កីឡាជាតិ
ជាតិ
ទ័ព និងព្រះខ័នរាជស្វាយរៀងប្រជែងជាមួយសិង្ហបុរី និងម៉ាឡេស៊ីក្នុង ACC រសៀលនេះ
×![]()
ក្រុមដែលប្រកបអាជីពក្នុងក្របខណ្ឌលីកកំពូលកម្ពុជារួមមានក្រសួងការពារជាតិ(ទ័ព) និងព្រះខ័នរាជស្វាយរៀង ត្រូវប្រជែងជាមួយក្រុម Warriors FC របស់សិង្ហបុរី និងក្រុម Petaling Jayarangers FC របស់ម៉ាឡេស៊ីក្នុងពានរង្វាន់ Asia Club Pre-Season Championship (ACC) នារសៀលថ្ងៃទី១ ខែកុម្ភៈ នៅពហុកីឡដ្ឋានជាតិ។
ការប្រកួតបាល់ទាត់ដណ្តើមពានរង្វាន់ Asia Club Pre-Season Championship (ACC) ដែលជាពានរង្វាន់ទើបតែបង្កើតថ្មីរវាងក្រុមក្រសួងការពារជាតិ និងក្រុម Warriors FC របស់សិង្ហបុរី នឹងបើករដូវកាលរបស់ខ្លួននារសៀលថ្ងៃទី១ ខែកុម្ភៈ នេះ។ ក្រោយក្រុមទាំងពីរបានអនុស្សារណយោគយល់គ្នា(MOU)កាលពីថ្ងៃទី៣០ ខែមករា ដោយពានរង្វាន់នេះមានសុពលភាពរហូតដល់ឆ្នាំ២០២០។
សម្រាប់ការប្រកួតបើកឆាកនៅពហុកីឡដ្ឋានជាតិថ្ងៃនេះមានចំនួន២គូក្នុងនោះក្រុមព្រះខ័នរាជស្វាយរៀងត្រូវជួបប្រកួតជាមួយក្រុមលេខ៣នៃក្របខ័ណ្ឌ Malaysian FAM League 2016 របស់ម៉ាឡេស៊ី Petaling Jayarangers FC នាវេលាម៉ោង៣រសៀល។ ចំណែកក្រុមក្រសួងការពារជាតិ(ទ័ព) ត្រូវតទល់ជាមួយក្រុមលេខ៧នៃក្របខ័ណ្ឌលីករបស់សិង្ហបុរី Warriors FC នាវេលាម៉ោង៧យប់។
ក្រុមទាំង៤ត្រូវធ្វើការប្រកួតប្រជែងគ្នារយៈពេល៥ថ្ងៃចាប់ពីថ្ងៃទី១ ដល់ថ្ងៃទី៥ ខែកុម្ភៈ។ ការប្រកួតនេះធ្វើឡើងតាមរូបមន្តប្រកួតវិលជុំដោយក្រុមទាំង៤ត្រូវជួបគ្នាម្នាក់មួយប្រកួតៗ ដើម្បីចម្រាញ់ជ្រើសរើសក្រុមដែលមានពិន្ទុខ្ពស់ជាងគេចំនួនពីរក្រុមឡើងទៅប្រកួតនៅវគ្គផ្តាច់ព្រ័ត្រនាថ្ងៃទី៥ ខែកុម្ភៈ នៅពហុកីឡដ្ឋានជាតិ។
ពានរង្វាន់ Asia Club Pre-Season Championship ត្រូវបានបង្កើតឡើងក្នុងគោលបំណង ដើម្បីផ្តល់ឱកាសឲ្យក្រុមបាល់ទាត់ក្នុងតំបន់អាស៊ានធ្វើការប្រកួតប្រជែងគ្នា ដើម្បីផ្លាស់ប្តូរបទពិសោធន៍ និងបច្ចេកទេស ក្នុងការអភិវឌ្ឍន៍កីឡាបាល់ទាត់ក្នុងប្រទេសនីមួយៗឲ្យកាន់តែរីកចម្រើន។ ម្យ៉ាងទៀត ដើម្បីរឹតចំណងមិត្តភាពរវាងក្រុមបាល់ទាត់របស់កម្ពុជាឲ្យកាន់តែមានភាពជិតស្និទ្ធជាមួយក្រុមបាល់ទាត់របស់បណ្តាប្រទេសក្នុងតំបន់អាស៊ាន។
