ពីនេះ ពីនោះ
ស្តាប់រឿងបុគ្គលិក និងថៅកែឈ្លោះគ្នា!
×
កំណាព្យបទ ពាក្យ៧
និពន្ធដោយប៉ាកកាខ្មៅ!
-ថ្លែងរឿងបុគ្គលិកនិងថៅកែ កើតរឿងហូរហែមិនសូវស្ងាត់
បុគ្គលិកថាថៅកែបំបាត់ កើបលុយស្ងាត់ៗធ្វើសេដ្ឋី។
-ពួកយើងធ្វើការនឿយហត់ណាស់ ថៅកែទ្រព្យក្រាស់មិនខ្វះអី
មិនគិតជួយយើងផុតក្រក្រី ធ្វើថៅកែអីបេះមិនចេញ។
-យើងធ្វើការហត់ឡើងចត់បាយ ថៅកែគេចាយបានចំណេញ
យើងយឺតតិចតួចលួចសួរដេញ ចង់តែដើរចេញឈប់ធ្វើការ។
-រីឯថៅកែក៏តបវិញ ថាសព្វទំនិញមិនធម្មតា
ចាយឡើងលើសខ្ទង់លង់ហើយណា បានប្រាក់ពីណានឹងថែមឲ្យ។
-បុគ្គលិកឃើញតែស្រែកទាមទារ ចង់បានគ្រប់គ្នាទាំងមុខក្រោយ
ការមិនសូវខំខ្លះបណ្តោយ ខ្ញុំមិនស្តីឲ្យហៅគ្រាន់បើ។
-ការពិតថៅកែពឹងបុគ្គលិក ដូចទូកពឹងទឹកក្រុមហ៊ុនដើរ
បុគ្គលិកធ្វើការថៅកែប្រើ ផ្តល់ប្រាក់ខែតើតាមការងារ។
-ក្រុមហ៊ុនរោងចក្រដូចឆ្នាំងបាយ បុគ្គលិកគ្រប់កាយត្រូវរួមគ្នា
ជួយឲ្យក្រុមហ៊ុនកើនទ្រព្យា បុគ្គលិកគ្រប់គ្នាក៏ចម្រើន៕
© រក្សាសិទ្ធិដោយ thmeythmey.com