ជាតិ
អាជ្ញាធរ ចុះរុះរើរបងហ៊ុមព័ទ្ធផ្លូវសាធារណៈ របស់លោក ហេង លី និងលោកស្រី ស៊ុយ សុផាន
×![]()
ដោយ: ធឿន បញ្ញាឬទិ្ធ
ភ្នំពេញ៖ នៅព្រឹកថ្ងៃទី០២ ឧសភានេះ អាជ្ញាធរ បានចុះរុះរើរបងហ៊ុមព័ទ្ធផ្លូវសាធារណៈ ដែលត្រូវបានក្រុមហ៊ុន ផាន អ៊ីមិច និងក្រុមហ៊ុន ហេង លី បិទផ្លូវធ្វើដំណើររបស់ពលរដ្ឋកន្លងមក នៅខណ្ឌច្បារអំពៅ។ ការចុះដោះស្រាយបញ្ហាដីផ្លូវជូនពលរដ្ឋនេះ គឺអាជ្ញាធរធ្វើឡើងតាមសេចក្ដីបង្គាប់របស់លោកជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
មន្ត្រីក្រសួងរៀបចំដែនដី បានឲ្យដឹងថា ដីផ្លូវសាធារណៈសង្កាត់វាលស្បូវ ខណ្ឌច្បារអំពៅ ដែលត្រូវបានក្រុមហ៊ុន ផាន អ៊ីមិច និងក្រុមហ៊ុន ហេង លី រំលោភបំពាននេះ មានប្រវែងជាង៦គីឡូម៉ែត្រ និងទទឹងផ្លូវចំនួន១៦ម៉ែត្រ។ នៅពេលនេះក្រសួង ក៏បានបើករបងហ៊ុមព័ទ្ធផ្លូវរបស់ក្រុមហ៊ុន ហេង លី និងតភ្ជាប់ផ្លូវពីផ្លូវជាតិលេខ១ ទៅផ្លូវលេខ៣៦៩ (ផ្លូវព្រែកប្រា) ដែលក្រុមហ៊ុន ផាន អ៊ីមិច បានកាត់ផ្ដាច់កន្លងមកនោះ សម្រាប់សម្រួលឲ្យពលរដ្ឋធ្វើដំណើរឆ្លងកាត់ជាធម្មតាវិញ។
ក្រៅពីដោះស្រាយបញ្ហាដីផ្លូវសាធារណៈនេះ អាជ្ញាធរក៏នឹងពិនិត្យមើលករណីដីធ្លីក្នុងតំបន់ខណ្ឌច្បារអំពៅ ដែលក្រសួងទទួលបានពាក្យបណ្ដឹងពីពលរដ្ឋ ពាក់ព័ន្ធនឹងការរំលោភបំពានដីធ្លីពីសំណាក់ក្រុមហ៊ុន ផាន អ៊ីមិច និងក្រុមហ៊ុនផ្សេងទៀត នៅក្នុងខណ្ឌច្បារអំពៅនេះដែរ។ នេះបើតាមមន្ត្រីក្រសួងរៀបចំដែនដី។
ជាមួយគ្នានេះលោកស្រី ស៊ុយ សុផាន នាយិកាក្រុមហ៊ុន ផាន អ៊ីមិច ដែលបានចុះអមដំណើរជាមួយអាជ្ញាធរ បាននិយាយថា ខ្លួនរីករាយណាស់ដែលបានចូលរួមដោះស្រាយបញ្ហាផ្លូវសាធារណៈជូនពលរដ្ឋនេះ។ បន្ថែមពីនេះលោកស្រី ស៊ុយ សុផាន ក៏បានសន្យា ដោះស្រាយបញ្ហាដីធ្លីជូនពលរដ្ឋ ដែលមានទំនាស់ជាមួយក្រុមហ៊ុន ផាន អ៊ីមិច ផងដែរ។
ថ្លែងចំពោះមុខអ្នកសារព័ត៌មាន នាយិកាក្រុមហ៊ុន ផាន អ៊ីមិចរូបនេះ បញ្ជាក់ដូច្នេះថា៖«ព្រោះពេលដែលខ្ញុំទិញដីនេះ មុននឹងធ្វើបណ្ណកម្មសិទ្ធិ គឺខ្ញុំបានទិញពីប្រជាពលរដ្ឋ អស់ហើយក្នុងទំហំប៉ុណ្ណឹង។ តែបើសិនប្រជាជនដែលទំនាស់ មានឯកសារច្បាស់លាស់ គឺខ្ញុំនឹងដោះស្រាយ។ ប៉ុន្តែបើសិនជាប្រជាជនគ្រាន់តែចង្អុលមកចាប់យកដីនេះ ជាអនាធិបតេយ្យ គឺខ្ញុំមិនដោះស្រាយបញ្ហាដីឲ្យទេ…។ ដូច្នេះបើប្រជាជនណា ដែលគាត់មានឯកសារជាក់លាក់ ថាដីនេះគាត់ មិនទាន់បានលក់ គឺខ្ញុំនឹងដោះស្រាយឲ្យ និយាយរួមគឺដោះស្រាយតាមច្បាប់»។
គួរបញ្ជាក់ថា ផ្លូវសាធារណៈដែលលោកស្រី ស៊ុយ សុផាន នាយិកាក្រុមហ៊ុនផាន អ៊ីមិច និងលោក ហេង លី នាយកក្រុមហ៊ុន ហេង លី រំលោភបិទផ្លូវ ប៉ះពាល់ដល់ពលរដ្ឋនោះរួមមាន ផ្លូវលេខ៣៦៩ (ផ្លូវមាត់ទន្លេបាសាក់) ទៅផ្លូវជាតិលេខ១ កាត់ភូមិចំពុះក្អែក សង្កាត់ព្រែកថ្មី ភូមិអូរអណ្ដូង សង្កាត់ព្រែកប្រា និងភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ផ្លូវទាំងនេះដែលក្រសួងរៀបចំដែនដី បង្គាប់ឲ្យក្រុមហ៊ុន ផាន អ៊ីមិច និងក្រុមហ៊ុន ហេង លី ត្រូវដោះស្រាយជូនពលរដ្ឋវិញ៕