ជាមួយគ្នានេះ ទាំងលោក ទេព ឡុងរចនា គ្រូបង្គោលក្រុមទ័ព និងលោក ខេន សុខុម គ្រូជំនួយក្រុមព្រះខ័នរាជស្វាយរៀងសុទ្ធតែបានសម្តែងការអបអរចំពោះការបង្កើតឲ្យមានពានរង្វាន់នេះ និងបានចាត់ទុកជាពានរង្វាន់មួយដ៏សំខាន់ក្នុងការអភិវឌ្ឍន៍វិស័យបាល់ទាត់កម្ពុជា ក៏ដូចជាក្នុងតំបន់អាស៊ានឲ្យកាន់តែមានភាពប្រសើរឡើង។
«ព្រឹត្តិការណ៍នេះសំខាន់ខ្លាំងណាស់ ព្រោះយើងអាចរឹតចំណងសាមគ្គីភាពជាមួយក្លិបនៅតំបន់អាស៊ាន និងអាចផ្សារភ្ជាប់វប្បធម៌របស់យើងជាមួយវប្បធម៌ប្រទេសជិតខាង។ ជាពិសេស យើងអាចផ្លាស់ប្តូរបទពិសោធន៍ និងបច្ចេកទេស ដើម្បីពង្រឹងគុណភាពលេងក្នុងក្រុមនីមួយៗ និងវិស័យបាល់ទាត់ក្នុងតំបន់អាស៊ាន»។ នេះជាការបញ្ជាក់របស់ លោក ទេព ឡុងរចនា។
ទន្ទឹមនឹងនេះលោក ខេន សុខុម គ្រូជំនួយរបស់ព្រះខ័នរាជស្វាយរៀងបាននិយាយថា៖«ខ្ញុំសូមអបអរដែលក្រុមទ័ពបានសហការជាមួយក្រុមសិង្ហបុរីរៀបចំឲ្យមានការប្រកួតនេះឡើង ព្រោះនេះជាព្រឹត្តិការណ៍ដ៏សំខាន់ ហើយខ្ញុំសប្បាយចិត្តក្នុងការចូលរួម ព្រោះវាជាការប្រកួតប្រជែងដកស្រង់បទពិសោធន៍ ដើម្បីអភិវឌ្ឍន៍ការលេងរបស់ក្រុមយើងឲ្យកាន់តែមានភាពប្រសើរឡើង»៕
ការប្រកួតបាល់ទាត់ដណ្តើមពានរង្វាន់ Asia Club Pre-Season Championship (ACC) ដែលជាពានរង្វាន់ទើបតែបង្កើតថ្មីរវាងក្រុមក្រសួងការពារជាតិ និងក្រុម Warriors FC របស់សិង្ហបុរី នឹងបើករដូវកាលរបស់ខ្លួននារសៀលថ្ងៃទី១ ខែកុម្ភៈ នេះ។ ក្រោយក្រុមទាំងពីរបានអនុស្សារណយោគយល់គ្នា(MOU)កាលពីថ្ងៃទី៣០ ខែមករា ដោយពានរង្វាន់នេះមានសុពលភាពរហូតដល់ឆ្នាំ២០២០។
សម្រាប់ការប្រកួតបើកឆាកនៅពហុកីឡដ្ឋានជាតិថ្ងៃនេះមានចំនួន២គូក្នុងនោះក្រុមព្រះខ័នរាជស្វាយរៀងត្រូវជួបប្រកួតជាមួយក្រុមលេខ៣នៃក្របខ័ណ្ឌ Malaysian FAM League 2016 របស់ម៉ាឡេស៊ី Petaling Jayarangers FC នាវេលាម៉ោង៣រសៀល។ ចំណែកក្រុមក្រសួងការពារជាតិ(ទ័ព) ត្រូវតទល់ជាមួយក្រុមលេខ៧នៃក្របខ័ណ្ឌលីករបស់សិង្ហបុរី Warriors FC នាវេលាម៉ោង៧យប់។
