Choe Myong Ho និង ច្រឹង ពលរដ្ឋ ជួយទ័ពលត់បឹងកេត ៣-០

កីឡាជាតិ

ជាតិ

Choe Myong Ho និង ច្រឹង ពលរដ្ឋ ជួយទ័ពលត់បឹងកេត ៣-០

02, Mar 2017 , 9:14 am

រូបភាព

ដោយ:

ពីរគ្រាប់របស់ខ្សែប្រយុទ្ធកូរ៉េខាងជើង Choe Myong Ho និងមួយគ្រាប់របស់ខ្សែបម្រើ ច្រឹង ពលរដ្ឋ បានជួយ ក្រុ ម ក្រសួងការពារជាតិលត់ក្រុមការពារជើងឯកបឹងកេតអង្គរ ៣-០ នាការប្រកួតលើកទី២នៃពានរង្វាន់ក្របខណ្ឌលីក កំពូលកម្ពុជាកាលពីល្ងាចថ្ងៃទី១ មីនា នៅពហុកីដ្ឋានជាតិ។

ខ្សែប្រយុទ្ធកូរ៉េខាងជើង Choe Myong Ho បានរកគ្រាប់បាល់នាំមុខ ១-០ ឲ្យក្រុមក្រសួងការពារជាតិនៅនាទី៦ បន្ទាប់មកខ្សែប្រយុទ្ធរូបនេះ បានសម្រេចគ្រាប់ទី២ ដើម្បីជួយក្រសួងការពារជាតិឲ្យនាំមុខ ២-០ លើក្រុមការពារ តំណែងជើងឯកបឹងកេតអង្គរត្រឹមនាទី១២។ លទ្ធផលនេះបានធ្វើឲ្យក្រុមបឹងបង្កើនការវាយយ៉ាងខ្លាំង ប៉ុន្តែនៅតែ មិនអាចទម្លុះសំណាញ់ទីរបស់ក្រសួងការពារជាតិ។

ការប្រកួតដំណើរការបានប្រមាណជាជាង១០នាទីខ្សែបម្រើ ច្រឹង ពលរដ្ឋ បានទាត់បាល់ទម្លុះសំណាញ់ទី បឹង កេតអង្គរយ៉ាងល្អ ដើម្បីជួយឲ្យក្រុមក្រសួងការពារជាតិនាំមុខ ៣-០ នៅនាទី៣០មុនចប់វគ្គទី១។ ទោះបីមានការ វាយបកដាក់គ្នាទៅវិញមកយ៉ាងណាក៏ដោយ តែក្រុមទាំងពីរមិនអាចទម្លុះសំណាញ់ទីគ្នានោះឡើយ ដោយរក្សា លទ្ធផល ៣-០ រហូតចប់វគ្គទី២។

ជ័យជម្នះ ៣-០ នេះបានជួយឲ្យក្រុមក្រសួងការពារជាតិឡើងមកលំដាប់ទី៣ក្នុងតារាងដោយមាន៤ពិន្ទុ បន្ទាប់ពី ភ្នំពេញក្រោនដែលឈរកំពូលតារាងដោយមាន៦ពិន្ទុ និងអគ្គស្នងការនគរដែលឈរលេខ២ ដោយមាន៤ពិន្ទុ។ ការបរាជ័យនេះធ្វើឲ្យការពារតំណែងជើងឯកបឹងកេតអង្គរមានតែ១ពិន្ទុសម្រាប់ពីរប្រកួតរបស់ខ្លួន៕