អន្តរជាតិ
ជម្លោះឧបទ្វីបកូរ៉េ៖ កូរ៉េខាងជើង ព្រមានជប៉ុនដែលប្រឹងចាក់សាំងលើភ្លើង
មីស៊ីលកូរ៉េខាងជើង ត្រូវបង្ហាញអំឡុងពេលពិធីព្យុហយាត្រាកងទ័ព (រូបភាព Xinhua)
×![]()
ដោយ: តន ចាន់រិទ្ធារ៉ា
កូរ៉េខាងជើង បានស្ដីបន្ទោសចំៗលើជប៉ុន ដែលជំរុញឲ្យមានសង្គ្រាមផ្ទុះឡើងនៅឧបទ្វីបកូរ៉េតាមរយៈការចូលរួមសមយុទ្ធជាមួយកងទ័ពអាមេរិក។ តាមរយៈសារព័ត៌មានរបស់ខ្លួន កូរ៉េខាងជើង ក៏ព្រមានដែរថា ជប៉ុនពិតជារងគ្រោះថ្នាក់ធ្ងន់ធ្ងរមិនខាន បើសង្គ្រាមពិតជាកើតមាននៅឧបទ្វីបកូរ៉េមែន ព្រោះវាមិនមែនជារឿងលំបាកឡើយសម្រាប់កងទ័ពរំដោះប្រជាជនកូរ៉េក្នុងការវាយសន្ធប់លើជប៉ុន ដែលជាអ្នកជួយអាមេរិកនោះ។
កូរ៉េខាងជើង បានគំរាមវាយប្រហារជប៉ុនឲ្យរាបដល់ដី ក្នុងករណីសង្គ្រាមនៅឧបទ្វីបកូរ៉េពិតជាផ្ទុះឡើងមែន។ កូរ៉េខាងជើង ចោទថា ជប៉ុនបានព្យាយាមធ្វើឲ្យកើតមានជម្លោះក្នុងតំបន់តាមរយៈការបញ្ជូននាវាចម្បាំង ទៅចូលរួមសមយុទ្ធជាមួយអាមេរិក។ ប្រព័ន្ធផ្សព្វផ្សាយកូរ៉េខាងជើង Rodong Sinmun ផ្សាយថា ជប៉ុន ដែលជាទីតាំងរក្សាសម្ភារយោធាអាមេរិក និងមានមូលដ្ឋានអាមេរិកតាំងនៅដែរនោះ នឹងត្រូវគ្រប់ដណ្ដប់ដោយពពកវិទ្យុសកម្មមិនខាន។
បើតាមទីភ្នាក់ងារព័ត៌មាន Yonhap សារព័ត៌មានកូរ៉េខាងជើង Rodong Sinmun បាននិយាយក្នុងបទអធិប្បាយថា វាជារឿងងាយស្រួលបំផុតសម្រាប់កងទ័ពកូរ៉េខាងជើងក្នុងការវាយប្រហារជប៉ុន ពេលសង្គ្រាមបង្កដោយអាមេរិកកើតមាន។ សារព័ត៌មានដដែលនេះបន្តថា កូរ៉េខាងជើងមិនលើកលែងឲ្យអ្នកបង្ករឿង ក៏ដូចជាក្រុមអ្នកគាំទ្រពួកគេផងដែរ។ ដោយនិយាយសំដៅដល់ស្ថានការណ៍ឧបទ្វីបកូរ៉េដែលកំពុងក្ដៅ Rodong Sinmun បានបញ្ជាក់ថា ជប៉ុនបានចាក់សាំងលើភ្លើងរហូតមក។
