ពីនេះ ពីនោះ
ព័ត៍មានសុខភាព
ក្នុងផ្ទះមានម្នាក់ចេញអ៊ុតស្វាយ តើគួរធ្វើម៉េចកុំឲ្យឆ្លងទៅអ្នកដទៃបាន?
× មេរោគគឺជាផ្នែកមួយនៃជីវិតរបស់យើង។ វាស្ថិតនៅគ្រប់ទីកន្លែងទាំងអស់ចាប់តាំងពីក្នុងម្ហូបអាហារ របស់ក្មេងលេង និងក្នុងទឹកដែលញ៉ាំ។ អ្វីដែលពិបាកនោះគឺថា តើមេរោគច្រើនប៉ុណ្ណាទើបអាចធ្វើឲ្យមនុស្សយើងមានជំងឺ និងរបៀបដែលវាចម្លងជំងឺនេះទៅក្រុមគ្រួសាររបស់យើង។ ជាក់ស្តែង សម្រាប់ជំងឺអ៊ុតស្វាយ ដែលវាបង្កឡើងដោយវីរុសនោះ វាពិតជាមានអត្រាចម្លងទៅអ្នកដទៃខ្ពស់ណាស់ ដោយមិនខ្វល់ថាអ្នកនោះជានរណាឡើយ។ ដូច្នេះយកល្អដើម្បីកាត់បន្ថយការចម្លងជំងឺនេះទៅកាន់សមាជិកគ្រួសារផ្សេងទៀត គួរតែអនុវត្តតាមវិធីដូចខាងក្រោមនេះ៖
ចូរចៀសវាងការប្រើប្រាស់របស់របរក្នុងផ្ទះរួមគ្នាជាមួយនឹងអ្នកមានជំងឺអ៊ុតស្វាយ
ត្រូវការលាងដៃ និងសាប៊ូជាប់ជានិច្ចនៅពេលប៉ះពាល់អ្នកជំងឺ ហើយការលាងដៃនេះដែរ គួរតែធ្វើ យ៉ាងហោចណាស់ក៏ឲ្យបាន ១៥វិនាទី។
ប្រើផលិតផលលាងសម្លាប់មេរោគ ដែលអាចធ្វើទៅលើទ្វា ទូរស័ព្ទ កញ្ចក់ជាដើម។
សម្រាប់អ្នកជំងឺគួរតែប្រើម៉ាសបិទមាត់ជានិច្ច
ចូរចៀសវាងការញ៉ាំដបទឹកដែលប្រើរួមគ្នាជាមួយអ្នកជំងឺ
ធ្វើយ៉ាងណាលាងសម្អាតបង្គន់អនាម័យ ឬបន្ទប់ទឹកឲ្យបានស្អាតជានិច្ច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com