អន្តរជាតិ
របបសឹកថៃ ត្រៀមរឹបអូសទ្រព្យសម្បត្តិអតីតនាយករដ្ឋមន្ត្រីលោកស្រី យីងឡាក់
លោកស្រី យីងឡាក់ ស៊ីនណាវ៉ាត់ត្រា (រូបថតដោយ៖ Xinhua)
×![]()
ការតស៊ូរបស់អតីតនាយករដ្ឋមន្ត្រីថៃស្រីដំបូងបង្អស់លោកស្រី យីងឡាក់ ស៊ីនណាវ៉ាត់ត្រា តាមផ្លូវតុលាការដើម្បីប្រឆាំងទៅនឹងលិខិតបង្គាប់ឲ្យផ្តល់សំណងពីរដ្ឋាភិបាលរបបសឹកថៃ ហាក់ដូចជាគ្មានលទ្ធផលអ្វីល្អនោះទេ។ រដ្ឋាភិបាលរបបសឹកថៃ បានអះអាងថាលិខិតបញ្ជារបស់នាយករដ្ឋមន្ត្រីមានចរិកលក្ខណៈស្របច្បាប់ និងគ្រប់គ្រាន់ដើម្បីរឹបអូសទ្រព្យសម្បត្តិលោកស្រី ដោយមិនចាំបាច់មានដីកាបង្គាប់ពីតុលាការដែលលោកស្រី យីងឡាក់ កំពុងតែតស៊ូមតិឡើយ។
លោកឧបនាយករដ្ឋមន្ត្រីថៃ លោក Wissanu Krea-ngam នៅថ្ងៃទី១៥ កុម្ភៈ បានឲ្យដឹងថា ការរឹបអូសទ្រព្យដែលជាកម្មសិទ្ធិរបស់អតីតនាយករដ្ឋមន្ត្រី លោកស្រី យីងឡាក់ ស៊ីនណាវ៉ាត់ត្រា អាចអនុវត្តទៅបានដោយមិនចាំបាច់រង់ចាំដីកាបង្គាប់របស់តុលាការរដ្ឋបាលឡើយ។ ការបកស្រាយរបស់មន្ត្រីជាន់ខ្ពស់ថៃរូបនេះ បន្ទាប់ពីមានសារមិនពេញចិត្តរបស់លោកស្រីយីងឡាក់ពីប្រព័ន្ធតុលាការថៃដែលលោកស្រី បានសរសេរនៅលើបណ្តាញសង្គម។ នេះបើយោងតាមការចុះផ្សាយរបស់សារព័ត៌មានថៃ បាងកកប៉ុស្តិ៍នៅថ្ងៃទី១៦ កុម្ភៈនេះ។
លោកស្រី យីងឡាក់ នៅថ្ងៃទី១៥ កុម្ភៈម្សិលមិញ បានសរសេរនៅលើទំព័រហ្វេសប៊ុកលោកស្រីយ៉ាងដូច្នេះថា៖« ខ្ញុំ មិនយល់ហេតុអ្វីបានជាអ្នកជំនាញផ្នែកច្បាប់របស់រដ្ឋាភិបាល បង្ហាញទស្សនៈបែបនេះ (ការអនុវត្តការរឹបអូស)។ វា មិនមានតម្លាភាពសោះ។ ពួកគេ (រដ្ឋាភិបាល) បានដឹងលឺថា ខ្ញុំ កំពុងតែសុំដីកាពីតុលាការដើម្បីបញ្ឈប់ដំណើរការនៃការរឹបអូសនោះ។ សង្គម បច្ចុប្បន្នកំពុងតែត្រូវការការផ្សះផ្សាជាតិ ហើយសេចក្តីថ្លែងការណ៍បែបនេះ អាចផ្តល់យុត្តិធម៌សម្រាប់ជាតិបែបណា?»
