លោក ហោ ណាំបូរ៉ា និងមន្ត្រី៥រូបទៀត ទទួលបានការតែងតាំងជាឯកអគ្គរាជទូត

ជាតិ

នយោបាយជាតិ

លោក ហោ ណាំបូរ៉ា និងមន្ត្រី៥រូបទៀត ទទួលបានការតែងតាំងជាឯកអគ្គរាជទូត

29, Apr 2017 , 4:47 pm

រូបភាព

ទូតថ្មីរបស់កម្ពុជាបានចូលជួបសម្តែងការគួរសមជាមួយសម្តេច សាយ ឈុំ ប្រធានព្រឹទ្ធសភា

ដោយ: ធឿន បញ្ញាឬទិ្ធ

ភ្នំពេញ៖ លោក ហោ ណាំបូរ៉ា ជាអ្នកការទូតដ៏មានបទពិសោធន៍ម្នាក់ ដែលទទួលបានការតែងតាំងជាឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំសាធារណរដ្ឋឥណ្ឌូនេស៊ី។ ជាមួយគ្នានេះ រដ្ឋាភិបាល ក៏បានតែងតាំងឥស្សរជន៥រូបផ្សេងទៀតក្នុងតំណែងជាឯកអគ្គរាជទូតនៅតាមបណ្តាប្រទេសផ្សេងៗផងដែរ។

លោក ហោ ណាំបូរ៉ា អាយុ៥៩ឆ្នាំ ជាកូនប្រុសបង្កើតរបស់លោកឧបនាយករដ្ឋមន្ត្រី ហោ ណាំហុង អតីតរដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ។ លោកជាអគ្គលេខាធិការរងនៃរដ្ឋាភិបាល។ មុននឹងតែងតាំងជាឯកអគ្គរាជទូតប្រចាំប្រទេសឥណ្ឌូនេស៊ីនេះ លោក ហោ ណាំបូរ៉ា ជាអតីតឯកអគ្គរាជទូតខ្មែរប្រចាំប្រទេសអូស្ត្រាលី និង នូវែលសេឡង់ ចាប់ពីឆ្នាំ១៩៩៩ ដល់ឆ្នាំ២០០៤ ។ លោកក៏ធ្លាប់ជាឯកអគ្គរាជទូតខ្មែរប្រចាំចក្រភពអង់គ្លេស ដាណឺម៉ាក អៀរឡង់ ហ្វាំងឡង់ ន័រវេស ស៊ុយអែត និងអេត្យូពី ត្រឹមឆ្នាំ២០១១ ។

ក្រៅពីលោក ហោ ណាំបូរ៉ា ឯកអគ្គរាជទូតខ្មែរ ដែលទើបតែងតាំងថ្មីនេះ ក៏មានបេក្ខភាពផ្សេងទៀតចំនួន៥រូបផងដែរ រួមមាន៖ លោកស្រី សឿង រដ្ឋចាវី ជាឯគអគ្គរាជទូតប្រចាំចក្រភពអង់គ្លេស ,លោកស្រី ទូច សុផារត្ន ឯកអគ្គរាជទូតប្រចាំប្រទេសអាល្លឺម៉ង់, លោក ចេង មានិត ឯកអគ្គរាជទូតប្រចាំប្រទេសឡាវ, លោក ស៊ុន ប៊ុនធឿន ឯកអគ្គរាជទូតប្រចាំសាធារណៈរដ្ឋប្រជាមានិតប្រជាធិបតេយ្យកូរ៉េ និងលោក ងួន សាវេង ឯកអគ្គរាជទូតប្រចាំប្រទេសសិង្ហបុរី៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

1 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 3 ថ្ងៃ

តើពាក្យងារជា «សម្តេច» មានន័យដូចម្តេច?

5 ថ្ងៃ

កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា

2 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

4 ថ្ងៃ

អត្ថបទពេញនិយមបន្ថែម