ក្រុមបាល់ទាត់បឹងកេតទទួលបាន១ពិន្ទុបន្ថែមទៀត ក្រោយប្រកួតស្មើជាមួយ Magwe FC ក្នុងលទ្ធផល ១-១ នាការប្រកួតជម្រុះជើងទី២ ពូលF នៃពានរង្វាន់ AFC Cup ឆ្នាំ២០១៧ ដែលធ្វើឡើងនៅកីឡដ្ឋាន Youth Training Centre ទីក្រុងយ៉ាំងហ្គោន នៅរសៀលថ្ងៃពុធនេះ។
កាលពីជើងទី១ បឹងកេតបានយកឈ្នះ Magwe FC ១-០ នៅពហុកីឡដ្ឋានជាតិអូឡាំពិក កាលពីថ្ងៃទី១៤ មីនាកន្លងទៅ។
បន្ទាប់ពីការប្រកួតរវាងបឹងកេត និងMagwe នៅថ្ងៃដែរ Global FC បើកទ្វារកីឡដ្ឋាន Rizal Memorial Stadium ក្នុងក្រុងម៉ានីលដើម្បីទទួលក្រុមកំពូលតារាង Johor Darul Ta’zim ដោយ កាលពីជើងទីមួយ ក្រុមជើងខ្លាំងម៉ាឡេស៊ី Johor បានទទួលជ័យជម្នះក្នុងលទ្ធផល ៤-០៕