កីឡាជាតិ
ជាតិ
គ្រូបង្វឹកទ្រីយ៉ាត្លុង២៨រូបទទួលបានការបណ្តុះបណ្តាលបច្ចេកទេសពីគ្រូកូរ៉េខាងត្បូង និងម៉ាឡេស៊ី
×![]()
គ្រោមគម្រោងអភិវឌ្ឍន៍របស់សហព័ន្ធកីឡាទ្រីយ៉ាត្លុងអាស៊ី(ASTC) គ្រូបង្វឹកកីឡាទ្រីយ៉ាត្លុងកម្ពុជាចំនួន២៨រូបទទួលបានការបណ្តុះបណ្តាលវគ្គទ្រឹស្តីបច្ចេកទេសកីឡាទ្រីយ៉ាត្លុង ដែលរៀបចំដោយសហព័ន្ធកីឡាទ្រីយ៉ាត្លុងកម្ពុជា។ ការបណ្តុះបណ្តាលនេះក្រោមការបង្ហាញរបស់គ្រូឧទ្ទេសជនជាតិកូរ៉េ និងម៉ាឡេស៊ី។ អគ្គលេខាធិការសហព័ន្ធកីឡាទ្រីយ៉ាត្លុងកម្ពុជារំពឹងថា សិក្ខាកាមនឹងទទួលបានបទពិសោធន៍ថ្មីៗពីវគ្គបណ្តុះបណ្តាលនេះ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើន។
គ្រូបង្វឹកកីឡាទ្រីយ៉ាត្លុងកម្ពុជាចំនួន២៨រូបមកពីសហព័ន្ធកីឡាទ្រីយ៉ាត្លុងកម្ពុជា ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាទទួលបានការបណ្តុះបណ្តាលវគ្គបច្ចេកទេសរៀបចំកីឡាទ្រីយ៉ាត្លុង។ វគ្គបណ្តុះបណ្តាលនេះ ក្រោមបទបង្ហាញរបស់គ្រូឧទ្ទេសជនជាតិកូរ៉េ លោក Ki Wookyong ប្រធានគម្រោងអភិវឌ្ឍន៍កីឡាទ្រីយ៉ាត្លុងអាស៊ី និងអ្នកស្រីជនជាតិម៉ាឡេស៊ី Melody Tan អគ្គលេខាធិការសហព័ន្ធកីឡាទ្រីយ៉ាត្លុងអាស៊ី និងជាអ្នកទទួលរៀបចំព្រឹត្តិការណ៍ស៊ីហ្គេមលើកទី២៩នៅម៉ាឡេស៊ី។
អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាលោក ងិន សុខបញ្ញា បានបញ្ជាក់ថា វគ្គបណ្តុះបណ្តាលនេះ គឹផ្តោតសំខាន់តែទៅលើទ្រឹស្តីតែប៉ុណ្ណោះ ពោលគឹមិនមានការអនុវត្តនោះទេ។ ហើយវាជាលើកទី១សម្រាប់សហព័ន្ធកីឡាទ្រីយ៉ាត្លុងកម្ពុជាដែលរៀចចំឲ្យមានវគ្គបណ្តុះបណ្តុះនេះ។ ប៉ុន្តែវគ្គនេះ គណៈកម្មាធិការជាតិអូឡាំពិកកម្ពុជាធ្លាប់រៀបចំម្តងរួចទៅហើយ។
ពាក់ព័ន្ធទៅនឹងគោលបំណងនៃការរៀបចំ លោក អគ្គលេខាធិការសហព័ន្ធកីឡាទ្រីយ៉ាត្លុងកម្ពុជារូបនេះបានបញ្ជាក់ថា៖«យើងរៀបចំវគ្គនេះឡើង គឺដើម្បីបណ្តុះបណ្តាលមន្ត្រីរបស់យើង សម្រាប់ត្រៀមរៀបចំការប្រកួតនានា និងជើងឯកថ្នាក់តំបន់ឲ្យស្របតាមបច្ចេកទេស។ តែបើយោងមិនមានវគ្គបណ្តុះបណ្តាលមន្ត្រីនេះទេ គឺយើងមិនដឹងថា រៀបចំយ៉ាងណាឲ្យល្អ និងស្របតាមបច្ចេកទេសនោះឡើយ»។
«ក្រោយរៀនចប់ខ្ញុំរំពឹងថា សមត្ថភាពមន្ត្រីរបស់យើង នឹងយល់ដឹងកាន់តែច្បាស់ពីកីឡាទ្រីយ៉ាត្លុង ក៏ដូចជាបច្ចេកទេសនៃការរៀបចំទូទៅ និងការប្រកួត។ អ៊ីចឹងយើងសង្ឃឹមថា គាត់នឹងទទួលបាននូវចំណេះដឹងថ្មីៗពីគ្រូកូរ៉េ និងម៉ាឡេស៊ី ដើម្បីអភិវឌ្ឍន៍សមត្ថភាពរបស់គាត់»។ នេះជាសំដីរបស់លោក ងិន សុខបញ្ញា។
