ពីនេះ ពីនោះ
ព័ត៍មានសុខភាព
សុខភាព៖ គ្រាប់ឈូកមានប្រយោជន៍ដល់សុខភាពយ៉ាងអស្ចារ្យ!
× ផ្កាឈូកគឺជារុក្ខជាតិដ៏ពេញនិយមមួយប្រភេទដែលប្រជាជនខ្មែរយើងចំណាំយកមកតុបតែសម្រាប់កម្មវិធីសែនព្រេននានា ប៉ុន្តែក្រៅពីនេះ វាក៏មានប្រយោជន៍យ៉ាងច្រើនចំពោះសុខភាពយើងដែរពីការទទួលទានមឺម និងគ្រាប់ឈូក។ ផ្កាឈូកមានគ្រាប់របស់វា ដែលអាចញ៉ាំទាំងឆៅ និងចម្អិន។
យ៉ាងណាមិញ គ្រាប់ឈូកមានអត្ថប្រយោជន៍ដូចម្តេចខ្លះចំពោះសុខភាពមនុស្សយើង សូមតាមដានដូចខាងក្រោមនេះ៖
ប្រឆាំងភាពចាស់
កាលណាមនុស្សយើងអាយុកាន់តែច្រើន ស្បែកនឹងបាត់បង់ភាពយឺត ដែលជាហេតុនាំឲ្យឆាប់មានអាការៈស្បែកជ្រីវជ្រួញ។ រឿងនេះកើតឡើងដោយសារការខូចខាតប្រូតេអ៊ីនរបស់ស្បែកឈ្មោះថា Collagen។ តាមការសិក្សាបានរកឃើញថា គ្រាប់ផ្កាឈូកមានសារធាតុ L-isoaspartyl Methytransferase, Ascorbic Acid, និង Glutathione ដែលអាចកាត់បន្ថយការខូចខាតរបស់ Collagen បាន។
បង្ការការរលាកអញ្ជាញធ្មេញ
គ្រាប់ឈូកមានសារធាតុ Flavonoid មួយប្រភេទឈ្មោះថា Kaempferol ដែលវាជួយជំរុញដល់សមត្ថភាពប្រឆាំងការរលាករបស់អញ្ជាញធ្មេញបាន។ វាក៏ជួយថែរក្សាសុខភាពធ្មេញបានកាន់តែល្អដែរ។
ព្យាបាលការគេងមិនលក់
តាមក្បូនវេជ្ជសាស្ត្រចិនគឺគេប្រើគ្រាប់ឈូកដើម្បីព្យាបាលការគេងមិនលក់។ គ្រាប់ឈូកអាចជួយធ្វើឲ្យធូរស្រាលក្នុងអារម្មណ៍ និងជំរុញដល់ខួរក្បាលឆាប់ងងុយគេង។
បញ្ចុះសម្ពាធឈាម
ក្នុងបណ្តូលគ្រាប់ឈូកមានសារធាតុ Alkaloids មួយចំនួន ដែលវាមានសមត្ថភាពប្រឆាំងនឹងការរឹងរបស់សាច់ដុំ និងជំរុញដល់សរសៃឈាមរីកធំបានទៀត។ ការរីកធំរបស់សរសៃឈាមបែបនេះ នឹងបន្ថយសម្ពាធឈាមលើអ្នកជំងឺលើសសម្ពាធឈាមបាន។ ក្រៅពីនេះ គ្រាប់ឈូកក៏មានជាតិម៉ាញ៉េស្យូមដែលអាចជួយកាត់បន្ថយផលវិបាកនៃការលើសសម្ពាធឈាមកាន់តែខ្លាំងដែរ។
ជំរុញដល់សុខភាពតម្រងនោម
គ្រាប់ឈូកមានសារធាតុ Astringent ដែលមានប្រយោជន៍ជាពិសេសដល់តម្រងនោម។ វាក៏ជួយបង្កើនថាមពលដល់រាងកាយ និងជំរុញដល់ការឃ្លានអាហារដែរ។ វាជួយព្យាបាលបញ្ហាមិនឃ្លានអាហារដែលបណ្តាលមកពីជំងឺបាន។
ព្យាបាលបញ្ហារាករូស
គ្រាប់ឈូកមានសមត្ថភាពព្យាបាលបញ្ហានៅផ្លូវរំលាយអាហារបានដូចជា ក្រពះមិនកិន និងរាករូស។ ការស្រាវជ្រាវក៏បញ្ជាក់ថា កាលណាញ៉ាំគ្រាប់ឈូកបានទៀងទាត់ វានឹងជួយជំរុញដល់សុខភាពអណ្តើក។
ជំរុញដល់សមត្ថភាពធ្វើឲ្យឈាមកក
សារធាតុ Flavonoid ឈ្មោះថា Quercetin មានសមត្ថភាពជួយពង្លឿនដល់ការកករបស់ឈាមក្នុងករណីមានរបួស ឬវះកាត់។ សារធាតុនេះក៏ជួយពង្រឹងដល់ជញ្ជាំងរបស់សរសៃឈាមតូចៗ ដើម្បីកុំឲ្យហូរឈាមច្រើនបានដែរ៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com