ពីនេះ ពីនោះ
វចនានុក្រម៖ ពាក្យ “ឡូយ” មានន័យថា ផ្តេសផ្តាស!
× ភ្នំពេញ៖ពាក្យ “ឡូយ” គឺជាពាក្យដ៏ពេញនិយមបំផុត ដែលយុវជនខ្មែរតែងតែប្រើប្រាស់។ មិនត្រឹមតែពលរដ្ឋសាមញ្ញាប៉ុណ្ណោះទេ ដែលឧស្សាហ៍និយាយពាក្យនេះនោះ សូម្បីតែតារាកំប្លែង ពិធីករ ឬ ពិធីការនី ក៏ប្រើពាក្យនេះជាញឹកញាប់ផងដែរ។ ពាក្យ “ឡូយ” ដែលអ្នកនិយាយចង់សំដៅលើភាពអស្ចារ្យ និងភាពទាន់សម័យនោះ គឺសុទ្ធសឹងជាការយល់ខុស។ តាមពិត ពាក្យ«ឡូយ» មិនមានន័យដូច្នេះឡើយ។
តាមវចនានុក្រមសម្តេចសង្ឃរាជ ជួន ណាត បានពន្យល់ថា៖
ឡូយ ( គុ. ឬ កិ. វិ. ) គឺជាពាក្យសាមញ្ញទំនើបថ្មី ប្រើកាត់ខ្លីមកពីពាក្យ «ឡូយថូយ» ដែលមានន័យថា ផ្តាស ឬ ផ្ដេសផ្ដាស។ ពាក្យនេះ គឺចាស់ៗបុរាណ ច្រើនប្រើដើម្បីបង្អាក់សកម្មភាពកូនចៅ ឬ យុវជន ដែលប្រព្រឹត្តអំពើឆ្គាំឆ្គងអ្វីមួយ។ ឧទាហរណ៍៖ អាឡូយ! កុំឡូយពេក!
© រក្សាសិទ្ធិដោយ thmeythmey.com