កីឡាជាតិ
ជាតិ
ការ៉ាតេដូកម្ពុជាដណ្តើមបានមេដាយប្រាក់២ និងសំរឹទ្ធ៤ពីជើងឯកអាស៊ាននៅឥណ្ឌូនេស៊ី
×![]()
ប្រតិភូកីឡាការ៉ាតេដូកម្ពុជាបានវិលត្រឡប់មកដល់មាតុប្រទេសវិញហើយ ដោយបានពាំនាំនូវមេដាយសរុបចំនួន៦ ពីការប្រកួតកីឡាការ៉ាតេដូជ្រើសរើសជើងឯកអាស៊ីអាគ្នេយ៍លើកទី៨នៅប្រទេសឥណ្ឌូនេស៊ីជូនជាតិ។ ក្រៅពីមេដាយទាំងនេះការ៉ាតេដូកម្ពុជាទទួលបានជោគជ័យដ៏ធំមួយទៀត គឺការជាប់ជាអាជ្ញាកណ្តាល និងចៅក្រមអន្តរជាតិប្រចាំទ្វីបអាស៊ី។ ប្រតិភូកីឡាការ៉ាតេដូ ទទួលបានការស្វាគមន៍យ៉ាងកត់ក្តៅពីសំណាក់ថ្នាក់ដឹកនាំគណៈកម្មាធិការជាតិអូឡាំពិកកម្ពុជា(NOCC)សម្រាប់ការវិលត្រឡប់នេះ។
ក្រោយឆ្លងកាត់ការប្រកួតអស់រយៈ២ថ្ងៃចាប់ពីថ្ងៃទី៤ ដល់ថ្ងៃទី៥ ខែឧសភា ក្រុមកីឡាករការ៉ាតេដូកម្ពុជាដណ្តើមបានមេដាយប្រាក់២ និងសំរឹទ្ធ៤ពីការប្រកួតកីឡាការ៉ាតេដូជ្រើសរើសជើងឯកអាស៊ីអាគ្នេយ៍លើកទី៨នៅប្រទេសឥណ្ឌូនេស៊ី ដែលមានប្រទេសក្នុងតំបន់អាស៊ានចំនួន៧ចូលរួម។ មេដាយប្រាក់ទាំងពីរនេះ រកបានដោយកីឡាករ កាក់ សីលាបញ្ញា និងកីឡាករ ទេព ស្ទីវយុទ្ធថាណា រីឯមេដាយសំរឹទ្ធដណ្តើមបានម្នាក់មួយដោយកីឡាករ ឆេង ច័ន្ទដារ៉ារតនៈ, ហេ សូផាន់ណារ៉ូ, គីម សុវណ្ណរ៉ា និងកីឡាករ ឆើន ឆេងលីម។
ក្រៅពីមេដាយទាំងនេះ ការ៉ាតេដូកម្ពុជាទទួលបានជោគជ័យដ៏ធំមួយទៀត គឺលោក ធឿន ឈាងហាក់ បានប្រឡងជាប់ជាអាជ្ញាកណ្តាល និងចៅក្រមអន្តរជាតិកម្រិត B ប្រចាំទ្វីបអាស៊ី នាការប្រកួតអាជ្ញាកណ្តាលអន្តរជាតិនៅប្រទេសឥណ្ឌូនេស៊ី ដែលមានបេក្ខជនចូលរួមប្រមាណជាជាង៤០នាក់។
អនុប្រធានខេមរៈសហព័ន្ធកីឡាការ៉ាតេដូ លោក សាយ ណូរ៉ា ដែលជាប្រធានប្រតិភូដឹកនាំក្រុមកីឡាករការ៉ាតេដូកម្ពុជាឲ្យចូលរួមព្រឹត្តិការណ៍នេះ បានចាត់ទុកលទ្ធផលនេះជាជោគជ័យមួយដ៏ធំធេងសម្រាប់សហព័ន្ធក៏ដូចជាប្រទេសទូទាំងមូល។ លើសពីនេះ វាមោទកភាព ក៏ដូចឱកាសមួយដែលសហព័ន្ធបានបញ្ជូនកីឡាករយ៉ាងច្រើនចូលរួមព្រឹត្តិការណ៍លំដាប់អន្តរជាតិនេះ ព្រោះកីឡាករទទួលបទពិសោធន៍ និងបច្ចេកទេសល្អៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើន។
ប្រធានប្រតិភូរូបនេះបានរៀបរាប់បន្តទៀតថា ការប្រកូតនេះមានលក្ខណតានតឺង និងស្វិតស្វាញបំផុតទម្រាំទទួលបានមេដាយ ព្រោះកីឡាករមកពីបណ្តាប្រទេសផ្សេងៗសុទ្ធសឹងមានសមត្ថភាពខ្ពស់ ជាពិសេសម្ចាស់ផ្ទះឥណ្ឌូនេស៊ី ម៉ាឡេស៊ី វៀតណាម និងថៃ ដែលជាឧបសគ្គដ៏ធំសម្រាប់កម្ពុជា។
