ពីនេះ ពីនោះ
តើពាក្យ«ម៉ូតូរ៉ឺម៉ក»មានឫសគល់មកពីភាសាអ្វី? ហើយមានន័យដូចម្តេច?
× ពលរដ្ឋខ្មែរភាគច្រើនគិតថា ពាក្យ«រ៉ឺម៉ក»ជាពាក្យខ្មែរ។ តាមពិត ពាក្យ«រ៉ឺម៉ក»នេះក្លាយមកពីភាសាបារាំងថា Remorque។ ប្រសិនបើគេប្រែសម្រួលជាភាសាខ្មែរ វាអាចមានន័យថា កន្ទុយសណ្តោង។ ពលរដ្ឋខ្មែរច្រើននិយាយថា ម៉ូតូរ៉ឺម៉ក។ តាមពិត ម៉ូតូ ក៏ជាពាក្យបារាំងដែរ ហើយវាមានន័យជាភាសាខ្មែរថា ទោចក្រយានយន្ត។ ដូច្នេះ ប្រសិនបើខ្មែរ ចង់ប្រើប្រាស់ពាក្យខ្មែរឲ្យត្រឹមត្រូវតែម្តងនោះ គេត្រូវនិយាយថា ទោចក្រយានយន្តសណ្តោង ជំនួស ពាក្យបារាំងថា ម៉ូតូរ៉ឺម៉ក ឬរ៉ឺម៉កម៉ូតូ។ ទោះជាមានពាក្យខ្មែរក្តី ក៏ពលរដ្ឋខ្មែរនិយមប្រើប្រាស់ពាក្យបារាំង ម៉ូតូរ៉ឺម៉ក ឬរ៉ឺម៉កម៉ូតូ (Moto a remorque) ដែរ៕
© រក្សាសិទ្ធិដោយ thmeythmey.com