ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អ្នកលក់ត្អូញត្អែរថាផ្លែអង្គញ់លក់មិនដាច់
14, Apr 2017 ,
2:59 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ នៅរយៈពេលប៉ុន្មានឆ្នាំចុងក្រោយនេះ អាជីវករលក់ផ្លែអង្គញ់ បានត្អូញឥតដាច់ពីមាត់ ថាផ្លែអង្គញ់លក់មិនដាច់។ អង្គញ់លក់មិនដាច់ មានន័យថាការលេងល្បែងបោះអង្គញ់នៅក្នុងឱកាសបុណ្យចូលឆ្នាំខ្មែរ បានថមថយ មិនសូវនិយមដូចមុន។ ទន្ទឹមនឹងការត្អូញថាផ្លែអង្គញ់មិនដាច់នៅរដូវចូលឆ្នាំ អាជីវករទាំងនោះ បារម្ភថាល្បែងល្បែងនេះអាចនឹងបាត់បង់ និងបានស្នើឲ្យក្រសួងពាក់ព័ន្ធជួយជំរុញមានការលេងល្បែងប្រជាប្រិយនេះឲ្យផុសផុលឡើងវិញ។
ពីមួយឆ្នាំទៅមួយឆ្នាំ ការលេងល្បែងប្រជាប្រិយនៅក្នុងពិធីបុណ្យចូលឆ្នាំ ប្រពៃណីជាតិ ហាក់ថយចុះបន្តិចម្តងៗ។ អាជីវករលក់អង្គញ់ បានត្អូញត្អែរថា លក់ផ្លែអង្គញ់មិនសូវដាច់។
អ្នកស្រី យឿន ស្រី ដែលធ្លាប់លក់ផ្លែអង្គញ់ប្រមាណ២០ឆ្នាំមកហើយនោះ បានកត់សម្គាល់ពីរឿងនេះ។ កាលពីមុន ក្នុងមួយរដូវចូលឆ្នាំ អ្នកស្រី យឿន ស្រី អាចលក់ផ្លែអង្គញ់អស់ប្រមាណ ៣ បាវ ដោយឡែកឆ្នាំនេះ អាជីវកររូបនេះ លក់មិនបាន១០ឡូផង។ អាជីវកររូបនេះបញ្ជាក់បន្ថែមដូច្នេះថា៖«ឆ្នាំនេះ ខ្ញុំលក់ផ្លែអង្គញ់មិនដាច់ទេ។ ពីដើម ខ្ញុំមានផ្លៃអង្គញ់ ៣ បាវ ខ្ញុំលក់អស់ តែឥឡូវលក់បានត្រឹម ១០ ភាគរយទេ»។
អាជីវករវ័យចំណាស់ម្នាក់ទៀត ក៏ត្អូញត្អែររឿងដូចគ្នានេះដែរ។ ជាអ្នកលក់លក់ផ្លែអង្គញ់ផង និងឱសថបុរាណផង អ្នកស្រី សុខគៀង បានរៀបរាប់ថាប៉ុន្មានឆ្នាំក្រោយនេះ មិនសូវមានអ្នកសួររក ឬចង់ទិញផ្លែអង្គញ់ឡើយ។ អាជីវកររូបនេះ មិនសប្បាយឡើយ នៅពេលផ្លែអង្គញ់គ្មានអ្នកចាប់អារម្មណ៍ និងពេញនិយមដូចពីមុន ខណៈអះអាងថាផ្លែអង្គញ់នេះ មានតម្លៃសមរម្យល្មមអាចទិញយកទៅលេង នៅតាមផ្ទះ វត្តអារាម ឬភូមិ-ស្រុកបាន។
ផ្លែអង្គញ់ឆ្នាំនេះ លក់មិនដាច់ ក៏ជាអ្វីដែល កញ្ញា រ៉ានី អាជីវករលក់ផ្លែអង្គញ់ នៅផ្សារអូរឫស្សី ត្អូញត្អែរដែរ។ បើតាម អាជីវករវ័យក្មេងរូបនេះ ឥឡូវមានតែបុគ្គលិកក្រុមហ៊ុន ឬអង្គការប៉ុណ្ណោះដែលមកទិញផ្លែអង្គញ់ទៅលេង ផ្ទុយស្រឡះពីអតីតកាលដែលអ្នកមកទិញផ្លែអង្គញ់ មានយុវវ័យចាប់អារម្មណ៍ និងមកទិញច្រើន។ កញ្ញា រ៉ានី និយាយថា៖«ប៉ុន្មានឆ្នាំក្រោយនេះ ការលក់អង្គញ់មានភាពខុសគ្នាច្រើនណាស់។ ធ្លាប់តែលក់ក្នុងរដូវចូលឆ្នាំ បានពី ១០ ទៅ ២០ ប៉ាវ មកសល់ត្រឹមតែ៥ ប៉ាវប៉ុណ្ណោះ ហើយលក់មិនអស់ទៀតផង»។
ផ្លែអង្គញ់លក់មិនអស់ នឹងត្រូវច្នៃជាឱសថបុរាណ។ នេះបើតាម កញ្ញា រ៉ានី ដែលបន្តលើកពីក្តីបារម្ភរបស់ខ្លួនថា អាចនឹងបាត់បង់។ អាជីវកររូបនេះ ស្នើឲ្យយុវវ័យខ្មែរងាកមកលេងល្បែងប្រជាប្រិយខ្មែរ នាឱកាសចូលឆ្នាំថ្មី ខណៈអ្នកស្រី យឿន ស្រី ក៏ស្នើសុំឲ្យក្រសួងពាក់ព័ន្ធជួយជ្រោមជ្រែង និងផ្សព្វផ្សាយឲ្យប្រជាពលរដ្ឋខ្មែរ លេងល្បែងប្រជាប្រិយនេះឲ្យបានផុសផុលឡើងវិញ។
ទោះជាយ៉ាងនេះក្តី ស្ថាប័នពាក់ព័ន្ធរបស់រដ្ឋមួយចំនួន បានអំពាវនាវឲ្យប្រជាពលរដ្ឋ ល្បែងប្រជាប្រិយខ្មែរ ដើម្បីអបអរពិធីបុណ្យចូលឆ្នាំ ខណៈនៅតាមស្ថាប័នរដ្ឋ ឯកជន ឬវត្តអារាមមួយចំនួន ក៏នៅមានកម្មវិធីលេងល្បែងប្រជាប្រិយនេះដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចូលឆ្នាំ
ផ្លែអង្គញ់
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
2 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
4 ថ្ងៃ
តើពាក្យងារជា «សម្តេច» មានន័យដូចម្តេច?
6 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
2 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម