ជាតិ
សេដ្ឋកិច្ច
ក្រុមហ៊ុនស្រាបៀរកម្ពុជាសម្ភោធរោងចក្រថ្មីដែលអាចផលិត៨០លាន ទៅ៣០០លានលីត្រក្នុង១ឆ្នាំ
CBL ពីហ្វេសប៊ុកសម្តេចហ៊ុនសែន
×![]()
ភ្នំពេញ៖ ក្រុមហ៊ុនស្រាបៀរកម្ពុជា (Cambodia Brewery Limited, CBL) ដែលជាផ្នែកមួយរបស់ក្រុមហ៊ុន Heineken បានបោះទុន ១០០លានដុល្លារសាងសង់ពង្រីករោងចក្របន្ថែមទៀត ដើម្បីឆ្លើយតបទំហំទីផ្សាររបស់ខ្លួននាពេលបច្ចុបន្ន និងអនាគត។ ផលិតផលស្រាបៀដែលចែកចាយ និងផលិតដោយក្រុមហ៊ុនស្រាបៀកម្ពុជា រួមមាន ស្រាបៀរ ABC Stout, Tiger, Gold Crown, Anchor និង Heineken ។
ក្រុមហ៊ុនស្រាបៀរកម្ពុជា (CBL) បានបង្កើតរោងចក្រនៅកម្ពុជាតាំងពីឆ្នាំ១៩៩៤ លើទឹកប្រាក់វិនិយោគ ៥៦លានដុល្លារ។ នៅថ្ងៃទី៧ខែមីនាឆ្នាំនេះ ក្រុមហ៊ុនបានសម្ពោធខ្សែសង្វាក់ផលិតថ្មីតម្លៃ ១០០លានដុល្លារ នៅសង្កាត់ព្រែកឯង ខណ្ឌច្បារអំពៅ ភ្នំពេញ ក្រោមអធិបតីភាពសម្តេចនាយករដ្ឋមន្ត្រី ហ៊ុន សែន ។ រោងចក្រថ្មីនេះ ត្រូវបានសាងសង់លើផ្ទៃដីជាង១០ហិកតា និងប្រើរយៈពេល២ឆ្នាំ។ ការបង្កើតរោងចក្របន្ថែមនេះ ស្របពេលដែល CBL ត្រូវបន្ថែមស្រាបៀរ Heineken នៅក្នុងខ្សែសង្វាក់ផលិតរបស់ខ្លួន។
លោក ហ្វ្រេង អូស្មាន ប្រធានក្រុមហ៊ុន Heineken ប្រចាំតំបន់អាស៊ីប៉ាស៊ីហ្វិក បានថ្លែងនៅក្នុងពីធីសម្ពោធរោងចក្រថ្មីនេះថា ការសម្រេចពង្រីករោងចក្របន្ថែមនេះ គឺដើម្បីឆ្លើយតបនឹងកំណើនតម្រូវការផលិតផលរបស់ក្រុមហ៊ុនស្រាបៀរកម្ពុជា ដែលសន្ទុះនៃកំណើននេះត្រូវបានគាំទ្រដោយកំណើនប្រជាជន កំណើនសេដ្ឋកិច្ច និងស្ថិរភាពនយោបាយរបស់កម្ពុជា។
លោកបន្ថែមថា បន្ទាប់ពីដាក់សម្ពោធរោងចក្រថ្មីនេះ ក្រុមហ៊ុននឹងបង្កើនសមត្ថភាពផលិតពី ៨០លានលីត្រ ទៅ៣០០លានលីត្រក្នុង១ឆ្នាំ ឬបង្កើនពី ២,៧ម៉ឺនកេស ទៅ១០ម៉ឺនកេសក្នុង១ថ្ងៃ។ លោកបញ្ជាក់ថា ក្រុមហ៊ុនស្រាបៀរកម្ពុជា នៅក្នុងឆ្នាំ២០១៦ កន្លងទៅ បានបង់ពន្ធចូលថវិកាជាតិជាង ១០០លានដុល្លារ ហើយនៅពេលដំណើរការរោងចក្រថ្មីនេះ ក្រុមហ៊ុននឹងបង្កើតការងារផ្ទាល់សរុបជិត ៥០០នាក់ និងការងារប្រយោលប្រមាណ ១៥០០នាក់៕
ក្រុមហ៊ុនស្រាបៀរកម្ពុជា (CBL) បានបង្កើតរោងចក្រនៅកម្ពុជាតាំងពីឆ្នាំ១៩៩៤ លើទឹកប្រាក់វិនិយោគ ៥៦លានដុល្លារ។ នៅថ្ងៃទី៧ខែមីនាឆ្នាំនេះ ក្រុមហ៊ុនបានសម្ពោធខ្សែសង្វាក់ផលិតថ្មីតម្លៃ ១០០លានដុល្លារ នៅសង្កាត់ព្រែកឯង ខណ្ឌច្បារអំពៅ ភ្នំពេញ ក្រោមអធិបតីភាពសម្តេចនាយករដ្ឋមន្ត្រី ហ៊ុន សែន ។ រោងចក្រថ្មីនេះ ត្រូវបានសាងសង់លើផ្ទៃដីជាង១០ហិកតា និងប្រើរយៈពេល២ឆ្នាំ។ ការបង្កើតរោងចក្របន្ថែមនេះ ស្របពេលដែល CBL ត្រូវបន្ថែមស្រាបៀរ Heineken នៅក្នុងខ្សែសង្វាក់ផលិតរបស់ខ្លួន។
លោក ហ្វ្រេង អូស្មាន ប្រធានក្រុមហ៊ុន Heineken ប្រចាំតំបន់អាស៊ីប៉ាស៊ីហ្វិក បានថ្លែងនៅក្នុងពីធីសម្ពោធរោងចក្រថ្មីនេះថា ការសម្រេចពង្រីករោងចក្របន្ថែមនេះ គឺដើម្បីឆ្លើយតបនឹងកំណើនតម្រូវការផលិតផលរបស់ក្រុមហ៊ុនស្រាបៀរកម្ពុជា ដែលសន្ទុះនៃកំណើននេះត្រូវបានគាំទ្រដោយកំណើនប្រជាជន កំណើនសេដ្ឋកិច្ច និងស្ថិរភាពនយោបាយរបស់កម្ពុជា។
លោកបន្ថែមថា បន្ទាប់ពីដាក់សម្ពោធរោងចក្រថ្មីនេះ ក្រុមហ៊ុននឹងបង្កើនសមត្ថភាពផលិតពី ៨០លានលីត្រ ទៅ៣០០លានលីត្រក្នុង១ឆ្នាំ ឬបង្កើនពី ២,៧ម៉ឺនកេស ទៅ១០ម៉ឺនកេសក្នុង១ថ្ងៃ។ លោកបញ្ជាក់ថា ក្រុមហ៊ុនស្រាបៀរកម្ពុជា នៅក្នុងឆ្នាំ២០១៦ កន្លងទៅ បានបង់ពន្ធចូលថវិកាជាតិជាង ១០០លានដុល្លារ ហើយនៅពេលដំណើរការរោងចក្រថ្មីនេះ ក្រុមហ៊ុននឹងបង្កើតការងារផ្ទាល់សរុបជិត ៥០០នាក់ និងការងារប្រយោលប្រមាណ ១៥០០នាក់៕
Tag:
ក្រុមហ៊ុនស្រាបៀរកម្ពុជា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ម៉ោង
