ពីនេះ ពីនោះ
ពាក្យ«ក្លើ» និង «ម្រាក់»ប្រើសម្រាប់ហៅមិត្តភក្តិប្រុសស្រីជិតស្និទ្ធ
× «ក្លើ» គឺជាពាក្យសម្រាប់មនុស្សប្រុសហៅមិត្តភក្តិដែលខ្លួន គិតថា ជាមិត្តជិតស្និទ្ធនឹងគ្នា។ ប្រសិនបើ ស្រី ហៅថា «ម្រាក់»វិញ។ នៅក្នុងវចនានុក្រមខ្មែររបស់សម្តេចជូនណាតបានបកស្រាយពាក្យទាំងពីរនេះដូចខាងក្រោម៖
ពាក្យ«ក្លើ» ជានាម បានន័យថា មិត្រជិតស្និទ្ធទុកចិត្តគ្នា, រួមសុខទុក្ខជាមួយគ្នា ឬរួមក្តីមេត្រីដោយឱ្យរបស់អ្វីៗគ្នាបាន រហូតដល់ហៅគ្នាអាមឹង, ឯងអញទៅវិញទៅមក។
ចំណែកឯពាក្យ «ម្រាក់» ជានាម បានន័យថា «ក្លើស្រី» គឺក្លើស្រី និងស្រី ឬពាក្យប្រុសហៅស្រីជាប្រពន្ធរបស់ក្លើថា ម្រាក់អើយ, សុខសប្បាយទេឬ? «ក្លើម្រាក់» បានសេចក្តីថា ក្លើ និងម្រាក់ គឺក្លើប្រុស និងក្លើស្រី សុំគ្នាជាក្លើម្រាក់, ធ្វើក្លើម្រាក់នឹងគ្នា៕
© រក្សាសិទ្ធិដោយ thmeythmey.com