ទោះបីបឹងកេតអង្គរបានបាត់បង់សមាជិកពីរនាក់តាំងពីវគ្គទី១ក៏ដោយ ប៉ុន្តែក្រុមនេះបានបង្ហាញទម្រង់លេងយ៉ាងល្អជាមួយសមាជិក៩នាក់ក្នុងការទប់ស្មើ ១-១ ជាមួយក្រុម Lao Toyota រហូតចប់វគ្គទី២។ ការប្រកួតវគ្គជម្រុះជុំទី១នៃពានរង្វាន់ AFC Cup 2017 ធ្វើឡើងកាលពីថ្ងៃទី៣១ ខែមករា នៅពហុកីឡដ្ឋានជាតិ ហើយក្រុមទាំងពីរនឹងជួបគ្នាម្តងទៀតនាថ្ងៃទី៧ ខែកុម្ភៈ នៅទឹកដីក្រុម Lao Toyota នាប្រទេសឡាវ៕
ខ្សែប្រយុទ្ធ ឃួន ឡាបូរ៉ាវី បានរកគ្រាប់បាល់នាំមុខ ១-០ លើក្រុម Lao Toyota ជូនក្រុមបឹងកេតអង្គរនៅនាទី១៧ ប៉ុន្តែកីឡាករ Sayoulasouk Vongdalasane បានរកគ្រាប់តាមស្មើ ១-១ ជូនក្រុម Lao Toyota នៅនាទី២៣។ កីឡាករ ខៀវ វិបុល ត្រូវបានប្តូរចេញភ្លាមៗជំនួសដោយអ្នកចាំទី គឹម មករា ក្រោយអ្នកចាំទីដៃទី១របស់បឹងកេតអង្គរ ស៊ូ យ៉ាទី ត្រូវបានអាជ្ញាកណ្តាលពិន័យកាតក្រហមក្រោយធ្វើឲ្យកីឡាករ Kazuo Homma ដួលនៅនាទី២៩។
បន្ទាប់មកបឹងកេតអង្គរបានបាត់បង់សមាជិកជាលើកទី២នៅនាទី៤២ ក្រោយខ្សែការពារ ស៊ុន សុវណ្ណរិទ្ធី ទទួលបានកាតលឿងពីរដងបន្ទាប់ពីធ្វើឲ្យ Kazuo Homma ដួលពីរដងនៅនាទី៣៥ និង៤២។ ក្នុងន័យនេះមានន័យថា កីឡាករ Kazuo Homma រូបនេះបានធ្វើឲ្យអាជ្ញាកណ្តាលចាយកាតក្រហមអស់ពីរលើកីឡាករបឹងកេត។
ចូលដល់វគ្គទី២ក្រុម Lao Toyota ដែលមានសមាជិករហូតដល់១១នាក់បានបង្កើនការវាយសម្រុកយ៉ាងខ្លាំងមកលើក្រុមបឹងកេតអង្គរដែលមានសមាជិកតែ៩នាក់។ ហើយក្រុមនេះបានបង្កើតឱកាសយ៉ាងច្រើនក្នុងតំបន់គ្រោះថ្នាក់របស់បឹងកេតអង្គរ តែត្រូវបានជួយសង្គ្រោះដោយខ្សែការពារ និងអ្នកចាំទីរបស់បឹងកេត។
កីឡាករ ចាន់ វឌ្ឍនាកា ត្រូវបានដូរចូលជំនួសកីឡាករ Maycon Silva នៅនាទី៦៥។ ប៉ុន្តែសម្រាប់ការបង្ហាញខ្លួនជាលើកចុងក្រោយក្នុងក្រុមបឹងកេតអង្គរ វឌ្ឍនាកា ហាក់ដូចជាគ្មានឱកាសក្នុងការទម្លុះសំណាញ់ទីក្រុម Lao Toyota នោះឡើយ។ ខ្សែប្រយុទ្ធដ៏ឆ្នើមរបស់បឹងកេតអង្គររូបនេះ នឹងចូលរួមជាមួយក្លិប Fujieda MYFC នៃក្របខណ្ឌ J3 League ជប៉ុន ក្រោមលក្ខខណ្ឌខ្ចីជើង១រដូវកាល។
ទោះបីបឹងកេតអង្គរបានបាត់បង់សមាជិកពីរនាក់តាំងពីវគ្គទី១ក៏ដោយ ប៉ុន្តែក្រុមនេះបានបង្ហាញទម្រង់លេងយ៉ាងល្អជាមួយសមាជិក៩នាក់ក្នុងការទប់ស្មើ ១-១ ជាមួយក្រុម Lao Toyota រហូតចប់វគ្គទី២។ ការប្រកួតវគ្គជម្រុះជុំទី១នៃពានរង្វាន់ AFC Cup 2017 ធ្វើឡើងកាលពីថ្ងៃទី៣១ ខែមករា នៅពហុកីឡដ្ឋានជាតិ ហើយក្រុមទាំងពីរនឹងជួបគ្នាម្តងទៀតនាថ្ងៃទី៧ ខែកុម្ភៈ នៅទឹកដីក្រុម Lao Toyota នាប្រទេសឡាវ៕
Tag:
Lao Toyota
បឹងកេតអង្គរ
AFC Cup 2017
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