ទង្វើដែលសារព័ត៌មានកូរ៉េខាងជើងចាត់ទុកជាការបង្ករឿង គឺសំដៅលើវត្តមានកងទ័ពស្វ័យការពារជប៉ុនក្នុងសមយុទ្ធដឹកនាំរបស់អាមេរិកដោយនាវាដឹកយន្តហោះ USS Carl Vinson ដែលទើបទៅដល់តំបន់សមុទ្រក្បែរឧបទ្វីបកូរ៉េ។ នៅថ្មីនេះទៀតសោត ជប៉ុន ក៏បានបញ្ជូននាវាចម្បាំងធំជាងគេរបស់ខ្លួនឲ្យទៅការពារនាវាផ្គត់ផ្គង់សម្ភារកងទ័ពអាមេរិកទៅទៀត ព្រោះខ្លាចកូរ៉េខាងជើងបាញ់មីស៊ីលពន្លិចតែម្ដង។
តាមពិតទៅ នេះក៏មិនមែនជាលើកទីមួយទេ ដែលក្រុងព្យុងយ៉ាងរិះគន់ជប៉ុនជុំវិញជម្លោះនៅឧបទ្វីបកូរ៉េនោះ ហើយជាញឹកញាប់កូរ៉េខាងជើងក៏គំរាមកម្ទេចជប៉ុនឲ្យក្លាយជាផេះផង់ដែរ។ ក្រុងព្យុងយ៉ាង ក៏តែងចោទក្រុងតូក្យូថា ធ្វើតាមតែខ្សែញាក់របស់ក្រុងវ៉ាស៊ីនតោន ដោយមិនសូវខ្វល់ការរក្សាសន្តិភាពតំបន់នោះឡើយ។ ចុងក្រោយ របបក្រុងព្យុងយ៉ាង ក៏ស្នើឲ្យរដ្ឋាភិបាលក្រុងតូក្យូ ធ្វើអាកប្បកិរិយាឲ្យសមរម្យ ដើម្បីស្វែងរកដំណោះស្រាយសន្តិភាព។
ក្នុងជម្លោះឧបទ្វីបកូរ៉េ កូរ៉េខាងជើង ត្រូវប្រឈមមុខជាមួយសម្ព័ន្ធមិត្តបីប្រទេស គឺអាមេរិក ជប៉ុន និងកូរ៉េខាងត្បូង ដែលតែងធ្វើសមយុទ្ធរួមគ្នារៀងរាល់ឆ្នាំ។ កូរ៉េខាងជើង អះអាងថា សមយុទ្ធរួមគ្នានេះហើយ ដែលជាមូលហេតុនាំឲ្យខ្លួនប្រឹងប្រែងអភិវឌ្ឍនុយក្លេអ៊ែរ ដើម្បីទុកការពារខ្លួនឯង។ សម្រាប់កូរ៉េខាងជើង ស្ថានការណ៍នៅឧបទ្វីបកូរ៉េនឹងធូរស្រាល បើអាមេរិក និងសម្ព័ន្ធមិត្តរបស់ខ្លួន ឈប់បង្កហេតុទៀត៕
កូរ៉េខាងជើង បានគំរាមវាយប្រហារជប៉ុនឲ្យរាបដល់ដី ក្នុងករណីសង្គ្រាមនៅឧបទ្វីបកូរ៉េពិតជាផ្ទុះឡើងមែន។ កូរ៉េខាងជើង ចោទថា ជប៉ុនបានព្យាយាមធ្វើឲ្យកើតមានជម្លោះក្នុងតំបន់តាមរយៈការបញ្ជូននាវាចម្បាំង ទៅចូលរួមសមយុទ្ធជាមួយអាមេរិក។ ប្រព័ន្ធផ្សព្វផ្សាយកូរ៉េខាងជើង Rodong Sinmun ផ្សាយថា ជប៉ុន ដែលជាទីតាំងរក្សាសម្ភារយោធាអាមេរិក និងមានមូលដ្ឋានអាមេរិកតាំងនៅដែរនោះ នឹងត្រូវគ្រប់ដណ្ដប់ដោយពពកវិទ្យុសកម្មមិនខាន។
