ពីនេះ ពីនោះ
មានរឿងខ្លះដែលអ្នកត្រូវដឹង មុនពេលណាត់ជួបជាមួយមនុស្សស្រីដែលនៅ Single
×![]()
ដោយ: ថ្មីៗ
បើយើងប្រមើលមើលទិដ្ឋភាពសព្វថ្ងៃនេះ មានមនុស្សស្រីនៅ Single (នៅលីវ ឬគ្មានសង្សារ) ច្រើនណាស់ ដែលទំនងជានឹងធ្វើឲ្យមនុស្សប្រុសដូចជាខ្ញុំនេះ ពិបាកនឹងយកឈ្នះចិត្តរបស់នាងដើម្បីធ្វើជាសង្សារណាស់។ ស្ត្រីប្រភេទនេះ ទំនងជារស់នៅមានភាពខ្លាំងរបស់ខ្លួនច្រើន ចិត្តល្អ តែក្លាហាន។ ដូច្នេះ បើសិនជាអ្នកមានបំណងចង់ណាត់ជួបជាមួយស្ត្រីដែលស្ថិតក្នុងស្ថានភាពបែបនេះមែន ខ្ញុំសូមណែនាំនូវគន្លឹះមួយចំនួននេះសិន៖
នាងមានជម្រើសច្រើន
ដោយសារតែនាងមិនបានណាត់ជួបជាមួយនរណាម្នាក់សោះយូរហើយ មិនមែនមានន័យថា នាងមិនមានជម្រើសរើសមនុស្សប្រុសឡើយ។ មានន័យថា នាងច្បាស់ក្នុងចិត្តថា នាងកំពុងតែមានមនុស្សប្រុសជាច្រើនដែលចង់បាន ឬណាត់ជាមួយ គ្រាន់តែនាងមិនត្រូវការ ឬបដិសេធប៉ុណ្ណោះ។ នាងជាមនុស្សស្រីដែលចង់បានភាពច្បាស់ការមួយ ចំពោះទំនាក់ទំនងស្នេហាជាមួយដៃគូពិតប្រាកដម្នាក់ដែលស្រឡាញ់នាងដោយស្មោះ។ បើសិនជាអ្នកធ្វើល្អដាក់នាងបានត្រឹមត្រូវ នាងនឹងធ្វើឲ្យជីវិតអ្នក កាន់តែស្រស់បំព្រងដែរជាមិនខាន។
នាងចូលចិត្តពេលវេលារបស់ខ្លួនឯងជាង
ពិតណាស់ មនុស្សស្រីដែលនៅ Single យូរៗ តែងតែចំណាយពេលវេលារបស់ខ្លួនភាគច្រើននៅម្នាក់ឯង ហើយក៏ពេញចិត្តនឹងការធ្វើបែបនេះដែរ។ យ៉ាងណាមិញ នាងអាចនឹងប្រើពេលវេលាជួបអ្នក តែក៏ត្រូវការពេលវេលាផ្ទាល់ខ្លួនច្រើនដែរ។ ក្រៅពីនេះ នាងអាចនឹងចូលចិត្តធ្វើដំណើរកម្សាន្ត ឬដើរទៅណាមកណាម្នាក់ៗឯងច្រើនជាងមានគ្នា។ ដូច្នេះអ្នកត្រូវតែធ្វើយ៉ាងណា គោរពដល់ពេលវេលាដែលនាងត្រូវការផង។
នាងមិនត្រូវការលុយ ឬការជួយពីអ្នកឡើយ
សូមចាំថា មនុស្សស្រីដែលធ្លាប់តែរស់នៅតែម្នាក់ឯង តែងតែមានជីវិតមួយឯករាជ្យ ហើយក៏មានសមត្ថភាពគ្រប់គ្រាន់ ក្នុងការដោះស្រាយបញ្ហាក្នុងជីវិតបានយ៉ាងល្អ ដោយមិនងាយត្រូវការលុយ ឬជំនួយពីនរណាផ្តេសផ្តាសឡើយ។ ដូច្នេះបើសិនជាអ្នកចូលចិត្តមនុស្សស្រី ដែលតែងតែពឹងលើមនុស្សប្រុស នាងទំនងជាមិនមែនជាអ្វីដែលអ្នកត្រូវការឡើយ។
នាងជាមនុស្សដែលមិនចេះរករឿងច្រើនឡើយ
មនុស្សស្រីដែលធ្លាប់តែនៅ Single យូរ នឹងមិនចូលចិត្តធ្វើបច្ចុប្បន្នភាព ទៅលើរឿងផ្ទាល់ខ្លួនរបស់អ្នកច្រើនឡើយ។ មានន័យថា នាងគោរពទៅលើអ្វីដែលជាភាពផ្ទាល់ខ្លួន និងយល់ច្បាស់ថា ពេលណាដែលអ្នកមិនមានពេលវេលាសម្រាប់នាង។ នាងក៏នឹងមិនទាមទារឲ្យអ្នកកំដរនាងដើរទិញអ៊ីវ៉ាន់ មើលកុន ឬជូននាងទៅ ឬចេញពីកន្លែងធ្វើការដែរ។ ដូច្នេះវាពិតជាគុណសម្បត្តិយ៉ាងធំមួយ សម្រាប់អ្នកគួរពិចារណាហើយ។
នាងមានប្រព័ន្ធគាំទ្រខាងផ្លូវកាយ និងចិត្តយ៉ាងរឹងមាំ
ស្ត្រីប្រភេទនេះ ច្រើនតែមានមិត្តភក្តិយ៉ាងច្រើន ដែលនាងអាចទុកចិត្តបាន និងហៅដើម្បីកំដរបានគ្រប់ពេល។ ចាប់តាំងពីនាងជាមនុស្សស្រី Single គ្រប់ពេលមក នាងពិតជាមានទំនាក់ទំនងយ៉ាងល្អជាមួយនឹងក្រុមគ្រួសារច្រើនដែរ ដែលវាសុទ្ធសឹងតែជាមូលដ្ឋានគ្រឹះដ៏រឹងមាំ សម្រាប់ជីវិតរបស់នាង។ ដូច្នេះ អ្នកនឹងក្លាយទៅជាផ្នែកមួយដ៏សំខាន់ចំពោះរឿងនេះនៅពេលបានចូលទៅក្នុងជីវិតរបស់នាង ប៉ុន្តែមិនត្រូវរំពឹងថា នាងអាចចូលរួមគាំទ្រ ឬជួយអ្នកបានគ្រប់ពេលអី។
នាងមិនមែនរកបុរសណាដែលល្អឥតខ្ចោះឡើយ
ដោយសារតែនាងបានរស់នៅក្នុងជីវិតមួយយ៉ាងពេញលេញរួចទៅហើយ ដូច្នេះនាងគ្រាន់តែចង់បានបុរសម្នាក់ ដែលមានលក្ខណៈគ្រប់គ្រាន់ សម្រាប់ចូលរួមក្នុងដំណើរជីវិតជាមួយនាងប៉ុណ្ណោះ។ នាងក៏មិនដែលរំពឹងថា បុរសម្នាក់នោះ ជួយបំពេញជីវិតរស់នៅរបស់នាង ឲ្យពេញលេញនោះដែរ។ នាងគ្រាន់តែចង់បានឲ្យមនុស្សម្នាក់ ស្រឡាញ់នាងដោយស្មោះត្រង់ និងថែរក្សានាងរហូត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
