ព្រះខ័នរាជស្វាយរៀងស្វាគមន៍ក្រុមមកពីសិង្ហបុរីមុនទ័ពតទល់ជាមួយក្រុមមកពីម៉ាឡេស៊ី

កីឡាជាតិ

ជាតិ

ព្រះខ័នរាជស្វាយរៀងស្វាគមន៍ក្រុមមកពីសិង្ហបុរីមុនទ័ពតទល់ជាមួយក្រុមមកពីម៉ាឡេស៊ី

02, Feb 2017 , 1:50 pm

រូបភាព

ដោយ:

ការប្រកួតបាល់ទាត់ដណ្តើមពានរង្វាន់មិត្តភាពបាល់ទាត់អាស៊ី២០១៧(Asian Club Pre-Season Championship 2017)នៅពហុកីឡដ្ឋានជាតិនារសៀលថ្ងៃទី២ ខែកុម្ភៈ នេះ មានការប្រកួតចំនួនគូ ក្នុងនោះព្រះខ័នរាជស្វាយរៀង ជួបជាមួយក្រុម Warriors របស់សិង្ហបុរី។ ចំណែកក្រសួងការពារជាតិតទល់ជាមួយក្រុម Petaling Jaya Rangers របស់ម៉ាឡេស៊ីនា។

ក្រោយបំបាក់ក្រុមមកពីលីកកំពូលរបស់ម៉ាឡេស៊ី Petaling Jaya Rangers ៣-១ ក្នុងថ្ងៃបើកឆាកកាលពីម្សិលមិញ ព្រះខ័នរាជស្វាយរៀងត្រូវទទួលស្វាគមន៍ក្រុម Warriors របស់សិង្ហបុរីក្នុងទី២នៃវគ្គសន្សំពិន្ទុពានរង្វាន់មិត្តភាពបាល់ទាត់អាស៊ី២០១៧ នាវេលាម៉ោង៤រសៀលថ្ងៃទី២ ខែកុម្ភៈ នៅពហុកីឡដ្ឋានជាតិ។ ចំណែកក្រសួងការពារជាតិត្រូវតទល់ជាមួយក្រុមមកពីម៉ាឡេស៊ី Petaling Jaya Rangers នាវេលាម៉ោង៧យប់។

គួរបញ្ជាក់ថា សម្រាប់ការប្រកួតបើកឆាកនៅថ្ងៃទី១ ខែកុម្ភៈ ក្រុមព្រះខ័នរាជស្វាយរៀងបានលត់ក្រុម Petaling Jaya Rangers មកពីម៉ាឡេស៊ី ៣-១ រីឯក្រសួងការពារជាតិយកឈ្នះក្រុម Warriors មកពីសិង្ហបុរី ២-១។ តើសម្រាប់ការប្រកួតលើកទី២នៅថ្ងៃនេះក្រុមកម្ពុជាទាំងពីរអាចរក្សាជ័យជម្នះបានឬយ៉ាងណា?

កម្មវិធីប្រកួតពានរង្វាន់ ACC នៅពហុកីឡដ្ឋានជាតិថ្ងៃទី២ ខែកុម្ភៈ
- ម៉ោង៤:០០នាទី៖ ព្រះខ័នរាជស្វាយរៀង ជួប ក្រុម Warriors របស់សិង្ហបុរី
- ម៉ោង៧:០០នាទី៖ ក្រសួងការពារជាតិ ជួប ក្រុម Petaling Jaya Rangers របស់ម៉ាឡេស៊ី