សូមរម្លឹកបន្តិចដែរថា នៅខែកញ្ញាឆ្នាំមុន លោកនាយករដ្ឋមន្ត្រីថៃប្រាយុទ្ធ ចន្ទ អូចា បានចេញលិខិតបង្គាប់បញ្ជាដែលផ្តល់ដោយប្រការ៤៤នៃរដ្ឋធម្មនុញ្ញថៃបណ្តោះអាសន្នដើម្បីផ្តល់ភាពស្របច្បាប់សម្រាប់ខ្លួនក្នុងការរឹបអូសទ្រព្យសម្បត្តិលោកស្រី យីងឡាក់ និងអតីតមន្ត្រីក្រោមឱវាទរបស់លោកស្រី ពាក់ព័ន្ធនឹងការធ្វើឲ្យបាត់បង់ថវិកាជាតិតាមរយៈកម្មវិធីស្រូវអង្ករក្នុងពេលលោកស្រី កាន់អំណាច។
ការបង្គាប់រឹបអូសនេះ មិនបានឆ្លងកាត់ដីកាបង្គាប់ពីតុលាការថៃ ដែលចំណុចនេះហើយ ធ្វើឲ្យលោកស្រី យីងឡាក់ ចាត់ទុកថា ជារឿងមិនយុត្តិធម៌ ហើយ លោកស្រី ក៏បានដាក់បណ្តឹងទៅកាន់តុលាការរដ្ឋបាលថៃដើម្បីចេញដីកាមោឃភាពទៅលើលិខិតបង្គាប់របស់លោកនាយករដ្ឋមន្ត្រីប្រាយុទ្ធ ចន្ទ អូចានោះ។
នៅថ្ងៃទី២៦ មករា ដែលជាពេល លោកស្រី យីងឡាក់ ចូលបំភ្លឺនៅតុលាការរដ្ឋបាល លោកស្រី បានអំពាវនាវឲ្យតុលាការរដ្ឋបាលថៃមោឃភាពដីកាបង្គាប់រដ្ឋបាលដែលចេញដោយក្រសួងហិរញ្ញវត្ថុនៃរដ្ឋាភិបាលរបបសឹកដែលបានទាមទារឲ្យលោកស្រីផ្តល់សំណងទៅលើការខូចខាតដ៏ច្រើនលើសលប់ពាក់ព័ន្ធបញ្ហាស្រូវអង្ករថៃក្នុងពេលលោកស្រីដឹកនាំប្រទេស។ ការទាមទាររបស់ក្រសួងហិរញ្ញវត្ថុថៃ បន្ទាប់ពីបានរកឃើញថាក្នុងរដ្ឋបាលរបស់លោក បានធ្វើឲ្យបាត់បង់ថរិការដ្ឋ ១៧៨.៥ ពាន់លានបាត ដែលលោកស្រី ត្រូវទទួល២០ភាគរយ ដែលស្មើនឹង ៣៥.៧ពាន់លានបាត។ នេះបើយោងតាមការចុះផ្សាយរបស់សារព័ត៌មានថៃ The Nation។
នាពេលនោះដែរ លោកស្រី យីងឡាក់ ក៏បានថ្លែងទៅកាន់អ្នកសារព័ត៌មានក្នុងទឹកមុខគ្រាមក្រំ ដោយលោកស្រី បាននិយាយយ៉ាងដូច្នេះថា៖« ប្រសិនបើទ្រព្យសម្បត្តិរបស់ខ្ញុំ ត្រូវបានរាប់អូស ខ្ញុំ នឹងត្រូវគ្រាំគ្រាយ៉ាងខ្លាំង។ នេះ គឺជាបំណុលមួយដ៏ធំមហិមា ដែលខ្ញុំ មិនអាចសងបានឡើយក្នុងឆាកជីវិតរបស់ខ្ញុំ។ ខ្ញុំ នឹងត្រូវរស់នៅបែបទុរគត ហើយអារម្មណ៍ឈឺចាប់មួយនេះ ពិបាកនឹងពណ៌នាណាស់»។ នេះបើយោងតាមប្រភពព័ត៌មានដដែល។
សូមជម្រាបផងដែរថា លោកស្រីអតីតនាយករដ្ឋមន្ត្រីថៃ យីងឡាក់ ត្រូវបានទម្លាក់ចេញពីតំណែងដោយរដ្ឋប្រហារយោធាដែលដឹកនាំដោយលោកឧត្តមសេនីយ៍ និងជានាយករដ្ឋមន្ត្រីថៃបច្ចុប្បន្ន ប្រាយុទ្ធ ចន្ទអូចា នៅថ្ងៃទី២២ ខែឧសភា ឆ្នាំ២០១៤ ក្រោមហេតុផលថា លោកស្រី ធ្វើឲ្យមានការបែងចែកថៃ។ ក្រោយពីអស់តំណែងហើយនោះ លោកស្រី ក៏ត្រូវបានសភាអាយ៉ងយោធា សម្រេចផ្អាកកិច្ចការនយោបាយរយៈពេលប្រាំឆ្នាំទៀតផង។
