កីឡាអន្តរជាតិ
អន្តរជាតិ
Federer ផ្តួល Nadal ដើម្បីលើកពាន Miami Open
×
Roger Federer លើកពាន Miami Open ក្រោយផ្តួល Rafael Nadal នាការប្រកួតវាយកូនបាល់វគ្គផ្តាច់ព្រ័ត្រនៅទីក្រុង Miami សហរដ្ឋអាមេរិក កាលពីថ្ងៃទី២ ខែមេសា។
កីឡាករវាយកូនបាល់ចាស់វស្សាសញ្ជាតិស្វីស វ័យ៣៥ឆ្នាំ Federer យកឈ្នះកីឡាករអេស្ប៉ាញ Rafael Nadal ក្នុងលទ្ធផល ៦-៣ និង៦-៤ ដើម្បីលើកពាន Miami Open ឆ្នាំ២០១៧ ដែលជាពានទី៣ដែលទទួលបានក្នុងឆ្នាំ២០១៧នេះ។
កាលពី ឆ្នាំ២០០៤ កីឡាករលំដាប់ពិភពលោកទាំពីរធ្លាប់ជួបគ្នាម្តងដែរ ដែលជាជំនួបលើកដំបូងរបស់ពួកគេសម្រាប់ពានរង្វាន់នេះ ដោយ Nadal បានផ្តួល Federer ក្នុងលទ្ធផល ៦-៣ និង៦-៣។ ប៉ុន្តែ១៣ឆ្នាំក្រោយមក ពោលគឺឆ្នាំ២០១៧ នេះ ម្ចាស់ជើងឯក Grand Slam ១៨សម័យកាល បានផ្តួល Nadal វិញ ហើយនេះអាចថាជាការសងសឹករបស់ Federer ផងដែរ។ក្នុងជំនួបរវាងអ្នកទាំងពីរ ៣៧ប្រកួត កីឡាករសញ្ជាតិអេស្ប៉ាញយកឈ្នះ២៣ដង ខណៈ Federer ឈ្នះតែ១៤ដងប៉ុណ្ណោះ។
សូមបញ្ជាក់ថា ចាប់តាំពីខែមករា ឆ្នាំ២០១៧មក Federer បានឈ្នះពាន៣ហើយ រួមមានពាន Indian Wells នៅប្រទេសឥណ្ឌា ពានរង្វាន់កំពូល Granrd Slam នៅអូស្ត្រាលី Australian Open និង Miami Open នេះ៕
Tag:
វាយកូនបាល់
Roger Federer
Rafael Nadal
© រក្សាសិទ្ធិដោយ thmeythmey.com