ពីនេះ ពីនោះ
ពាក្យថា«បញ្ញវ័ន្ត បញ្ញវន្ត បញ្ញាវន្ត បញ្ញាវ័ន្ត» តើសរសេរមួយណាទើបត្រឹមត្រូវ?
× ភ្នំពេញ៖ ស្មេរជាច្រើន តែងតែសរសេរពាក្យថា«បញ្ញវន្ត»ខុស ដោយអ្នកខ្លះសរសេរថា «បញ្ញវ័ន្ត ឬ បញ្ញាវន្ត ឬ បញ្ញាវ័ន្ត»។ ប៉ុន្តែ តាមពិត ពាក្យដែលត្រឹមត្រូវ គឺគេសរសេរថា«បញ្ញវន្ត»។ តាមវចនានុក្រម សម្តេចសង្ឃរាជ ជួន ណាត បានពន្យល់ថា៖
បញ្ញវន្ត (ន) មានន័យថា អ្នកមានប្រាជ្ញា, អ្នកប្រាជ្ញ, អ្នកយកចិត្តទុកដាក់ក្នុងប្រើគំនិតត្រិះរិះក្នុងកិច្ចការគ្រប់ជំពូក។ ពាក្យនេះ គេច្រើនប្រើសម្រាប់អ្នកចេះដឹងទាំងបុរស និងស្ត្រី។ ប៉ុន្តែ បើអ្នកប្រាជ្ញជាស្ត្រី គេក៏អាចហៅថា បញ្ញវតី ឬ បញ្ញវន្តី បានដែរ៕
© រក្សាសិទ្ធិដោយ thmeythmey.com