អ្វីគួរកត់សម្គាល់នោះ ក្រៅពីត្រូវបានរដ្ឋបាលរបបសឹកនៃលោកប្រាយុទ្ធ ចន្ទអូចា ទាមទារសំណងរដ្ឋបាលជាច្រើនពាន់លានបាតពាក់ព័ន្ធនឹងគោលនយោបាយស្រូវអង្ករហើយនោះ លោកស្រី ក៏បាននិងកំពុងតែប្រឈមជាមួយនឹងបណ្តឹងរបស់តុលាការកំពូលព្រហ្មទណ្ឌថៃពាក់ព័ន្ធនឹងបទធ្វេសប្រហែស និងរឿងអាស្រូវថវិកាជាតិនៃស្រូវអង្ករដដែលនោះដែរ។ តាមបទចោទនេះ លោកស្រី អាចប្រឈមនឹងទោសព្រហ្មទណ្ឌយ៉ាងតិច១០ឆ្នាំ៕
លោកឧបនាយករដ្ឋមន្ត្រីថៃ លោក Wissanu Krea-ngam នៅថ្ងៃទី១៥ កុម្ភៈ បានឲ្យដឹងថា ការរឹបអូសទ្រព្យដែលជាកម្មសិទ្ធិរបស់អតីតនាយករដ្ឋមន្ត្រី លោកស្រី យីងឡាក់ ស៊ីនណាវ៉ាត់ត្រា អាចអនុវត្តទៅបានដោយមិនចាំបាច់រង់ចាំដីកាបង្គាប់របស់តុលាការរដ្ឋបាលឡើយ។ ការបកស្រាយរបស់មន្ត្រីជាន់ខ្ពស់ថៃរូបនេះ បន្ទាប់ពីមានសារមិនពេញចិត្តរបស់លោកស្រីយីងឡាក់ពីប្រព័ន្ធតុលាការថៃដែលលោកស្រី បានសរសេរនៅលើបណ្តាញសង្គម។ នេះបើយោងតាមការចុះផ្សាយរបស់សារព័ត៌មានថៃ បាងកកប៉ុស្តិ៍នៅថ្ងៃទី១៦ កុម្ភៈនេះ។
លោកស្រី យីងឡាក់ នៅថ្ងៃទី១៥ កុម្ភៈម្សិលមិញ បានសរសេរនៅលើទំព័រហ្វេសប៊ុកលោកស្រីយ៉ាងដូច្នេះថា៖« ខ្ញុំ មិនយល់ហេតុអ្វីបានជាអ្នកជំនាញផ្នែកច្បាប់របស់រដ្ឋាភិបាល បង្ហាញទស្សនៈបែបនេះ (ការអនុវត្តការរឹបអូស)។ វា មិនមានតម្លាភាពសោះ។ ពួកគេ (រដ្ឋាភិបាល) បានដឹងលឺថា ខ្ញុំ កំពុងតែសុំដីកាពីតុលាការដើម្បីបញ្ឈប់ដំណើរការនៃការរឹបអូសនោះ។ សង្គម បច្ចុប្បន្នកំពុងតែត្រូវការការផ្សះផ្សាជាតិ ហើយសេចក្តីថ្លែងការណ៍បែបនេះ អាចផ្តល់យុត្តិធម៌សម្រាប់ជាតិបែបណា?»
សូមរម្លឹកបន្តិចដែរថា នៅខែកញ្ញាឆ្នាំមុន លោកនាយករដ្ឋមន្ត្រីថៃប្រាយុទ្ធ ចន្ទ អូចា បានចេញលិខិតបង្គាប់បញ្ជាដែលផ្តល់ដោយប្រការ៤៤នៃរដ្ឋធម្មនុញ្ញថៃបណ្តោះអាសន្នដើម្បីផ្តល់ភាពស្របច្បាប់សម្រាប់ខ្លួនក្នុងការរឹបអូសទ្រព្យសម្បត្តិលោកស្រី យីងឡាក់ និងអតីតមន្ត្រីក្រោមឱវាទរបស់លោកស្រី ពាក់ព័ន្ធនឹងការធ្វើឲ្យបាត់បង់ថវិកាជាតិតាមរយៈកម្មវិធីស្រូវអង្ករក្នុងពេលលោកស្រី កាន់អំណាច។
ការបង្គាប់រឹបអូសនេះ មិនបានឆ្លងកាត់ដីកាបង្គាប់ពីតុលាការថៃ ដែលចំណុចនេះហើយ ធ្វើឲ្យលោកស្រី យីងឡាក់ ចាត់ទុកថា ជារឿងមិនយុត្តិធម៌ ហើយ លោកស្រី ក៏បានដាក់បណ្តឹងទៅកាន់តុលាការរដ្ឋបាលថៃដើម្បីចេញដីកាមោឃភាពទៅលើលិខិតបង្គាប់របស់លោកនាយករដ្ឋមន្ត្រីប្រាយុទ្ធ ចន្ទ អូចានោះ។
