ពីនេះ ពីនោះ
រូបត្លុក
តើគេគួរជំរុញការជិះកង់ឲ្យបានមួយថ្ងៃក្នុងមួយសប្តាហ៍ឬទេ?
× ភ្នំពេញ៖ ការកកស្ទះចរាចរណ៍នាពេលបច្ចុប្បន្នបាន និងកំពុងផ្លាស់ប្តូរទម្លាប់នៃការរស់នៅរបស់គ្រួសារខ្មែរ។ ជាក់ស្តែង កាលពី១០ឆ្នាំមុន អ្នកធ្វើការភាគច្រើនត្រូវត្រឡប់ទៅផ្ទះវិញ
ដើម្បីពិសាអាហារថ្ងៃត្រង់ជួបជុំគ្រួសារ។
តែនៅពេលនេះ ដោយសារតែការកកស្ទះចរាចរណ៍ខ្លាំងពេក មន្ត្រីរាជការ បុគ្គលិកអង្គការ និងក្រុមហ៊ុនស្ទើរ៩០%លែងត្រឡប់ទៅគេហដ្ឋានពេលថ្ងៃទៀតហើយ។ និន្នាការនេះអនុញ្ញាតឲ្យអ្នកធ្វើការចំណេញថវិកាពីការមិនធ្វើដំណើរ តែចរន្តនេះត្រូវបានអ្នកខ្លះគិតថា វាកំពុងកាត់ផ្តាច់ទម្លាប់គ្រួសារខ្មែរដែលតែងតែពិសាអាហាររួមគ្នា ទាំងពេលថ្ងៃ និងពេលល្ងាច។ ដូច្នេះ ដើម្បីដោះស្រាយបញ្ហាការកកស្ទះនេះ តើអ្នកបើកបររថយន្តអាចប្តូរពីការបើកបររថយន្តមកជិះកង់ឲ្យបានមួយថ្ងៃក្នុងមួយសប្តាហ៍ឬទេ? នៅក្នុងប្រទេសខ្លះ ដើម្បីចៀសវាងការកកស្ទះខ្លាំងពេក រដ្ឋាភិបាលបានចេញច្បាប់កំណត់ឲ្យម្ចាស់យានយន្តកុំប្រើប្រាស់រថយន្តរបស់ខ្លួនមួយថ្ងៃក្នុងមួយសប្តាហ៍៕
© រក្សាសិទ្ធិដោយ thmeythmey.com