ពីនេះ ពីនោះ
ព័ត៍មានសុខភាព
ទឹកផ្លែឈើ ដែលត្រូវបានគេស្គាល់ថា ជួយជំរុញដល់សុខភាពស្បែកកាន់តែស្រស់ស្អាត
× ទឹកផ្លែប៉ោម ការ៉ុត និងទំពាំងបាយជូរសុទ្ធតែផ្ទុកទៅដោយអង់ទីអុកស៊ីដង់ វីតាមីន និងជាតិរ៉ែយ៉ាងច្រើន។ វាអាចជួយច្រោះជាតិពុល និងជំរុញដល់ស្បែកកាន់តែស្រស់ស្អាត បំបាត់ស្នាមខ្មៅៗនៅក្រោមភ្នែក ស្បែកជ្រីវជ្រួញ និងភាពចាស់របស់ស្បែក។ ចង់ដឹងថាទឹកផ្លែឈើទាំងនេះមានភាពអស្ចារ្យចំពោះសុខភាពស្បែកដូចម្តេចខ្លះនោះចូរតាមដានដូចតទៅ៖
ទឹកផ្លែប៉ោម
សម្បូរទៅដោយអង់ទីអុកស៊ីដង់ និងជាតិរ៉ែ ដែលអាចជួយបន្ថយអាការៈនៃភាពចាស់ កាត់បន្ថយភាពខ្មៅៗក្រោមភ្នែក និងស្បែកជ្រីវជ្រួញ តែស្បែកកាន់តែទន់ទៅវិញ។
ទឹកខ្ញី
ជាសារធាតុប្រឆាំងនឹងការរលាកបែបធម្មជាតិ និងសម្បូរទៅដោយជាតិម៉ាញ៉េស្យូម វីតាមីន B6 ប៉ូតាស្យូម និងម៉ងហ្គាណេស។ វានឹងធ្វើឲ្យស្បែកភ្លឺរលោង និងបង្កើនមុខងារប្រព័ន្ធភាពស៊ាំថែមទៀត។
ទឹកការ៉ុត
ភេសជ្ជៈមួយនេះមានសារធាតុ Beta-carotene ដែលអាចជួយបង្ការការខូចខាតរបស់កោសិកា និងភាពចាស់។ វានឹងជួយពង្រឹងដល់ភាពយឺតរបស់ស្បែក ថែរក្សាស្បែកឲ្យមានសំណើម កាត់បន្ថយស្នាមអ៊ុចៗលើស្បែក សម្លាក និងជំងឺមុន។
ទឹកទំពាំងបាយជូរ
សម្បូរទៅដោយអង់ទីអុកស៊ីដង់ ដែលវានឹងអាចធ្វើឲ្យស្បែកមើលទៅក្មេងជាងវ័យ និងភ្លឺរលោងនៅពេលញ៉ាំភេសជ្ជៈមួយនេះជាប្រចាំ។
ទឹកក្រូចឆ្មា
ផ្ទុកទៅដោយអាស៊ីតស៊ីទ្រិច វីតាមីន C និង B ខ្ពស់ ដែលអាចបង្កើនមុខងារតម្រងនោម និងច្រោះជាតិពុលក្នុងខ្លួនបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com