លោក ប្រាក់ សុខុន បង្ហាញលទ្ធផលកំណែទម្រង់ដ៏ជោគជ័យរបស់ខ្លួននៅក្រសួងការបរទេស

ជាតិ

លោក ប្រាក់ សុខុន បង្ហាញលទ្ធផលកំណែទម្រង់ដ៏ជោគជ័យរបស់ខ្លួននៅក្រសួងការបរទេស

28, Feb 2017 , 8:59 pm

រូបភាព

ដោយ:

ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិលោក ប្រាក់ សុខុន បានចេញផែន ការ កែទម្រង់ក្រសួងការបរទេសក្រោមរបស់លោក ៣ចំណុចនោះ គឺ ១, កែលម្អអារម្មណ៍ និងទឹកចិត្តមន្ត្រី ក្រសួ ង ២,កែលម្អទំនាក់ទំនងជាមួយស្ថានទូត ស្ថានតំណាង អង្គការអន្តរជាតិនានាប្រចាំនៅកម្ពុជា និង៣, ពង្រឹងយន្តការសម្របសម្រួលជាមួយគ្រប់ក្រសួងស្ថាប័ននានា។

ថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០១៦ និងទិសដៅឆ្នាំ២០១៧ របស់ក្រសួងការ បរទេស និងសហប្រតិបត្តិការអន្តរជាតិ ថ្ងៃទី២៨ ខែកុម្ភៈនេះ លោកទេសរដ្ឋមន្ត្រី ប្រាក់ សុខុន បាន លើក ឡើងថា ការផ្លាស់ប្តូរស៊ីជម្រៅនេះ គឺជាពហុវិស័យក្នុងគោលដៅកែលំអអារម្មណ៍ និងទឹកចិត្តការងាររបស់ មន្ត្រីការទូត មន្ត្រីរាជការ និងបុគ្គលិកផ្ទាល់របស់ក្រសួង ដើម្បីឲ្យកិច្ចការបម្រើ និងការពារផលប្រយោជន៍ ជាតិ និងប្រជាពលរដ្ឋប្រកបដោយសន្ទុះថ្មី ផ្អែកលើគុណតំលៃនៃតម្លាភាព សមភាព សមត្ថភាព និងគុណសម្បតិ្ត។

រីឯ ការកែលម្អទំនាក់ទំនងជាមួយស្ថានទូត ស្ថានតំណាង អង្គការអន្តរជាតិនានាប្រចាំនៅកម្ពុជាវិញ លោក មានបំណងឲ្យទំនាក់ទំនងនេះក្លាយជាទំនាក់ទំនងរវាងដៃគូពិតប្រាកដ និងឈរលើមូលដ្ឋាននៃការគោរពគ្នា ការជឿទុកចិត្តគ្នាទៅវិញទៅមកដោយស្មើភាព និងស្មើសិទ្ធិ។

ចំពោះការកែលម្អពង្រឹងយន្តការសម្របសម្រួលជាមួយគ្រប់ក្រសួងស្ថាប័ននានា លោកមានគោលដៅធា នាដោយពេញលេញនូវតួនាទី និងការទទួលខុសត្រូវរបស់ក្រសួងក្នុងឋានៈជាតួអង្គស្នូលនៃកិច្ចសហ ប្រតិ បត្តិការអន្តរជាតិ។

លើសពីនេះទៀត លោករដ្ឋមន្ត្រីចូលកាន់តំណែងក្នុងខែមេសាឆ្នាំ២០១៦កន្លងទៅរូបនេះ បន្តលើកឡើងថា ការកំណែទម្រង់នេះទាមទារការប្តេជ្ញាកែសម្រួលលរចនាសម្ព័ន្ធរបស់ក្រសួងតបទៅនឹងតម្រូវការការងារ ក្នុងនោះ រួមមាន ការបង្កើតវិទ្យាស្ថានជាតិមួយ ដើម្បីបណ្តុះបណ្តាលអ្នកការទូត និងទំនាក់ទំនងអន្តរជាតិផងដែរ។ ចំពោះការកែសម្រួលផ្នត់គំនិត និងឥរិយាបទការងារវិញ លោកថា ជាការកំណត់យកសម ភាព តម្លាភាព សមត្ថភាព និងតម្កល់ប្រយោជន៍សមូហភាពជាធំ។

បន្ថែមលើសពីនេះ លោករដ្ឋមន្ត្រីបានបន្តលើកឡើងពីការកែលម្អលក្ខខណ្ឌការងារដែរ ដោយលោកបានចេញផែនការនោះ មានការដំឡើងប្រាក់បៀវត្ស ថ្លៃឈ្នួលផ្ទះ កែសម្រួលប្រាក់ចំណាយទូទៅរបស់ស្ថាន តំណាងរបស់កម្ពុជាប្រចាំនៅបរទេសផ្តល់មកវិញនូវប្រាក់ឧបត្ថម្ភសហព័ទ្ធ និងកូនដល់មន្ត្រីការទូតនៅ ក្រៅប្រទេស រួមទាំងការផ្តល់ប្រាក់រង្វាន់ប្រចាំខែដល់មន្ត្រីបុគ្គលិកក្នុងស្រុកសមរម្យ និងផ្តល់មធ្យោបាយបំពេញការងារប្រចាំថ្ងៃតាមតម្រូវការ។

ចំពោះការកែលម្អទំនាក់ទំនងជាមួយដៃគូនានា ប្រព័ន្ធសារពត៌មាន សាធារណៈជន លោកថាលោកបាន ផ្តល់ព័ត៌មានទៀងទាត់ទាន់ពេល ពិសេសតាមរយៈគេហទំព័រ (website) ថ្មីរបស់ក្រសួង ការចងក្រងជាក្រុមរវាងថ្នាក់ដឹកនាំក្រសួង និងឯកអគ្គរាជទូតនៅក្រៅប្រទេស ដើម្បីចែករំលែកព័ត៌មាន និងផ្លាស់ប្តូរយោបល់គ្នាលើបញ្ហាក្តៅៗរបស់ពិភពលោកឲ្យបានទាន់ពេលវេលា៕