កីឡាអន្តរជាតិ
អន្តរជាតិ
Celtic គ្រងតំណែងជើងឯកលីកកំពូលស្កុតឡែន ៦រដូវកាលជាប់គ្នា
× Celtic បានឈ្នះជើងឯកលីកលំដាប់កំពូលស្កុតឡែន រដូវកាល២០១៦-២០១៧៧ នេះហើយ ទាំងនៅសល់ការប្រកួត៨ដងទៀត និងជាការឈ្នះលើកទី៦ជាប់គ្នាផងដែរ។
ក្រុមកីឡាបាល់ទាត់នៃលីកកំពូល Scottish Premiership របស់ស្កុតឡែន Celtic បានគ្រងតំណែងជើងឯកពានកំពូលនេះ ៦រដូវកាលជាប់គ្នាបើគិតទាំងឆ្នាំនេះទៀត ក្រោយលត់ក្រុម Hearts ៥-០ នាការប្រកួតកាលពីថ្ងៃទី២ មេសានេះ។
ក្រោមការដឹកនាំរបស់អតីតអ្នកចាត់ការទូទៅ Liverpool លោក Brendan Rodgers បាននាំ Celtic ឈរកំពូលតារាង Scottish Premiership ដោយមាន ៨៦ពិន្ទុ ក្នុងចំណោមការប្រកួតទាំង៣០លើក នាំមុខក្រុមលេខ២ Aberdeen រហូតដល់ទៅ២៥ពិន្ទុ។
៣០ប្រកួតចុងក្រោយ របស់ក្រុមល្បីល្បាញរបស់ស្កុតឡែននេះ មិនដែលស្គាល់ពាក្យថាចាញ់នៅឡើយនោះទេ ដោយឈ្នះ២៨ និងស្មើ២ប្រកួត។ ហើយគេរំពឹងថាក្រុមនេះនឹងក្លាយជាក្រុមដំបូងបង្អស់របស់ស្កុតឡែន ដែលប្រកួតមិនចាញ់សោះ ខណៈនៅសល់តែ៨ប្រកួតទៀតប៉ុណ្ណោះ៕
Tag:
បាល់ទាត់
Celtic
Scottish Premiership
© រក្សាសិទ្ធិដោយ thmeythmey.com