ពីនេះ ពីនោះ
តើពាក្យ«ស៊ីក្លូ»មានឫសគល់មកពីភាសាអ្វី? ហើយមានន័យយ៉ាងដូចម្តេច?
× ពលរដ្ឋខ្មែរភាគច្រើនគិតថា ពាក្យ«ស៊ីក្លូ»ជាពាក្យខ្មែរ។ តាមពិត ពាក្យ«ស៊ីក្លូ»នេះក្លាយមកពីភាសាបារាំងថា Cyclo-pousse។ ហើយពាក្យ«ស៊ីក្លូ» នេះទៀតសោត ក្លាយមកពីពាក្យ«ក្រិក»κυ ́κλος ដែលមានន័យថា រង្វង់កង់។
នៅក្នុងភាសាបារាំង គេអាចនិយាយថា Cyclo ឬ Cyclo-pousse បានដូចគ្នា។ ប្រសិនបើគេយកអត្ថន័យនៃពាក្យ Cyclo (រង្វង់កង់) បូកនឹងពាក្យបារាំង Pousse (រុញ) គេពិតជាអាចយល់បានពីអត្ថន័យនៃពាក្យ «ស៊ីក្លូ» ដែលអាចប្រែជាសាមញ្ញថា«រុញរង្វង់កង់»៕
© រក្សាសិទ្ធិដោយ thmeythmey.com