​ភ្នំពេញ​៖ ព្រះ​ភិរម្យ​ភាសា​អ៊ូ ហៅ ង៉ុ​យ គឺជា​ស្តេច​ឧបករណ៍​សាដៀវ និង​ជា​អ្នកនិពន្ធ​ដ៏​ល្បីល្បាញ​ម្នាក់ នៅ​សម័យ​អាណានិគម​បារាំង​។ មាន​វគ្គ​មួយ​នៃ​ច្បាប់​ល្បើក​ថ្មីៗ របស់លោក បាន​ទូន្មាន​ឲ្យ​នារី​ខ្មែរ ត្រូវ​ហ៊ាន​ជំ​ទាល់​ជាមួយ​ឪពុកម្តាយ ប្រសិនបើ​ខ្លួន​មិន​ពេញចិត្ត​គូស្រករ ដែល​ពួកគាត់​ជ្រើសរើស​ឲ្យ​នោះ​។ ការណែនាំ​របស់​ក្រម​ង៉ុ​យ បាន​ផ្ទុយ​ទាំងស្រុង​នឹង​ផ្នត់គំនិត​របស់​ចា​ស់បុ​រាណ ដែល​មិន​ផ្តល់​សេរីភាព​ដល់​កូនស្រី​ក្នុង​ជ្រើសរើស​ដៃគូ​ជីវិត​។  

    

[…]​កូនចៅ​ស្រីៗ ​ក្រមុំ​សាវ​ខ្ចី ​ ​រៀន​ឆោត​ឲ្យ​ល្មម​

​ប្រុស​ស្នើ​ឪ​ម៉ែ ​ ​ឆូវ​ឆ​ប្រលោម ​ ​មើលរូប​មើល​ឆោម​

​កុំ​ព្រម​ដោយ​ងាយ​។ 
 

​កុំ​ក្និច​ក្នក់ក្នាញ់ ​បើ​ចិត្ត​ស្រឡាញ់ ​កុំ​ចេញ​និយាយ​

​បើ​ស្អប់​កុំ​ប្តឹង ​ ​បើ​ខឹង​កុំ​ធ្លាយ ​ ​កុំ​រោះ​កុំ​រាយ​

​កុំ​ងាយ​ធ្វើ​ស្និទ្ធ​។ 
 

​កុំ​ដើរ​ប្រាប់​គេ ​ ​កុំ​អួតអាង​ជេរ ​ ​ក្រែង​ប្រុស​ឈឺចិត្ត​

​នៅ​ឲ្យ​តែ​នឹង ​ ​កុំ​រវល់​ធ្វើ​ស្និទ្ធ ​ ​ប្រុស​នឹង​អាណិត​

​គិត​ចូល​ដណ្តឹង​។ 
 

​បើ​ម៉ែឪ​ឲ្យ ​ ​មើលមុខមើលក្រោយ អាក្រក់​ខ្មៅ​ឆ្អឹង​

​ប្រកែក​ដោយ​ស្ងាត់ ​កុំ​ខ្លាច​ម្តាយ​ខឹង ​កើតកូន​មក​តឹង​

​វា​ពិបាក​ចាយ​ណាស់​។  
 

​កុំ​ឃ្លាន​ចំណី ​ ​កុំ​ខ្លាច​អត់​ប្តី ​ ​កុំ​ភ័យខ្លាច​ចាស់​

​មើលមុខ​ឯង​ផង ​កុំ​រើស​ឥត​ខ្មាស់ ​ខ្លួន​ល្អ​ស្រឡះ​

​មិន​ខ្វះ​គេ​ស្តី​។​[…] 
 

​ប្រភព​៖ «​ច្បាប់ក្រម​ង៉ុ​យ​» បោះ​ពុ​ម្ភ​ឆ្នាំ​១៩៧២ ដោយ​វិទ្យាស្ថាន​ពុទ្ធសាសនបណ្ឌិត្យ 

​