អន្តរជាតិ
កូរ៉េខាងជើងសាកល្បងមីស៊ីលលើកដំបូងក្នុងឆ្នាំ២០១៧, តែមិនមែនជាមីស៊ីលអន្តរទ្វីបឡើយ
×![]()
ដោយ: តន ចាន់រិទ្ធារ៉ា
កូរ៉េខាងជើង បានសាកល្បងមីស៊ីលបាលីស្ទិកមួយក្នុងគោលដៅឆ្ពោះទៅសមុទ្រខាងកើតប្រទេស។ គេមិនទាន់ដឹងច្បាស់ទេថា មីស៊ីលដែលបាញ់ចេញនៅព្រឹកថ្ងៃទី១២ ខែកុម្ភៈ ជាមីស៊ីលអន្តរទ្វីប (ICBM) ឬយ៉ាងដែរ ប៉ុន្តែយោធាកូរ៉េខាងត្បូង និងអាមេរិក ជឿថា មីស៊ីលនេះ មិនមែនជាមីស៊ីលអន្តរទ្វីបដ៏មានឥទ្ធិពលឡើយ។ នៅពេលនេះ ទាំងកូរ៉េខាងត្បូង ទាំងអាមេរិក និងជប៉ុន កំពុងតាមដានស្ថានការណ៍យ៉ាងយកចិត្តទុកដាក់ ជាមួយនឹងការព្រួយបារម្ភចំពោះស្ថិរភាពតំបន់។
ការិយាល័យសេនាធិការកងទ័ពកូរ៉េខាងត្បូង នៅថ្ងៃទី១២ ខែកុម្ភៈ បានប្រកាសថា កូរ៉េខាងជើង បានបាញ់មីស៊ីលមួយសំដៅសមុទ្រជប៉ុន។ នេះជាលើកទី១ ដែលកូរ៉េខាងជើងបាញ់សាកល្បងមីស៊ីលក្នុងឆ្នាំ២០១៧ ហើយក៏ជាលើកដំបូងចាប់តាំងពីការចូលកាន់តំណែងរបស់ប្រធានាធិបតី ដូណាល់ ត្រាំ នៅថ្ងៃទី២០ ខែមករា។ ហើយនេះ ក៏ទំនងជាការសាកល្បងរបស់កូរ៉េខាងជើង ចំពោះការឆ្លើយតបណាមួយរបស់អាមេរិកផងដែរ។
ទីភ្នាក់ងារព័ត៌មានកូរ៉េខាងត្បូង Yonhap ផ្សាយថា គេមិនទាន់ស្គាល់ប្រភេទនៃមីស៊ីលដែលបាញ់នេះនៅឡើយទេ។ គេគ្រាន់តែដឹងថា មីស៊ីលត្រូវបានបាញ់ចេញពីមូលអាកាស Banghyon ស្ថិតក្នុងខេត្ត Pyongan ខាងជើង។ ការិយាល័យសេនាធិការកងទ័ពកូរ៉េខាងត្បូង ក៏និយាយដែរថា បើគិតលើរយៈចម្ងាយនៃការបាញ់ គឺអាចសន្និដ្ឋានបានថា មីស៊ីលនេះ មិនមែនជាប្រភេទនៃមីស៊ីលអន្តរទ្វីប Musudan ដែលអាចបាញ់ដល់អាមេរិកឡើយ។
ប្រភពពីយោធាកូរ៉េខាងត្បូង បញ្ជាក់ដែរថា កងទ័ពក៏កំពុងកំណត់ប្រភេទនៃមីស៊ីលនេះថា ជាមីស៊ីលបាលីស្ទិករយៈចម្ងាយមធ្យម Musudan ឬក៏ជាមីស៊ីលរយៈចម្ងាយខ្លី Rodong ។ មីស៊ីលដែលបាញ់នៅថ្ងៃទី១២ ខែកុម្ភៈនេះ ហោះបានចម្ងាយតែ៥០០គីឡូម៉ែត្រប៉ុណ្ណោះ ដោយបានធ្លាក់ចូលសមុទ្រជប៉ុន។ ចម្ងាយនេះ គឺខ្លីជាងចម្ងាយមីស៊ីល Musudan មានសមត្ថភាពអាចបាញ់ដល់ ខណៈមីស៊ីល Musudan អាចរត់បានចម្ងាយជាង៣០០០គីឡូម៉ែត្រឯណោះ។
