សមាជិកក្នុងគ្រួសារ ត្រូវមានកាតព្វកិច្ចនិងចេះជួយសង្គ្រោះគ្នា ទៅវិញទៅមក

ជាតិ

ពីនេះ ពីនោះ

សមាជិកក្នុងគ្រួសារ ត្រូវមានកាតព្វកិច្ចនិងចេះជួយសង្គ្រោះគ្នា ទៅវិញទៅមក

17, Apr 2017 , 8:10 am

រូបភាព

ដោយ: ថ្មីៗ

ភ្នំពេញ៖ ឪពុកម្តាយ និង កូនប្រុសស្រី ហើយស្វាមី និង ភរិយា ត្រូវមានសង្គហធម៌ចំពោះគ្នាទៅវិញទៅមក។ សង្គហធម៌ គឺសំដៅដល់ ធម៌សម្រាប់សង្គ្រោះគ្នារវាង ឪពុកម្តាយនិងកូនប្រុសស្រី ស្វាមីនិងភរិយា គ្រូបាចារ្យនិងសិស្ស ចៅហ្វាយនាយនិងកម្មករ ជាដើម។ សារព័ត៌មានថ្មីៗ សូមរៀបរាប់ តែសង្គហធម៌រវាង ឪពុកម្តាយនិងកូនប្រុសស្រី ហើយស្វាមីនិង ភរិយា ប៉ុណ្ណោះ។

សង្គហធម៌៥យ៉ាង ដែលឪពុកម្តាយ ត្រូវមានចំពោះកូនប្រុសស្រី ដូចខាងក្រោម៖

១- ហាមឃាត់កូនមិនឲ្យប្រព្រឹត្តអំពើអាក្រក់

២- ឲ្យកូនប្រព្រឹត្តតែអំពើល្អ

៣- ឲ្យកូនរៀនសូត្រ

៤- រៀបចំគ្រួសារឲ្យកូន

៥- ចែកទ្រព្យឲ្យកូន

សង្គហធម៌៥យ៉ាង ដែលកូនប្រុសស្រី ត្រូវមានចំពោះឪពុកម្តាយ គឺ

១- គប្បីចិញ្ចឹមថែរក្សាឪពុកម្តាយវិញ

២- គប្បីជួយធ្វើការងារឪពុកម្តាយ

៣-គប្បីថែរក្សាវង្សត្រកូលឲ្យបានល្អ

៤- គប្បីគោរពប្រតិបត្តិឪពុកម្តាយ ឲ្យបានល្អ

៥- ត្រូវធ្វើបុណ្យជូនឪពុកម្តាយ ពេលពួកគាត់ ធ្វើមរណកាល