កីឡាជាតិ
ជាតិ
Davis Cup៖ កម្ពុជាទម្លាក់អូម៉ង់ ដើម្បីបានកៅអីលេងនៅក្រុម III ប្រចាំអាស៊ី/អូសេអានី វិញ
×![]()
ដោយ: រួបរួម
ក្រុមកីឡាវាយកូនបាល់ជម្រើសជាតិកម្ពុជា ទទួលបានកៅអីឆ្ពោះទៅកាន់ការប្រកួតវគ្គជម្រុះពានរង្វាន់ Davis Cup ប្រចាំតំបន់អាស៊ី/អូសេអានី Group III នៅឆ្នាំ២០១៨ បន្ទាប់ពីពួកគេបានទទួលជ័យជម្នះ ២-០ លើអូម៉ង់ នាការប្រកួតវគ្គខ្វែង Group IV នៅក្រុងអ៊ីសា ប្រទេសបារ៉ែន នាថ្ងៃសៅរ៍ ទី៨ ខែមេសា នេះ។
កាលពីឆ្នាំ២០១៦ កម្ពុជា បានបញ្ចប់ចំណាត់ថ្នាក់លេខ៤ក្នុងពូល B ដែលមាន៥ក្រុម ហើយបន្តចាញ់តួកមេនីស្ថាន ២-១ នាការប្រកួតដណ្តើមចំណាត់ថ្នាក់លេខ៩ ។ កម្ពុជា បានធ្លាក់មកលេង Group IV វិញ។ សម្រាប់ការប្រកួតនៅក្នុងទីក្រុងអ៊ីសា ប្រទេសបារ៉ែន នៅឆ្នាំ២០១៧នេះ ក្រុមដែលដឹកនាំដោយគ្រូបង្វឹក លោក Aneiros Braen និងប្រធានក្រុម លោក ទេព រិទ្ធីវិត បានបង្ហាញសមត្ថភាពយ៉ាងអស្ចារ្យនាការប្រកួតជម្រុះក្នុងពូល A ដោយបានយកឈ្នះមីយ៉ាន់ម៉ា កៀហ្ស៊ីស៊ីស្ថាន ម្ចាស់ផ្ទះបារ៉ែន និងអារ៉ាប៊ីសាអូឌីត ជាបន្តបន្ទាប់។
ឈានដល់ការប្រកួតវគ្គខ្វែងជាមួយអូម៉ង់ដែលជាក្រុមលេខពីរ ពូល B កីឡាករ ឡុង សំនៀង និង ប៊ុន កេន្នី សុទ្ធបំពេញតួនាទីយ៉ាងល្អក្នុងការប្រកួតវិញ្ញាសាទោល ដោយទទួលបានជ័យជម្នះផ្ទួនៗលើកីឡាករអូម៉ង់ ដោយមិនចាំបាច់ឈានដល់ការប្រកួតវិញ្ញាសាវាយជាគូ។
សម្រាប់ការប្រកួតទីមួយ ឡុង សំនៀង បានប្រឹងវាយបកដើម្បីយកឈ្នះ Mohammed Al Nabhani ២-១ ។ នៅសិតទី១ កីឡាករអូម៉ង់ បានយកឈ្នះ ៦-៣ ប៉ុន្តែសំនៀង មានការរៀបចំខ្លួនបានយ៉ាងល្អរហូតទទួលបានជ័យជម្នះ ៦-២, ៦-៤ វិញ។
ឈានដល់ការប្រកួតគូទីពីរលើវិញ្ញាសាឯកត្តជនដដែល ប៊ុន កេន្នី បានតទល់ជាមួយ Abdullah Al Barwani។ ក្នុងការប្រកួតនេះ កីឡាករលំដាប់ទីមួយរបស់កម្ពុជា យកឈ្នះក្នុងលទ្ធផល ២-០ (៦-២, ៦-១ )។
សារព័ត៌មានថ្មីៗ នឹងផ្តល់ព័ត៌មានជាបន្តបន្ទាប់ទៀតទាក់ទងនឹងលទ្ធផលនៃការប្រកួតនេះ៕
កាលពីឆ្នាំ២០១៦ កម្ពុជា បានបញ្ចប់ចំណាត់ថ្នាក់លេខ៤ក្នុងពូល B ដែលមាន៥ក្រុម ហើយបន្តចាញ់តួកមេនីស្ថាន ២-១ នាការប្រកួតដណ្តើមចំណាត់ថ្នាក់លេខ៩ ។ កម្ពុជា បានធ្លាក់មកលេង Group IV វិញ។ សម្រាប់ការប្រកួតនៅក្នុងទីក្រុងអ៊ីសា ប្រទេសបារ៉ែន នៅឆ្នាំ២០១៧នេះ ក្រុមដែលដឹកនាំដោយគ្រូបង្វឹក លោក Aneiros Braen និងប្រធានក្រុម លោក ទេព រិទ្ធីវិត បានបង្ហាញសមត្ថភាពយ៉ាងអស្ចារ្យនាការប្រកួតជម្រុះក្នុងពូល A ដោយបានយកឈ្នះមីយ៉ាន់ម៉ា កៀហ្ស៊ីស៊ីស្ថាន ម្ចាស់ផ្ទះបារ៉ែន និងអារ៉ាប៊ីសាអូឌីត ជាបន្តបន្ទាប់។
ឈានដល់ការប្រកួតវគ្គខ្វែងជាមួយអូម៉ង់ដែលជាក្រុមលេខពីរ ពូល B កីឡាករ ឡុង សំនៀង និង ប៊ុន កេន្នី សុទ្ធបំពេញតួនាទីយ៉ាងល្អក្នុងការប្រកួតវិញ្ញាសាទោល ដោយទទួលបានជ័យជម្នះផ្ទួនៗលើកីឡាករអូម៉ង់ ដោយមិនចាំបាច់ឈានដល់ការប្រកួតវិញ្ញាសាវាយជាគូ។
សម្រាប់ការប្រកួតទីមួយ ឡុង សំនៀង បានប្រឹងវាយបកដើម្បីយកឈ្នះ Mohammed Al Nabhani ២-១ ។ នៅសិតទី១ កីឡាករអូម៉ង់ បានយកឈ្នះ ៦-៣ ប៉ុន្តែសំនៀង មានការរៀបចំខ្លួនបានយ៉ាងល្អរហូតទទួលបានជ័យជម្នះ ៦-២, ៦-៤ វិញ។
ឈានដល់ការប្រកួតគូទីពីរលើវិញ្ញាសាឯកត្តជនដដែល ប៊ុន កេន្នី បានតទល់ជាមួយ Abdullah Al Barwani។ ក្នុងការប្រកួតនេះ កីឡាករលំដាប់ទីមួយរបស់កម្ពុជា យកឈ្នះក្នុងលទ្ធផល ២-០ (៦-២, ៦-១ )។
សារព័ត៌មានថ្មីៗ នឹងផ្តល់ព័ត៌មានជាបន្តបន្ទាប់ទៀតទាក់ទងនឹងលទ្ធផលនៃការប្រកួតនេះ៕
Tag:
Davis Cup
វាយកូនបាល់ជម្រើសជាតិកម្ពុជា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ម៉ោង
