កីឡាជាតិ
ជាតិ
ឧត្តរមានជ័យឡើងឈរកំពូលតារាង ខណៈកំពង់ធំទទួលបាន៣ពិន្ទុជាលើកដំបូង
× ក្រោយយកឈ្នះសៀមរាប ២-១ កាលពីម្សិលមិញ ក្រុមម្ចាស់ផ្ទះឧត្តរមានជ័យបានឡើងឈរកំពូលតារាងប្រចាំពូល C ជាបណ្តោះអាសន្នក្នុងសប្តាហ៍ទី៣នៃពានរង្វាន់សម្តេច ហ៊ុន សែន ប្រចាំឆ្នាំ២០១៧(Hun Sen Cup 2017)។ ចំណែកក្រុមកំពង់ធំទទួលបាន៣ពិន្ទុជាលើកដំបូងក្រោយយកឈ្នះម្ចាស់ផ្ទះព្រះវិហារ ២-១។
ក្រុមម្ចាស់ផ្ទះឧត្តរមានជ័យបានឡើងឈរកំពូលតារាងពូល C ក្នុងសប្តាហ៍ទី៣នៃពានរង្វាន់សម្តេច ហ៊ុន សែន ប្រចាំឆ្នាំ២០១៧ ជាបណ្តោះអាសន្នដោយមាន៦ពិន្ទុ ក្រោយក្រុមនេះបានយកឈ្នះក្រុមសៀមរាប ២-១ កាលពីរសៀលថ្ងៃទី១ ខែកុម្ភៈ នៅលើទឹកដីរបស់ខ្លួន។ ចំណែកសៀមបានធ្លាក់ទៅឈរលំដាប់លេខ២ដោយមាន៣ពិន្ទុ។
ដោយឡែក នាការប្រកួតនៅកីឡដ្ឋានខេត្តព្រះវិហារ ក្រុមកំពង់ធំបានយកឈ្នះម្ចាស់ផ្ទះព្រះវិហារ ២-១ ដើម្បីទទួលបាន៣ពិន្ទុជាលើកដំបូងសម្រាប់ពីរប្រកួតរបស់ខ្លួន។ ចំណែកម្ចាស់ផ្ទះព្រះវិហារ នៅតែបន្តមិនស្គាល់ពាក្យឈ្នះដដែល សម្រាប់ការប្រកួតពីរលើកកន្លងមកនេះ៕
*លទ្ធផលពានរង្វាន់សម្តេច ហ៊ុន សែន ប្រចាំថ្ងៃទី១ ខែកុម្ភៈ
- ពូល C៖ ខេត្តព្រះវិហារ ១-២ ខេត្តកំពង់ធំ នៅកីឡដ្ឋានខេត្តព្រះវិហារ
- ពូល C៖ ខេត្តឧត្តរមានជ័យ ២-១ ខេត្តសៀមរាប នៅកីឡដ្ឋានខេត្តឧត្តរមានជ័យ
Tag:
បាល់ទាត់
Hun Sen Cup 2017
ឧត្តរមានជ័យ
© រក្សាសិទ្ធិដោយ thmeythmey.com