ក្រុមទាំង៤ត្រូវធ្វើការប្រកួតប្រជែងគ្នារយៈពេល៥ថ្ងៃចាប់ពីថ្ងៃទី១ ដល់ថ្ងៃទី៥ ខែកុម្ភៈ។ ការប្រកួតនេះធ្វើឡើងតាមរូបមន្តប្រកួតវិលជុំដោយក្រុមទាំង៤ត្រូវជួបគ្នាម្នាក់មួយប្រកួតៗ ដើម្បីចម្រាញ់ជ្រើសរើសក្រុមដែលមានពិន្ទុខ្ពស់ជាងគេចំនួនពីរក្រុមឡើងទៅប្រកួតនៅវគ្គផ្តាច់ព្រ័ត្រនាថ្ងៃទី៥ ខែកុម្ភៈ នៅពហុកីឡដ្ឋានជាតិ។
ពានរង្វាន់ Asia Club Pre-Season Championship ត្រូវបានបង្កើតឡើងក្នុងគោលបំណង ដើម្បីផ្តល់ឱកាសឲ្យក្រុមបាល់ទាត់ក្នុងតំបន់អាស៊ានធ្វើការប្រកួតប្រជែងគ្នា ដើម្បីផ្លាស់ប្តូរបទពិសោធន៍ និងបច្ចេកទេស ក្នុងការអភិវឌ្ឍន៍កីឡាបាល់ទាត់ក្នុងប្រទេសនីមួយៗឲ្យកាន់តែរីកចម្រើន។ ម្យ៉ាងទៀត ដើម្បីរឹតចំណងមិត្តភាពរវាងក្រុមបាល់ទាត់របស់កម្ពុជាឲ្យកាន់តែមានភាពជិតស្និទ្ធជាមួយក្រុមបាល់ទាត់របស់បណ្តាប្រទេសក្នុងតំបន់អាស៊ាន។
ជាមួយគ្នានេះ ទាំងលោក ទេព ឡុងរចនា គ្រូបង្គោលក្រុមទ័ព និងលោក ខេន សុខុម គ្រូជំនួយក្រុមព្រះខ័នរាជស្វាយរៀងសុទ្ធតែបានសម្តែងការអបអរចំពោះការបង្កើតឲ្យមានពានរង្វាន់នេះ និងបានចាត់ទុកជាពានរង្វាន់មួយដ៏សំខាន់ក្នុងការអភិវឌ្ឍន៍វិស័យបាល់ទាត់កម្ពុជា ក៏ដូចជាក្នុងតំបន់អាស៊ានឲ្យកាន់តែមានភាពប្រសើរឡើង។
«ព្រឹត្តិការណ៍នេះសំខាន់ខ្លាំងណាស់ ព្រោះយើងអាចរឹតចំណងសាមគ្គីភាពជាមួយក្លិបនៅតំបន់អាស៊ាន និងអាចផ្សារភ្ជាប់វប្បធម៌របស់យើងជាមួយវប្បធម៌ប្រទេសជិតខាង។ ជាពិសេស យើងអាចផ្លាស់ប្តូរបទពិសោធន៍ និងបច្ចេកទេស ដើម្បីពង្រឹងគុណភាពលេងក្នុងក្រុមនីមួយៗ និងវិស័យបាល់ទាត់ក្នុងតំបន់អាស៊ាន»។ នេះជាការបញ្ជាក់របស់ លោក ទេព ឡុងរចនា។
ទន្ទឹមនឹងនេះលោក ខេន សុខុម គ្រូជំនួយរបស់ព្រះខ័នរាជស្វាយរៀងបាននិយាយថា៖«ខ្ញុំសូមអបអរដែលក្រុមទ័ពបានសហការជាមួយក្រុមសិង្ហបុរីរៀបចំឲ្យមានការប្រកួតនេះឡើង ព្រោះនេះជាព្រឹត្តិការណ៍ដ៏សំខាន់ ហើយខ្ញុំសប្បាយចិត្តក្នុងការចូលរួម ព្រោះវាជាការប្រកួតប្រជែងដកស្រង់បទពិសោធន៍ ដើម្បីអភិវឌ្ឍន៍ការលេងរបស់ក្រុមយើងឲ្យកាន់តែមានភាពប្រសើរឡើង»៕
Tag:
បាល់ទាត់
ទ័ព
ព្រះខ័នរាជស្វាយរៀង
ACC
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
