អន្តរជាតិ
លោកស្រី ប៉ាក ហ្គឺនហេ សុំទោសប្រជាជនកូរ៉េខាងត្បូង ពេលចូលបំភ្លឺករណីពុករលួយ
×![]()
ដោយ: តន ចាន់រិទ្ធារ៉ា
អតីតប្រធានាធិបតីកូរ៉េខាងត្បូង ប៉ាក ហ្គឺនហេ បានសុំទោសប្រជាជនកូរ៉េខាងត្បូង ជុំវិញរឿងអាស្រូវពុករលួយដ៏ធំរបស់ខ្លួន។ ការសុំអភ័យទោសនេះកើតឡើង ខណៈលោកស្រីចូលខ្លួនបំភ្លឺតាមការកោះហៅនៅឯការិយាល័យរដ្ឋអាជ្ញានៅថ្ងៃទី២១ ខែមីនា។ ប្រធានាធិបតីអស់តំណែងរូបនេះ ក៏បានសន្យាសហការជាមួយរដ្ឋអាជ្ញាផងដែរ ដើម្បីស្វែងរកការពិតនៃរឿងអាស្រូវនេះ។
លោកស្រី ប៉ាក ហ្គឺនហេ បានចូលខ្លួនបំភ្លឺនៅការិយាល័យរដ្ឋអាជ្ញាក្នុងទីក្រុងសេអ៊ូលនៅព្រឹកថ្ងៃទី២១ ខែមីនា ក្នុងនាមជាជនសង្ស័យពាក់ព័ន្ធករណីជាច្រើនដូចជាការសូកប៉ាន់, រំលោភអំណាច, ការគំរាមកំហែង និងការបែកធ្លាយឯកសាររដ្ឋ។ លោកស្រី បានសុំទោសជាសាធារណៈ ពេលទៅដល់ការិយាល័យរដ្ឋអាជ្ញា ដែលត្រូវបានរឹតបន្តឹងសន្តិសុខយ៉ាងខ្លាំង។ ហើយលោកស្រី ក៏ប្ដេជ្ញាផ្ដល់ចម្លើយដោយស្មោះត្រង់ក្នុងពេលសាកសួរដែរ។
បើតាមទីភ្នាក់ងារព័ត៌មាន Yonhap នៅមុនការសាកសួរចាប់ផ្ដើម អតីតប្រធានាធិបតីរូបនេះ ក៏បានជួបជាមួយរដ្ឋអាជ្ញាជាន់ខ្ពស់ Roh Seung-kwon ហើយលោកក៏ស្នើឲ្យលោកស្រី ប៉ាក ចូលរួមសហការ និងត្រូវប្រាប់ការពិតក្នុងពេលសាកសួរនេះ។ យ៉ាងណាក្ដី គ្មានការថតសំឡេង ឬថតជាវីដេអូឡើយក្នុងពេលសាកសួរចម្លើយ ព្រោះលោកស្រី ប៉ាក និងមេធាវីការពាររបស់លោកស្រី មិនយល់ព្រម។ មេធាវី ២រូប នឹងដាក់វេនគ្នាអង្គុយជាមួយលោកស្រី ប៉ាក ក្នុងការសួរចម្លើយ ដែលអាចធ្វើដល់យប់។
ការសួរចម្លើយប្រធានាធិបតីអស់តំណែងរូបនេះ ធ្វើក្រោមការរឹតបន្តឹងសន្តិសុខខ្លាំង។ ប៉ូលិសប្រមាណ២ពាន់នាក់ ត្រូវបានពង្រាយជុំវិញការិយាល័យរដ្ឋអាជ្ញា ខណៈដែលអ្នកគាំទ្រលោកស្រី ប៉ាក ជាច្រើនពាន់នាក់ ក៏បានប្រមូលផ្ដុំគ្នានៅក្បែរកន្លែងសួរចម្លើយ និងផ្ទះលោកស្រី ដើម្បីទាមទារឲ្យលុបចោលការសម្រេចចិត្តដកតំណែងប្រធានាធិបតីលោកស្រី។
រដ្ឋអាជ្ញាកូរ៉េខាងត្បូង នឹងសួរចម្លើយលោកស្រី ប៉ាក លើករណីទាំងអម្បាលម៉ានខាងលើ រួមទាំងការបរិច្ចាគលុយយ៉ាងច្រើនរបស់ក្រុមហ៊ុនក្នុងស្រុក ទៅឲ្យមូលនិធិចំនួន២ដែលចាត់ចែងដោយលោកស្រី Choi Soon-sil ជាមិត្តភក្កិលោកស្រី ប៉ាក ផ្ទាល់ ដើម្បីជាថ្នូរការទទួលផលប្រយោជន៍រកស៊ី។ ដោយសាររឿងនេះ ប្រធានក្រុមហ៊ុន Samsung ក៏ត្រូវមកជាប់ពាក់ព័ន្ធលើករណីសូកប៉ាន់ និងត្រូវចាប់ខ្លួនដែរ ទោះជាលោកបដិសេធក្ដី។
លោកស្រី ប៉ាក ផ្ទាល់ក៏ទាត់ចោលរាល់ការចោទប្រកាន់ទាំងអស់មកលើលោកស្រី ប៉ុន្តែវាមិនគ្រប់គ្រាន់ឡើយ ក្នុងការជួយរក្សាតំណែងប្រធានាធិបតីនោះ។ នៅថ្ងៃទី៩ ខែធ្នូ សភាកូរ៉េខាងត្បូង ក៏បោះឆ្នោតទម្លាក់លោកស្រីចេញពីតំណែង ហើយមកដល់ថ្ងៃទី១០ មីនា តុលាការធម្មនុញ្ញក៏យល់ព្រមលើការបោះឆ្នោតនេះ ដែលធ្វើឲ្យលោកស្រីបាត់បង់អភ៏យឯកសិទ្ធិទាំងអស់។ អស់តំណែងមិនទាន់បានប៉ុន្មានផង រដ្ឋអាជ្ញា ក៏ចេញដីកាកោះលោកស្រី ឲ្យចូលខ្លួនបំភ្លឺ ព្រោះលោកស្រីអស់អ្វីការពារខ្លួនពីការចោទប្រកាន់ទៀតហើយ៕