នៅថ្ងៃទី២៦ មករា ដែលជាពេល លោកស្រី យីងឡាក់ ចូលបំភ្លឺនៅតុលាការរដ្ឋបាល លោកស្រី បានអំពាវនាវឲ្យតុលាការរដ្ឋបាលថៃមោឃភាពដីកាបង្គាប់រដ្ឋបាលដែលចេញដោយក្រសួងហិរញ្ញវត្ថុនៃរដ្ឋាភិបាលរបបសឹកដែលបានទាមទារឲ្យលោកស្រីផ្តល់សំណងទៅលើការខូចខាតដ៏ច្រើនលើសលប់ពាក់ព័ន្ធបញ្ហាស្រូវអង្ករថៃក្នុងពេលលោកស្រីដឹកនាំប្រទេស។ ការទាមទាររបស់ក្រសួងហិរញ្ញវត្ថុថៃ បន្ទាប់ពីបានរកឃើញថាក្នុងរដ្ឋបាលរបស់លោក បានធ្វើឲ្យបាត់បង់ថរិការដ្ឋ ១៧៨.៥ ពាន់លានបាត ដែលលោកស្រី ត្រូវទទួល២០ភាគរយ ដែលស្មើនឹង ៣៥.៧ពាន់លានបាត។ នេះបើយោងតាមការចុះផ្សាយរបស់សារព័ត៌មានថៃ The Nation។
នាពេលនោះដែរ លោកស្រី យីងឡាក់ ក៏បានថ្លែងទៅកាន់អ្នកសារព័ត៌មានក្នុងទឹកមុខគ្រាមក្រំ ដោយលោកស្រី បាននិយាយយ៉ាងដូច្នេះថា៖« ប្រសិនបើទ្រព្យសម្បត្តិរបស់ខ្ញុំ ត្រូវបានរាប់អូស ខ្ញុំ នឹងត្រូវគ្រាំគ្រាយ៉ាងខ្លាំង។ នេះ គឺជាបំណុលមួយដ៏ធំមហិមា ដែលខ្ញុំ មិនអាចសងបានឡើយក្នុងឆាកជីវិតរបស់ខ្ញុំ។ ខ្ញុំ នឹងត្រូវរស់នៅបែបទុរគត ហើយអារម្មណ៍ឈឺចាប់មួយនេះ ពិបាកនឹងពណ៌នាណាស់»។ នេះបើយោងតាមប្រភពព័ត៌មានដដែល។
សូមជម្រាបផងដែរថា លោកស្រីអតីតនាយករដ្ឋមន្ត្រីថៃ យីងឡាក់ ត្រូវបានទម្លាក់ចេញពីតំណែងដោយរដ្ឋប្រហារយោធាដែលដឹកនាំដោយលោកឧត្តមសេនីយ៍ និងជានាយករដ្ឋមន្ត្រីថៃបច្ចុប្បន្ន ប្រាយុទ្ធ ចន្ទអូចា នៅថ្ងៃទី២២ ខែឧសភា ឆ្នាំ២០១៤ ក្រោមហេតុផលថា លោកស្រី ធ្វើឲ្យមានការបែងចែកថៃ។ ក្រោយពីអស់តំណែងហើយនោះ លោកស្រី ក៏ត្រូវបានសភាអាយ៉ងយោធា សម្រេចផ្អាកកិច្ចការនយោបាយរយៈពេលប្រាំឆ្នាំទៀតផង។
អ្វីគួរកត់សម្គាល់នោះ ក្រៅពីត្រូវបានរដ្ឋបាលរបបសឹកនៃលោកប្រាយុទ្ធ ចន្ទអូចា ទាមទារសំណងរដ្ឋបាលជាច្រើនពាន់លានបាតពាក់ព័ន្ធនឹងគោលនយោបាយស្រូវអង្ករហើយនោះ លោកស្រី ក៏បាននិងកំពុងតែប្រឈមជាមួយនឹងបណ្តឹងរបស់តុលាការកំពូលព្រហ្មទណ្ឌថៃពាក់ព័ន្ធនឹងបទធ្វេសប្រហែស និងរឿងអាស្រូវថវិកាជាតិនៃស្រូវអង្ករដដែលនោះដែរ។ តាមបទចោទនេះ លោកស្រី អាចប្រឈមនឹងទោសព្រហ្មទណ្ឌយ៉ាងតិច១០ឆ្នាំ៕
Tag:
ថៃ
អាស៊ាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 វិនាទី