រយៈពេលប៉ុន្មានឆ្មាំចុងក្រោយនេះ ក្រុងព្យុងយ៉ាង បានព្យាយាមជាច្រើនលើកច្រើនសារដើម្បីសម្រេចឲ្យបានមីស៊ីលបាលីស្ទិក Musudan ដ៏មានឥទ្ធិពល។ កាលពីឆ្នាំ២០១៦ កូរ៉េខាងជើង បានសាកល្បងមីស៊ីលប្រភេទនេះ ដល់ទៅ៨ដង ប៉ុន្តែភាគច្រើនបរាជ័យ។ នៅក្នុងសារអបអរឆ្នាំថ្មីក្នុងខែមករា ប្រមុខដឹកនាំកូរ៉េខាងជើង គីម ជុងអ៊ុន ក៏បានប្រកាសក្ដែងៗថា ខ្លួន ជិតសម្រេចបានមីស៊ីលអន្តរទ្វីបហើយ ព្រមទាំងអាចបាញ់នៅពេលណាក៏បានទៀតផង។
យ៉ាងណាមិញ ប្រធានាធិបតី ដូណាល់ ត្រាំ ក៏បានចេញមកនិយាយដែរថា កូរ៉េខាងជើង គ្មានផ្លូវអាចអភិវឌ្ឍមីស៊ីលអន្តរទ្វីបបានទេ។ ចំណែករដ្ឋមន្ត្រីការពារជាតិអាមេរិក James Mattis ក៏បានព្រមានដែរថា កូរ៉េខាងជើង នឹងទទួលបានការឆ្លើយតបយ៉ាងពេញចិត្ត បើហ៊ានវាយប្រហារកូរ៉េខាងត្បូង ឬបង្កសកម្មភាពព្រហើនណាមួយនោះ ហើយអាមេរិក ក៏បានត្រៀមរួចរាល់ដើម្បីទប់ស្កាត់មីស៊ីលកូរ៉េខាងជើង រួមទាំងការពង្រាយខែលការពារមីស៊ីលនៅកូរ៉េខាងត្បូងទៀតផង៕
ការិយាល័យសេនាធិការកងទ័ពកូរ៉េខាងត្បូង នៅថ្ងៃទី១២ ខែកុម្ភៈ បានប្រកាសថា កូរ៉េខាងជើង បានបាញ់មីស៊ីលមួយសំដៅសមុទ្រជប៉ុន។ នេះជាលើកទី១ ដែលកូរ៉េខាងជើងបាញ់សាកល្បងមីស៊ីលក្នុងឆ្នាំ២០១៧ ហើយក៏ជាលើកដំបូងចាប់តាំងពីការចូលកាន់តំណែងរបស់ប្រធានាធិបតី ដូណាល់ ត្រាំ នៅថ្ងៃទី២០ ខែមករា។ ហើយនេះ ក៏ទំនងជាការសាកល្បងរបស់កូរ៉េខាងជើង ចំពោះការឆ្លើយតបណាមួយរបស់អាមេរិកផងដែរ។