ជាមួយគ្នានេះ លោក សាមឺឌី ស៊ីវឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាអនុប្រធានខេមរសហព័ន្ធកីឡាការ៉ាតេដូកម្ពុជា បានចាត់ជ័យជន្នះ និងការជាប់ជាអាជ្ញាកណ្តាលអន្តរជាតិជាលទ្ធផលដែលកំពុងឆ្លើយតបទៅនឹងគោលការណ៍របស់ថ្នាក់ដឹកនាំក្រសួង ក៏ដូចជាសហព័ន្ធដែលបានកំណត់សម្រាប់ត្រៀមចូលរួមកីឡាអូឡាំពិកនៅទីក្រុងតូក្យូប្រទេសជប៉ុន និងការធ្វើជាម្ចាស់ផ្ទះស៊ីហ្គេមឆ្នាំ២០២៣។
លោកបានបន្ថែមថា បន្ទាប់ពីនេះសហព័ន្ធនឹងរៀបចំឲ្យមានវគ្គបណ្តុះបណ្តាលគ្រូបង្វឹក និងបញ្ជូនកីឡាករឲ្យទៅហ្វឹកហាត់នៅតាមបណ្តាប្រទេសផ្សេងៗ ក៏ដូចជាជួលគ្រូបង្វឹកបរទេសមកបណ្តុះបណ្តាល ក៏ដូចជាបង្ហាត់ដោយនៅកម្ពុជាផ្ទាល់តែម្តង។ លោកបន្តថា បច្ចុប្បន្នប្រធានខេមរសហព័ន្ធកីឡាការ៉ាតេដូកម្ពុជាលោក អូន ព័ន្ធមុន្នីរ័ត្ន កំពុងទាក់ទងទៅកាន់សហព័ន្ធកីឡាការ៉ាតេដូរបស់ជប៉ុន ដើម្បីសុំជំនួយផ្នែកបង្វឹកតាមផ្នែកនីមួយៗមកបង្វឹកដល់កីឡាករកម្ពុជា។
គួរបញ្ជាក់ថា ការ៉ាតេដូកម្ពុជាបានបញ្ជូន១២នាក់រូមជាមួយគ្រូបង្វឹកប្រធានប្រតិភូចំនួន៨នាក់ឲ្យចូលរួមប្រកួតកីឡាការ៉ាតេដូជ្រើសរើសជើងឯកអាស៊ីអាគ្នេយ៍នៅប្រទេសឥណ្ឌូនេស៊ី ដែលមានប្រទេសចំនួន៧ចូលរួមដូចជា ឥណ្ឌូនេស៊ី, កម្ពុជា, ម៉ាឡេស៊ី, សិង្ហបុរី, វៀតណាម, ថៃ និងព្រុយណេ។ ប្រតិភូកីឡាការ៉ាតេដូកម្ពុជាបានមកដល់មាតុប្រទេសវិញហើយកាលពីម្សិលមិញ ដោយទទួលបានការស្វាគមន៍យ៉ាងកក់ក្តៅពីសំណាក់លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជារួមជាមួយថ្នាក់ដឹកនាំសហព័ន្ធ កីឡាករ កីឡាការិនី យ៉ាងច្រើនកុះករនៅទីស្នាក់ការ NOCC៕
ក្រោយឆ្លងកាត់ការប្រកួតអស់រយៈ២ថ្ងៃចាប់ពីថ្ងៃទី៤ ដល់ថ្ងៃទី៥ ខែឧសភា ក្រុមកីឡាករការ៉ាតេដូកម្ពុជាដណ្តើមបានមេដាយប្រាក់២ និងសំរឹទ្ធ៤ពីការប្រកួតកីឡាការ៉ាតេដូជ្រើសរើសជើងឯកអាស៊ីអាគ្នេយ៍លើកទី៨នៅប្រទេសឥណ្ឌូនេស៊ី ដែលមានប្រទេសក្នុងតំបន់អាស៊ានចំនួន៧ចូលរួម។ មេដាយប្រាក់ទាំងពីរនេះ រកបានដោយកីឡាករ កាក់ សីលាបញ្ញា និងកីឡាករ ទេព ស្ទីវយុទ្ធថាណា រីឯមេដាយសំរឹទ្ធដណ្តើមបានម្នាក់មួយដោយកីឡាករ ឆេង ច័ន្ទដារ៉ារតនៈ, ហេ សូផាន់ណារ៉ូ, គីម សុវណ្ណរ៉ា និងកីឡាករ ឆើន ឆេងលីម។
ក្រៅពីមេដាយទាំងនេះ ការ៉ាតេដូកម្ពុជាទទួលបានជោគជ័យដ៏ធំមួយទៀត គឺលោក ធឿន ឈាងហាក់ បានប្រឡងជាប់ជាអាជ្ញាកណ្តាល និងចៅក្រមអន្តរជាតិកម្រិត B ប្រចាំទ្វីបអាស៊ី នាការប្រកួតអាជ្ញាកណ្តាលអន្តរជាតិនៅប្រទេសឥណ្ឌូនេស៊ី ដែលមានបេក្ខជនចូលរួមប្រមាណជាជាង៤០នាក់។
