ពីនេះ ពីនោះ
×![]()
ដោយ: សារព័ត៌មានថ្មីៗ
ភ្នំពេញ៖ អ្នកខ្លះអះអាងថា ពាក្យ «វិជ្ជា និង វិទ្យា» មានន័យខុសគ្នា។ ប៉ុន្តែ អ្នកខ្លះទៀត ថាមានន័យដូចគ្នា។
តាមការពិត គ្មានឡើយភាពខុសគ្នារវាងពាក្យ «វិជ្ជា និង វិទ្យា»។ ពាក្យទាំងពីរនេះ ថ្វីដ្បិតតែសរសេរនិងបញ្ចេញសំឡេងខុសគ្នាក៏ពិតមែន តែមានអត្ថន័យដូចគ្នាទាំងស្រុង។ ពាក្យ «វិជ្ជា និង វិទ្យា» មានន័យថា ការចេះដឹង ឬ ចំណេះដឹង ដូចតែគ្នាទេ គ្រាន់តែ ពាក្យ «វិជ្ជា» សរសេរតាមបែបបាលី ចំណែកឯ ពាក្យ «វិទ្យា» វិញ សរសេរតាមបែបសំស្ក្រឹត ប៉ុណ្ណោះ។
ប៉ុន្តែនាពេលបច្ចុប្បន្ននេះ ប្រជាពលរដ្ឋមួយចំនួន បានបែងចែកពាក្យទាំងពីរនេះ ថាមានអត្ថន័យនិងការប្រើប្រាស់ទីទៃពីគ្នា។ អ្នកខ្លះយល់ថា ពាក្យណាទាក់ទងនឹងសង្គម ត្រូវប្រើ «វិជ្ជា» ដូចជា សង្គមវិជ្ជា, ទស្សនវិជ្ជា, សិល្ប៍វិជ្ជា និង ចំណេះវិជ្ជា ជាដើម។ ចំណែកឯអ្នកខ្លះទៀត យល់ថា ពាក្យណាទាក់ទងនឹងវិទ្យាសាស្ត្រ ត្រូវប្រើ «វិទ្យា» ដូចជា គណិតវិទ្យា, រូបវិទ្យា និង ជីវវិទ្យា អ៊ីចឹងទៅ។ ពាក្យទាំងពីរនេះ គ្មានការបែងចែកដូច្នេះឡើយ។
យើងអាចប្រើប្រាស់ពាក្យទាំងពីរនេះ បានគ្រប់កាលៈទេសៈ ដូចជា វិទ្យាល័យឬវិជ្ជាល័យ, វិទ្យាស្ថានឬវិជ្ជាស្ថាន, គណិតវិទ្យាឬគណិតវិជ្ជា, វិទ្យាសាស្ត្រឬវិជ្ជាសាស្ត្រ, ទស្សនវិទ្យាឬទស្សនវិជ្ជា ។ល។
ក្រៅពីពាក្យ «វិជ្ជា និង វិទ្យា» នៅមានពាក្យជាច្រើនទៀត ដែលមានន័យដូចគ្នា តែសរសេរ ខុសគ្នា ពោលគឺ មួយ តាមបែបបាលី និងមួយទៀត តាមបែបសំស្ក្រឹត។ ពាក្យទាំងនោះ មានដូចជា ចិត្ត ជាភាសាបាលី តែ ចិត្រ ជាភាសាសំស្ក្រឹត, មិត្ត ជាភាសាបាលី តែ មិត្រ ជាភាសាសំស្ក្រឹត, សច្ចាប័ន ជាភាសាបាលី តែ សត្យាប័ន ជាភាសាសំស្ក្រឹត, សច្ចាធិដ្ឋាន ជាភាសាបាលី តែ សត្យាធិដ្ឋាន ជាភាសាសំស្ក្រឹត ជាដើម។
ការបកស្រាយខាងលើនេះ គឺផ្នែកតាមវចនានុក្រម សម្តេច ជួន ណាត ជាមូលដ្ឋាន៕
តាមការពិត គ្មានឡើយភាពខុសគ្នារវាងពាក្យ «វិជ្ជា និង វិទ្យា»។ ពាក្យទាំងពីរនេះ ថ្វីដ្បិតតែសរសេរនិងបញ្ចេញសំឡេងខុសគ្នាក៏ពិតមែន តែមានអត្ថន័យដូចគ្នាទាំងស្រុង។ ពាក្យ «វិជ្ជា និង វិទ្យា» មានន័យថា ការចេះដឹង ឬ ចំណេះដឹង ដូចតែគ្នាទេ គ្រាន់តែ ពាក្យ «វិជ្ជា» សរសេរតាមបែបបាលី ចំណែកឯ ពាក្យ «វិទ្យា» វិញ សរសេរតាមបែបសំស្ក្រឹត ប៉ុណ្ណោះ។
ប៉ុន្តែនាពេលបច្ចុប្បន្ននេះ ប្រជាពលរដ្ឋមួយចំនួន បានបែងចែកពាក្យទាំងពីរនេះ ថាមានអត្ថន័យនិងការប្រើប្រាស់ទីទៃពីគ្នា។ អ្នកខ្លះយល់ថា ពាក្យណាទាក់ទងនឹងសង្គម ត្រូវប្រើ «វិជ្ជា» ដូចជា សង្គមវិជ្ជា, ទស្សនវិជ្ជា, សិល្ប៍វិជ្ជា និង ចំណេះវិជ្ជា ជាដើម។ ចំណែកឯអ្នកខ្លះទៀត យល់ថា ពាក្យណាទាក់ទងនឹងវិទ្យាសាស្ត្រ ត្រូវប្រើ «វិទ្យា» ដូចជា គណិតវិទ្យា, រូបវិទ្យា និង ជីវវិទ្យា អ៊ីចឹងទៅ។ ពាក្យទាំងពីរនេះ គ្មានការបែងចែកដូច្នេះឡើយ។
យើងអាចប្រើប្រាស់ពាក្យទាំងពីរនេះ បានគ្រប់កាលៈទេសៈ ដូចជា វិទ្យាល័យឬវិជ្ជាល័យ, វិទ្យាស្ថានឬវិជ្ជាស្ថាន, គណិតវិទ្យាឬគណិតវិជ្ជា, វិទ្យាសាស្ត្រឬវិជ្ជាសាស្ត្រ, ទស្សនវិទ្យាឬទស្សនវិជ្ជា ។ល។
ក្រៅពីពាក្យ «វិជ្ជា និង វិទ្យា» នៅមានពាក្យជាច្រើនទៀត ដែលមានន័យដូចគ្នា តែសរសេរ ខុសគ្នា ពោលគឺ មួយ តាមបែបបាលី និងមួយទៀត តាមបែបសំស្ក្រឹត។ ពាក្យទាំងនោះ មានដូចជា ចិត្ត ជាភាសាបាលី តែ ចិត្រ ជាភាសាសំស្ក្រឹត, មិត្ត ជាភាសាបាលី តែ មិត្រ ជាភាសាសំស្ក្រឹត, សច្ចាប័ន ជាភាសាបាលី តែ សត្យាប័ន ជាភាសាសំស្ក្រឹត, សច្ចាធិដ្ឋាន ជាភាសាបាលី តែ សត្យាធិដ្ឋាន ជាភាសាសំស្ក្រឹត ជាដើម។
ការបកស្រាយខាងលើនេះ គឺផ្នែកតាមវចនានុក្រម សម្តេច ជួន ណាត ជាមូលដ្ឋាន៕
Tag:
ពន្យល់ពាក្យ
វិទ្យានិងវិជ្ជា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