មន្ត្រីក្រសួងរៀបចំដែនដី បានឲ្យដឹងថា ដីផ្លូវសាធារណៈសង្កាត់វាលស្បូវ ខណ្ឌច្បារអំពៅ ដែលត្រូវបានក្រុមហ៊ុន ផាន អ៊ីមិច និងក្រុមហ៊ុន ហេង លី រំលោភបំពាននេះ មានប្រវែងជាង៦គីឡូម៉ែត្រ និងទទឹងផ្លូវចំនួន១៦ម៉ែត្រ។ នៅពេលនេះក្រសួង ក៏បានបើករបងហ៊ុមព័ទ្ធផ្លូវរបស់ក្រុមហ៊ុន ហេង លី និងតភ្ជាប់ផ្លូវពីផ្លូវជាតិលេខ១ ទៅផ្លូវលេខ៣៦៩ (ផ្លូវព្រែកប្រា) ដែលក្រុមហ៊ុន ផាន អ៊ីមិច បានកាត់ផ្ដាច់កន្លងមកនោះ សម្រាប់សម្រួលឲ្យពលរដ្ឋធ្វើដំណើរឆ្លងកាត់ជាធម្មតាវិញ។
ក្រៅពីដោះស្រាយបញ្ហាដីផ្លូវសាធារណៈនេះ អាជ្ញាធរក៏នឹងពិនិត្យមើលករណីដីធ្លីក្នុងតំបន់ខណ្ឌច្បារអំពៅ ដែលក្រសួងទទួលបានពាក្យបណ្ដឹងពីពលរដ្ឋ ពាក់ព័ន្ធនឹងការរំលោភបំពានដីធ្លីពីសំណាក់ក្រុមហ៊ុន ផាន អ៊ីមិច និងក្រុមហ៊ុនផ្សេងទៀត នៅក្នុងខណ្ឌច្បារអំពៅនេះដែរ។ នេះបើតាមមន្ត្រីក្រសួងរៀបចំដែនដី។
ជាមួយគ្នានេះលោកស្រី ស៊ុយ សុផាន នាយិកាក្រុមហ៊ុន ផាន អ៊ីមិច ដែលបានចុះអមដំណើរជាមួយអាជ្ញាធរ បាននិយាយថា ខ្លួនរីករាយណាស់ដែលបានចូលរួមដោះស្រាយបញ្ហាផ្លូវសាធារណៈជូនពលរដ្ឋនេះ។ បន្ថែមពីនេះលោកស្រី ស៊ុយ សុផាន ក៏បានសន្យា ដោះស្រាយបញ្ហាដីធ្លីជូនពលរដ្ឋ ដែលមានទំនាស់ជាមួយក្រុមហ៊ុន ផាន អ៊ីមិច ផងដែរ។
ថ្លែងចំពោះមុខអ្នកសារព័ត៌មាន នាយិកាក្រុមហ៊ុន ផាន អ៊ីមិចរូបនេះ បញ្ជាក់ដូច្នេះថា៖«ព្រោះពេលដែលខ្ញុំទិញដីនេះ មុននឹងធ្វើបណ្ណកម្មសិទ្ធិ គឺខ្ញុំបានទិញពីប្រជាពលរដ្ឋ អស់ហើយក្នុងទំហំប៉ុណ្ណឹង។ តែបើសិនប្រជាជនដែលទំនាស់ មានឯកសារច្បាស់លាស់ គឺខ្ញុំនឹងដោះស្រាយ។ ប៉ុន្តែបើសិនជាប្រជាជនគ្រាន់តែចង្អុលមកចាប់យកដីនេះ ជាអនាធិបតេយ្យ គឺខ្ញុំមិនដោះស្រាយបញ្ហាដីឲ្យទេ…។ ដូច្នេះបើប្រជាជនណា ដែលគាត់មានឯកសារជាក់លាក់ ថាដីនេះគាត់ មិនទាន់បានលក់ គឺខ្ញុំនឹងដោះស្រាយឲ្យ និយាយរួមគឺដោះស្រាយតាមច្បាប់»។
គួរបញ្ជាក់ថា ផ្លូវសាធារណៈដែលលោកស្រី ស៊ុយ សុផាន នាយិកាក្រុមហ៊ុនផាន អ៊ីមិច និងលោក ហេង លី នាយកក្រុមហ៊ុន ហេង លី រំលោភបិទផ្លូវ ប៉ះពាល់ដល់ពលរដ្ឋនោះរួមមាន ផ្លូវលេខ៣៦៩ (ផ្លូវមាត់ទន្លេបាសាក់) ទៅផ្លូវជាតិលេខ១ កាត់ភូមិចំពុះក្អែក សង្កាត់ព្រែកថ្មី ភូមិអូរអណ្ដូង សង្កាត់ព្រែកប្រា និងភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ផ្លូវទាំងនេះដែលក្រសួងរៀបចំដែនដី បង្គាប់ឲ្យក្រុមហ៊ុន ផាន អ៊ីមិច និងក្រុមហ៊ុន ហេង លី ត្រូវដោះស្រាយជូនពលរដ្ឋវិញ៕
Tag:
ដី
ស៊ុយ សុផាន
ហេង លី
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