បើតាមទីភ្នាក់ងារព័ត៌មាន Yonhap សារព័ត៌មានកូរ៉េខាងជើង Rodong Sinmun បាននិយាយក្នុងបទអធិប្បាយថា វាជារឿងងាយស្រួលបំផុតសម្រាប់កងទ័ពកូរ៉េខាងជើងក្នុងការវាយប្រហារជប៉ុន ពេលសង្គ្រាមបង្កដោយអាមេរិកកើតមាន។ សារព័ត៌មានដដែលនេះបន្តថា កូរ៉េខាងជើងមិនលើកលែងឲ្យអ្នកបង្ករឿង ក៏ដូចជាក្រុមអ្នកគាំទ្រពួកគេផងដែរ។ ដោយនិយាយសំដៅដល់ស្ថានការណ៍ឧបទ្វីបកូរ៉េដែលកំពុងក្ដៅ Rodong Sinmun បានបញ្ជាក់ថា ជប៉ុនបានចាក់សាំងលើភ្លើងរហូតមក។
ទង្វើដែលសារព័ត៌មានកូរ៉េខាងជើងចាត់ទុកជាការបង្ករឿង គឺសំដៅលើវត្តមានកងទ័ពស្វ័យការពារជប៉ុនក្នុងសមយុទ្ធដឹកនាំរបស់អាមេរិកដោយនាវាដឹកយន្តហោះ USS Carl Vinson ដែលទើបទៅដល់តំបន់សមុទ្រក្បែរឧបទ្វីបកូរ៉េ។ នៅថ្មីនេះទៀតសោត ជប៉ុន ក៏បានបញ្ជូននាវាចម្បាំងធំជាងគេរបស់ខ្លួនឲ្យទៅការពារនាវាផ្គត់ផ្គង់សម្ភារកងទ័ពអាមេរិកទៅទៀត ព្រោះខ្លាចកូរ៉េខាងជើងបាញ់មីស៊ីលពន្លិចតែម្ដង។
តាមពិតទៅ នេះក៏មិនមែនជាលើកទីមួយទេ ដែលក្រុងព្យុងយ៉ាងរិះគន់ជប៉ុនជុំវិញជម្លោះនៅឧបទ្វីបកូរ៉េនោះ ហើយជាញឹកញាប់កូរ៉េខាងជើងក៏គំរាមកម្ទេចជប៉ុនឲ្យក្លាយជាផេះផង់ដែរ។ ក្រុងព្យុងយ៉ាង ក៏តែងចោទក្រុងតូក្យូថា ធ្វើតាមតែខ្សែញាក់របស់ក្រុងវ៉ាស៊ីនតោន ដោយមិនសូវខ្វល់ការរក្សាសន្តិភាពតំបន់នោះឡើយ។ ចុងក្រោយ របបក្រុងព្យុងយ៉ាង ក៏ស្នើឲ្យរដ្ឋាភិបាលក្រុងតូក្យូ ធ្វើអាកប្បកិរិយាឲ្យសមរម្យ ដើម្បីស្វែងរកដំណោះស្រាយសន្តិភាព។
ក្នុងជម្លោះឧបទ្វីបកូរ៉េ កូរ៉េខាងជើង ត្រូវប្រឈមមុខជាមួយសម្ព័ន្ធមិត្តបីប្រទេស គឺអាមេរិក ជប៉ុន និងកូរ៉េខាងត្បូង ដែលតែងធ្វើសមយុទ្ធរួមគ្នារៀងរាល់ឆ្នាំ។ កូរ៉េខាងជើង អះអាងថា សមយុទ្ធរួមគ្នានេះហើយ ដែលជាមូលហេតុនាំឲ្យខ្លួនប្រឹងប្រែងអភិវឌ្ឍនុយក្លេអ៊ែរ ដើម្បីទុកការពារខ្លួនឯង។ សម្រាប់កូរ៉េខាងជើង ស្ថានការណ៍នៅឧបទ្វីបកូរ៉េនឹងធូរស្រាល បើអាមេរិក និងសម្ព័ន្ធមិត្តរបស់ខ្លួន ឈប់បង្កហេតុទៀត៕
Tag:
កូរ៉េខាងជើង
ជប៉ុន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