អនុប្រធានខេមរៈសហព័ន្ធកីឡាការ៉ាតេដូ លោក សាយ ណូរ៉ា ដែលជាប្រធានប្រតិភូដឹកនាំក្រុមកីឡាករការ៉ាតេដូកម្ពុជាឲ្យចូលរួមព្រឹត្តិការណ៍នេះ បានចាត់ទុកលទ្ធផលនេះជាជោគជ័យមួយដ៏ធំធេងសម្រាប់សហព័ន្ធក៏ដូចជាប្រទេសទូទាំងមូល។ លើសពីនេះ វាមោទកភាព ក៏ដូចឱកាសមួយដែលសហព័ន្ធបានបញ្ជូនកីឡាករយ៉ាងច្រើនចូលរួមព្រឹត្តិការណ៍លំដាប់អន្តរជាតិនេះ ព្រោះកីឡាករទទួលបទពិសោធន៍ និងបច្ចេកទេសល្អៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើន។
ប្រធានប្រតិភូរូបនេះបានរៀបរាប់បន្តទៀតថា ការប្រកូតនេះមានលក្ខណតានតឺង និងស្វិតស្វាញបំផុតទម្រាំទទួលបានមេដាយ ព្រោះកីឡាករមកពីបណ្តាប្រទេសផ្សេងៗសុទ្ធសឹងមានសមត្ថភាពខ្ពស់ ជាពិសេសម្ចាស់ផ្ទះឥណ្ឌូនេស៊ី ម៉ាឡេស៊ី វៀតណាម និងថៃ ដែលជាឧបសគ្គដ៏ធំសម្រាប់កម្ពុជា។
ជាមួយគ្នានេះ លោក សាមឺឌី ស៊ីវឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាអនុប្រធានខេមរសហព័ន្ធកីឡាការ៉ាតេដូកម្ពុជា បានចាត់ជ័យជន្នះ និងការជាប់ជាអាជ្ញាកណ្តាលអន្តរជាតិជាលទ្ធផលដែលកំពុងឆ្លើយតបទៅនឹងគោលការណ៍របស់ថ្នាក់ដឹកនាំក្រសួង ក៏ដូចជាសហព័ន្ធដែលបានកំណត់សម្រាប់ត្រៀមចូលរួមកីឡាអូឡាំពិកនៅទីក្រុងតូក្យូប្រទេសជប៉ុន និងការធ្វើជាម្ចាស់ផ្ទះស៊ីហ្គេមឆ្នាំ២០២៣។
លោកបានបន្ថែមថា បន្ទាប់ពីនេះសហព័ន្ធនឹងរៀបចំឲ្យមានវគ្គបណ្តុះបណ្តាលគ្រូបង្វឹក និងបញ្ជូនកីឡាករឲ្យទៅហ្វឹកហាត់នៅតាមបណ្តាប្រទេសផ្សេងៗ ក៏ដូចជាជួលគ្រូបង្វឹកបរទេសមកបណ្តុះបណ្តាល ក៏ដូចជាបង្ហាត់ដោយនៅកម្ពុជាផ្ទាល់តែម្តង។ លោកបន្តថា បច្ចុប្បន្នប្រធានខេមរសហព័ន្ធកីឡាការ៉ាតេដូកម្ពុជាលោក អូន ព័ន្ធមុន្នីរ័ត្ន កំពុងទាក់ទងទៅកាន់សហព័ន្ធកីឡាការ៉ាតេដូរបស់ជប៉ុន ដើម្បីសុំជំនួយផ្នែកបង្វឹកតាមផ្នែកនីមួយៗមកបង្វឹកដល់កីឡាករកម្ពុជា។
គួរបញ្ជាក់ថា ការ៉ាតេដូកម្ពុជាបានបញ្ជូន១២នាក់រូមជាមួយគ្រូបង្វឹកប្រធានប្រតិភូចំនួន៨នាក់ឲ្យចូលរួមប្រកួតកីឡាការ៉ាតេដូជ្រើសរើសជើងឯកអាស៊ីអាគ្នេយ៍នៅប្រទេសឥណ្ឌូនេស៊ី ដែលមានប្រទេសចំនួន៧ចូលរួមដូចជា ឥណ្ឌូនេស៊ី, កម្ពុជា, ម៉ាឡេស៊ី, សិង្ហបុរី, វៀតណាម, ថៃ និងព្រុយណេ។ ប្រតិភូកីឡាការ៉ាតេដូកម្ពុជាបានមកដល់មាតុប្រទេសវិញហើយកាលពីម្សិលមិញ ដោយទទួលបានការស្វាគមន៍យ៉ាងកក់ក្តៅពីសំណាក់លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជារួមជាមួយថ្នាក់ដឹកនាំសហព័ន្ធ កីឡាករ កីឡាការិនី យ៉ាងច្រើនកុះករនៅទីស្នាក់ការ NOCC៕
Tag:
ការ៉ាតេដូ
សាយ ណូរ៉ា
© រក្សាសិទ្ធិដោយ thmeythmey.com