គួរបញ្ជាក់ថា សិក្ខាសាលាស្តីពី«បច្ចេកទេសកីឡាទ្រីយ៉ាត្លុង»រៀបចំដោយសហព័ន្ធកីឡាទ្រីយ៉ាត្លុងកម្ពុជាក្រោមគម្រោងថវិកាអភិវឌ្ឍន៍របស់សហព័ន្ធកីឡាទ្រីយ៉ាត្លុងអាស៊ី(ASTC)។ វគ្គបណ្តុះបណ្តាលនេះធ្វើឡើងរយៈពេល២ថ្ងៃចាប់ពីថ្ងៃទី២៨ កុម្ភៈ ដល់ថ្ងៃទី១ ខែមីនា នៅទីស្នាក់ការគណៈកម្មាធិការជាតិអូឡាំពិកកម្ពុជា៕
គ្រូបង្វឹកកីឡាទ្រីយ៉ាត្លុងកម្ពុជាចំនួន២៨រូបមកពីសហព័ន្ធកីឡាទ្រីយ៉ាត្លុងកម្ពុជា ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាទទួលបានការបណ្តុះបណ្តាលវគ្គបច្ចេកទេសរៀបចំកីឡាទ្រីយ៉ាត្លុង។ វគ្គបណ្តុះបណ្តាលនេះ ក្រោមបទបង្ហាញរបស់គ្រូឧទ្ទេសជនជាតិកូរ៉េ លោក Ki Wookyong ប្រធានគម្រោងអភិវឌ្ឍន៍កីឡាទ្រីយ៉ាត្លុងអាស៊ី និងអ្នកស្រីជនជាតិម៉ាឡេស៊ី Melody Tan អគ្គលេខាធិការសហព័ន្ធកីឡាទ្រីយ៉ាត្លុងអាស៊ី និងជាអ្នកទទួលរៀបចំព្រឹត្តិការណ៍ស៊ីហ្គេមលើកទី២៩នៅម៉ាឡេស៊ី។
អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាលោក ងិន សុខបញ្ញា បានបញ្ជាក់ថា វគ្គបណ្តុះបណ្តាលនេះ គឹផ្តោតសំខាន់តែទៅលើទ្រឹស្តីតែប៉ុណ្ណោះ ពោលគឹមិនមានការអនុវត្តនោះទេ។ ហើយវាជាលើកទី១សម្រាប់សហព័ន្ធកីឡាទ្រីយ៉ាត្លុងកម្ពុជាដែលរៀចចំឲ្យមានវគ្គបណ្តុះបណ្តុះនេះ។ ប៉ុន្តែវគ្គនេះ គណៈកម្មាធិការជាតិអូឡាំពិកកម្ពុជាធ្លាប់រៀបចំម្តងរួចទៅហើយ។
ពាក់ព័ន្ធទៅនឹងគោលបំណងនៃការរៀបចំ លោក អគ្គលេខាធិការសហព័ន្ធកីឡាទ្រីយ៉ាត្លុងកម្ពុជារូបនេះបានបញ្ជាក់ថា៖«យើងរៀបចំវគ្គនេះឡើង គឺដើម្បីបណ្តុះបណ្តាលមន្ត្រីរបស់យើង សម្រាប់ត្រៀមរៀបចំការប្រកួតនានា និងជើងឯកថ្នាក់តំបន់ឲ្យស្របតាមបច្ចេកទេស។ តែបើយោងមិនមានវគ្គបណ្តុះបណ្តាលមន្ត្រីនេះទេ គឺយើងមិនដឹងថា រៀបចំយ៉ាងណាឲ្យល្អ និងស្របតាមបច្ចេកទេសនោះឡើយ»។
«ក្រោយរៀនចប់ខ្ញុំរំពឹងថា សមត្ថភាពមន្ត្រីរបស់យើង នឹងយល់ដឹងកាន់តែច្បាស់ពីកីឡាទ្រីយ៉ាត្លុង ក៏ដូចជាបច្ចេកទេសនៃការរៀបចំទូទៅ និងការប្រកួត។ អ៊ីចឹងយើងសង្ឃឹមថា គាត់នឹងទទួលបាននូវចំណេះដឹងថ្មីៗពីគ្រូកូរ៉េ និងម៉ាឡេស៊ី ដើម្បីអភិវឌ្ឍន៍សមត្ថភាពរបស់គាត់»។ នេះជាសំដីរបស់លោក ងិន សុខបញ្ញា។
គួរបញ្ជាក់ថា សិក្ខាសាលាស្តីពី«បច្ចេកទេសកីឡាទ្រីយ៉ាត្លុង»រៀបចំដោយសហព័ន្ធកីឡាទ្រីយ៉ាត្លុងកម្ពុជាក្រោមគម្រោងថវិកាអភិវឌ្ឍន៍របស់សហព័ន្ធកីឡាទ្រីយ៉ាត្លុងអាស៊ី(ASTC)។ វគ្គបណ្តុះបណ្តាលនេះធ្វើឡើងរយៈពេល២ថ្ងៃចាប់ពីថ្ងៃទី២៨ កុម្ភៈ ដល់ថ្ងៃទី១ ខែមីនា នៅទីស្នាក់ការគណៈកម្មាធិការជាតិអូឡាំពិកកម្ពុជា៕
Tag:
ទ្រីយ៉ាងត្លុង
ងិន សុខបញ្ញា
ASTC
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
