ពីនេះ ពីនោះ
ព័ត៍មានសុខភាព
រឿងអស្ចារ្យដែលអ្នកមិនធ្លាប់ដឹងអំពីត្រប់វែង
× ត្រប់វែងត្រូវបានប្រជាជនខ្មែរយើងចាត់ទុកថាជាបន្លែដ៏ស្រស់ស្អាតមួយប្រភេទ ហើយក៏ពេញនិយមបំផុតក្នុងការធ្វើជាម្ហូបទទួលទានដែរ។ ក្រៅពីមានរសជាតិឆ្ងាញ់ដល់អាហារប្រចាំថ្ងៃ វាទំនងជាមិនសូវមានមនុស្សច្រើនទេដែលដឹងអំពីភាពអស្ចារ្យរបស់វា។
ជួយគ្រប់គ្រងជំងឺទឹកនោមផ្អែម
ត្រប់វែងសម្បូរទៅដោយជាតិសរសៃ និងកាបូអ៊ីដ្រាតរលាយទាប។ ដូច្នេះវាពិតជាមានប្រយោជន៍ណាស់ក្នុងការសម្របសម្រួលដល់កម្រិតជាតិស្ករក្នុងឈាម ព្រមទាំងគ្រប់គ្រងដល់ការបឺតស្រូបជាតិស្ករ និងជាជម្រើសដ៏ល្អបំផុតសម្រាប់អ្នកជំងឺទឹកនោមផ្អែមប្រភេទទី២។
មានប្រយោជន៍សម្រាប់ខួរក្បាល
ត្រប់វ៉ែងមានសារធាតុ Phytonutrients ដែលជួយការពារដល់ភ្នាស់របស់កោសិកាកុំឲ្យមានការខូចខាត និងជំរុញដល់ការចងចាំបានកាន់តែល្អ។
ជួយសម្រកទម្ងន់
ត្រប់វ៉ែងមានជាតិទឹកខ្ពស់ និងកាឡូរីទាប។ រឿងនេះនឹងធ្វើឲ្យវាក្លាយទៅជាអាហារផ្តល់សុខភាពយ៉ាងល្អបំផុតសម្រាប់អ្នកចង់សម្រកទម្ងន់។
មានសមត្ថភាពសម្លាប់បាក់តេរី
ត្រប់វែងមានវីតាមីន C យ៉ាងល្អដែលធ្វើឲ្យវាអាចកំចាត់ប្រភពនៃបាក់តេរី និងវីរុសបានយ៉ាងអស្ចារ្យ។
ជួយផ្តាច់បារី
ត្រប់វែងមានជាតិនីកូទីនតិចតួចដែលអាចជួយដល់អ្នកចង់ផ្តាច់បារីបានបន្តិចម្តងៗ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com