ពីនេះ ពីនោះ
ពាក្យព្រះពុទ្ធ ហៅថា «ពុទ្ធដីកា» ឯពាក្យព្រះសង្ឃ ហៅថា «សង្ឃដីកា»
× ភ្នំពេញ៖ «ពុទ្ធដីកា» គឺសំដៅទៅលើពាក្យរបស់ព្រះពុទ្ធអង្គ។ រីឯ «សង្ឃដីកា» គឺសំដៅទៅលើពាក្យរបស់ព្រះសង្ឃ។
វចនានុក្រម សម្តេច ជួន ណាត ពន្យល់ថា «ពុទ្ធដីកា» គឺជាព្រះបន្ទូលព្រះពុទ្ធ ឬសំដៅចំពោះពុទ្ធវចនៈ។ ឧទាហរណ៍ថា៖«ការសន្សំនូវបុណ្យ ជាហេតុនាំមកនូវសេចក្តីសុខ។ នេះ គឺជាព្រះពុទ្ធដីកា»។
ចំណែក «សង្ឃដីកា» គឺសំដៅដល់ដីកា ឬពាក្យសម្តីរបស់ព្រះសង្ឃ។ នេះបើផ្អែកលើវចនានុក្រម សម្តេច ជួន ណាត ដដែល។ ឧទាហរណ៍ថា៖«ព្រះតេជគុណ បានមានសង្ឃដីការួចហើយថា នឹងនិមន្តមកសម្តែងព្រះធម៌ ក្នុងពិធីបុណ្យបច្ច័យបួន របស់ខ្ញុំ»។
យ៉ាងណាក៏ដោយ វចនានុក្រម សម្តេច ជួន ណាត បានបញ្ជាក់ថា ប្រជាពលរដ្ឋខ្មែរ ប្រើក្លាយមក ហៅថា«ពុទ្ធដីកា» គឺហៅដោយគោរពថា បព្វជិត និយាយស្តីតែពាក្យពិត តាមលំអានពុទ្ធវចនៈ។ ឧទាហរណ៍ថា៖«កុំមាត់ ពេលព្រះគ្រូចៅអធិការ កំពុងមានពុទ្ធដីកា!»៕
Tag:
ពន្យល់ពាក្យ
ពុទ្ធដីកានិងសង្ឃដីកា
© រក្សាសិទ្ធិដោយ thmeythmey.com