លោកស្រី ប៉ាក ហ្គឺនហេ បានចូលខ្លួនបំភ្លឺនៅការិយាល័យរដ្ឋអាជ្ញាក្នុងទីក្រុងសេអ៊ូលនៅព្រឹកថ្ងៃទី២១ ខែមីនា ក្នុងនាមជាជនសង្ស័យពាក់ព័ន្ធករណីជាច្រើនដូចជាការសូកប៉ាន់, រំលោភអំណាច, ការគំរាមកំហែង និងការបែកធ្លាយឯកសាររដ្ឋ។ លោកស្រី បានសុំទោសជាសាធារណៈ ពេលទៅដល់ការិយាល័យរដ្ឋអាជ្ញា ដែលត្រូវបានរឹតបន្តឹងសន្តិសុខយ៉ាងខ្លាំង។ ហើយលោកស្រី ក៏ប្ដេជ្ញាផ្ដល់ចម្លើយដោយស្មោះត្រង់ក្នុងពេលសាកសួរដែរ។
បើតាមទីភ្នាក់ងារព័ត៌មាន Yonhap នៅមុនការសាកសួរចាប់ផ្ដើម អតីតប្រធានាធិបតីរូបនេះ ក៏បានជួបជាមួយរដ្ឋអាជ្ញាជាន់ខ្ពស់ Roh Seung-kwon ហើយលោកក៏ស្នើឲ្យលោកស្រី ប៉ាក ចូលរួមសហការ និងត្រូវប្រាប់ការពិតក្នុងពេលសាកសួរនេះ។ យ៉ាងណាក្ដី គ្មានការថតសំឡេង ឬថតជាវីដេអូឡើយក្នុងពេលសាកសួរចម្លើយ ព្រោះលោកស្រី ប៉ាក និងមេធាវីការពាររបស់លោកស្រី មិនយល់ព្រម។ មេធាវី ២រូប នឹងដាក់វេនគ្នាអង្គុយជាមួយលោកស្រី ប៉ាក ក្នុងការសួរចម្លើយ ដែលអាចធ្វើដល់យប់។
ការសួរចម្លើយប្រធានាធិបតីអស់តំណែងរូបនេះ ធ្វើក្រោមការរឹតបន្តឹងសន្តិសុខខ្លាំង។ ប៉ូលិសប្រមាណ២ពាន់នាក់ ត្រូវបានពង្រាយជុំវិញការិយាល័យរដ្ឋអាជ្ញា ខណៈដែលអ្នកគាំទ្រលោកស្រី ប៉ាក ជាច្រើនពាន់នាក់ ក៏បានប្រមូលផ្ដុំគ្នានៅក្បែរកន្លែងសួរចម្លើយ និងផ្ទះលោកស្រី ដើម្បីទាមទារឲ្យលុបចោលការសម្រេចចិត្តដកតំណែងប្រធានាធិបតីលោកស្រី។
រដ្ឋអាជ្ញាកូរ៉េខាងត្បូង នឹងសួរចម្លើយលោកស្រី ប៉ាក លើករណីទាំងអម្បាលម៉ានខាងលើ រួមទាំងការបរិច្ចាគលុយយ៉ាងច្រើនរបស់ក្រុមហ៊ុនក្នុងស្រុក ទៅឲ្យមូលនិធិចំនួន២ដែលចាត់ចែងដោយលោកស្រី Choi Soon-sil ជាមិត្តភក្កិលោកស្រី ប៉ាក ផ្ទាល់ ដើម្បីជាថ្នូរការទទួលផលប្រយោជន៍រកស៊ី។ ដោយសាររឿងនេះ ប្រធានក្រុមហ៊ុន Samsung ក៏ត្រូវមកជាប់ពាក់ព័ន្ធលើករណីសូកប៉ាន់ និងត្រូវចាប់ខ្លួនដែរ ទោះជាលោកបដិសេធក្ដី។
លោកស្រី ប៉ាក ផ្ទាល់ក៏ទាត់ចោលរាល់ការចោទប្រកាន់ទាំងអស់មកលើលោកស្រី ប៉ុន្តែវាមិនគ្រប់គ្រាន់ឡើយ ក្នុងការជួយរក្សាតំណែងប្រធានាធិបតីនោះ។ នៅថ្ងៃទី៩ ខែធ្នូ សភាកូរ៉េខាងត្បូង ក៏បោះឆ្នោតទម្លាក់លោកស្រីចេញពីតំណែង ហើយមកដល់ថ្ងៃទី១០ មីនា តុលាការធម្មនុញ្ញក៏យល់ព្រមលើការបោះឆ្នោតនេះ ដែលធ្វើឲ្យលោកស្រីបាត់បង់អភ៏យឯកសិទ្ធិទាំងអស់។ អស់តំណែងមិនទាន់បានប៉ុន្មានផង រដ្ឋអាជ្ញា ក៏ចេញដីកាកោះលោកស្រី ឲ្យចូលខ្លួនបំភ្លឺ ព្រោះលោកស្រីអស់អ្វីការពារខ្លួនពីការចោទប្រកាន់ទៀតហើយ៕
Tag:
កូរ៉េខាងត្បូង
ប៉ាក ហ្គឺនហេ
ពុករលួយ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
