ពីនេះ ពីនោះ
តើពាក្យ«សេណារីយ៉ូ-Scenario» មានន័យពិតប្រាកដដូចម្តេច?
× ពាក្យ«សេណារីយ៉ូ»មិនមែនជាពាក្យរបស់ខ្មែរទេ។ តាមពិត វាជាពាក្យកម្ចីមកពីភាសាបារាំង scénario ឬភាសាអង់គ្លេស Scenario។ ពលរដ្ឋខ្មែរចូលចិត្តប្រើប្រាស់ពាក្យនេះដែរ តែពេលខ្លះ ចេះតែប្រើ ហើយក៏មិនសូវយល់អត្ថន័យពិតប្រាកដរបស់វាដែរ។ ប្រសិនបើគេបកប្រែន័យពីភាសាបាំង ឬភាសាអង់គ្លេស ពាក្យនេះមានន័យថា ដំណើរសាច់រឿង ឬស្ថានភាពនៃរឿងអ្វីមួយ។ ឧទាហរណ៍៖ ការថតភាពយន្ត ត្រូវគោរពតាម សេណារីយ៉ូ ដែលបានរៀបចំរួចហើយ។ ឧទាហរណ៍មួយទៀតថា បញ្ហានយោបាយមិនល្អសព្វថ្ងៃនេះ អាចនឹងរកច្រកចេញតាម សេណារីយ៉ូ ផ្សេងគ្នា៕
© រក្សាសិទ្ធិដោយ thmeythmey.com