ទីភ្នាក់ងារព័ត៌មានកូរ៉េខាងត្បូង Yonhap ផ្សាយថា គេមិនទាន់ស្គាល់ប្រភេទនៃមីស៊ីលដែលបាញ់នេះនៅឡើយទេ។ គេគ្រាន់តែដឹងថា មីស៊ីលត្រូវបានបាញ់ចេញពីមូលអាកាស Banghyon ស្ថិតក្នុងខេត្ត Pyongan ខាងជើង។ ការិយាល័យសេនាធិការកងទ័ពកូរ៉េខាងត្បូង ក៏និយាយដែរថា បើគិតលើរយៈចម្ងាយនៃការបាញ់ គឺអាចសន្និដ្ឋានបានថា មីស៊ីលនេះ មិនមែនជាប្រភេទនៃមីស៊ីលអន្តរទ្វីប Musudan ដែលអាចបាញ់ដល់អាមេរិកឡើយ។
ប្រភពពីយោធាកូរ៉េខាងត្បូង បញ្ជាក់ដែរថា កងទ័ពក៏កំពុងកំណត់ប្រភេទនៃមីស៊ីលនេះថា ជាមីស៊ីលបាលីស្ទិករយៈចម្ងាយមធ្យម Musudan ឬក៏ជាមីស៊ីលរយៈចម្ងាយខ្លី Rodong ។ មីស៊ីលដែលបាញ់នៅថ្ងៃទី១២ ខែកុម្ភៈនេះ ហោះបានចម្ងាយតែ៥០០គីឡូម៉ែត្រប៉ុណ្ណោះ ដោយបានធ្លាក់ចូលសមុទ្រជប៉ុន។ ចម្ងាយនេះ គឺខ្លីជាងចម្ងាយមីស៊ីល Musudan មានសមត្ថភាពអាចបាញ់ដល់ ខណៈមីស៊ីល Musudan អាចរត់បានចម្ងាយជាង៣០០០គីឡូម៉ែត្រឯណោះ។
រយៈពេលប៉ុន្មានឆ្មាំចុងក្រោយនេះ ក្រុងព្យុងយ៉ាង បានព្យាយាមជាច្រើនលើកច្រើនសារដើម្បីសម្រេចឲ្យបានមីស៊ីលបាលីស្ទិក Musudan ដ៏មានឥទ្ធិពល។ កាលពីឆ្នាំ២០១៦ កូរ៉េខាងជើង បានសាកល្បងមីស៊ីលប្រភេទនេះ ដល់ទៅ៨ដង ប៉ុន្តែភាគច្រើនបរាជ័យ។ នៅក្នុងសារអបអរឆ្នាំថ្មីក្នុងខែមករា ប្រមុខដឹកនាំកូរ៉េខាងជើង គីម ជុងអ៊ុន ក៏បានប្រកាសក្ដែងៗថា ខ្លួន ជិតសម្រេចបានមីស៊ីលអន្តរទ្វីបហើយ ព្រមទាំងអាចបាញ់នៅពេលណាក៏បានទៀតផង។
យ៉ាងណាមិញ ប្រធានាធិបតី ដូណាល់ ត្រាំ ក៏បានចេញមកនិយាយដែរថា កូរ៉េខាងជើង គ្មានផ្លូវអាចអភិវឌ្ឍមីស៊ីលអន្តរទ្វីបបានទេ។ ចំណែករដ្ឋមន្ត្រីការពារជាតិអាមេរិក James Mattis ក៏បានព្រមានដែរថា កូរ៉េខាងជើង នឹងទទួលបានការឆ្លើយតបយ៉ាងពេញចិត្ត បើហ៊ានវាយប្រហារកូរ៉េខាងត្បូង ឬបង្កសកម្មភាពព្រហើនណាមួយនោះ ហើយអាមេរិក ក៏បានត្រៀមរួចរាល់ដើម្បីទប់ស្កាត់មីស៊ីលកូរ៉េខាងជើង រួមទាំងការពង្រាយខែលការពារមីស៊ីលនៅកូរ៉េខាងត្បូងទៀតផង៕
Tag:
កូរ៉េខាងជើង
កូរ៉េខាងត្បូង
ឧបទ្វីបកូរ៉េ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 9 ម៉ោង
