ពីនេះ ពីនោះ
×![]()
ដោយ: ថ្មីៗ
មេដឹកនាំមានច្រើនប្រភេទ។ មេដឹកនាំខ្លះ ចូលចិត្តធ្វើឲ្យកូនចៅខ្លាចនៅចំពោះមុខ ដូចជា ស្តីបន្ទោសកូនចៅនៅចំពោះមុខអ្នកដទៃ, ប្រើពាក្យសម្លុតតាមរយៈពាក្យសម្តី ឲ្យកូនចៅខ្លាចតែម្តង។ មេដឹកនាំខ្លះទៀត ទន់ភ្លន់ គោរព និងឲ្យតម្លៃកូនចៅ។ គាត់ចេះគិតពិចារណា សួររកហេតុ និងផល មុននឹងស្តីបន្ទោសកូនចៅណាម្នាក់។ មិនជឿការចាក់ចុចរបស់នរណាម្នាក់ឡើយ។ រីឯ អ្នកដឹកនាំខ្លះទៀត ចូលចិត្តប្រើធម៌ក្តៅខ្លះ និងធម៌ត្រជាក់ខ្លះរួមគ្នាតែម្តងដើម្បីឲ្យកូនចៅដើរផ្លូវល្អ។
តើមេដឹកនាំដែលកូនចៅគោរពមានលក្ខណៈសម្បត្តិយ៉ាងដូចម្តេច?
ទី១៖ជាមេដឹកនាំ និយាយអ្វី ធ្វើហ្នឹង ពោល គឺគោរពាក្យសន្យារបស់ខ្លួន។ បើផ្លាស់ប្តូរសម្តីត្រូវមានការពន្យល់ និងបកស្រាយឲ្យច្បាស់លាស់ជូនបុគ្គលិកថ្នាក់ក្រោម។
ទី២៖ជាមេដឹកនាំចិត្តធ្ងន់ មិនងាយខឹងច្រឡោតដោយគ្មានស្តាប់ហេតុផល។ មិនងាយជឿការចាក់ចូចរបស់កូនចៅខូចៗ។
ទី៣៖ ជាមេដឹកនាំដែលមានចិត្តសន្តោសដល់កូនចៅ។ មានចិត្តធម៌ មិនយកទោសពៃកូនចៅគ្រប់តែរឿង។
ទី៤៖ ជាមេដឹកនាំប្រតិបត្តិកិច្ចការតាមគោលការណ៍កំណត់ ពោលគឺមិនមែនដឹកនាំឬបញ្ជាតាមអារម្មណ៍របស់ខ្លួនឯង។
ទី៥៖ ជាមេដឹកនាំទន់ភ្លន់ តែហ្មត់ចត់ និងទី៦ គឺជាមេដឹកនាំដែលដឹកនាំដោយគោរពការសម្រេចចិត្តនៃមតិភាគច្រើន(មតិភាគច្រើនល្អ និងគ្រប់ជ្រុងជ្រោយ)៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
