ពីនេះ ពីនោះ
×![]()
ដោយ: សារព័ត៌មានថ្មីៗ
ទេយ្យទាន និង ទេយ្យវត្ថុ មានអត្ថន័យដូចគ្នា។ ពាក្យទាំងពីរនេះ គឺសំដៅដល់វត្ថុទាំងឡាយ ដែលគេ យកទៅធ្វើជាទាន ចំពោះបុគ្គលណាមួយ។ ជាទូទៅ ទេយ្យទាន ឬ ទេយ្យវត្ថុ ត្រូវបានយកទៅធ្វើជាទាន ចំពោះព្រះសង្ឃ ឪពុកម្តាយ អ្នកមានគុណ គ្រូបាធ្យាយ ចាស់ព្រឹទ្ធាចារ្យ ឬជាអ្នកមានសីល ជាដើម។
យោងតាមវចនានុក្រម សម្តេច ជួន ណាត ទេយ្យទាន ឬ ទេយ្យវត្ថុ គឺជាឈ្មោះវត្ថុដែលគេត្រូវឲ្យជាទាន ឬអាចសំដៅដល់បច្ច័យទាំង៤។
បច្ច័យទាំង៤ រួមមាន ចីវរប្បច្ច័យ (សំដៅលើសម្លៀកបំពាក់ឬស្បង់ចីវររបស់ព្រះសង្ឃ), បិណ្ឌបាតប្បច្ច័យ (សំដៅលើបាយទឹក នំចំណី), សេនាសនប្បច្ច័យ (សំដៅលើទីសំណាក់សម្រាប់ស្នាក់អាស្រ័យ), គិលានភេសជ្ជប្បច្ច័យ (សំដៅលើថ្នាំព្យាបាលរោគ)៕
Tag:
ពន្យល់ពាក្យ
ទេយ្យទាន
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
