ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អគ្គលេខាធិការរង UN បង្ហាញពីឆន្ទៈពង្រឹងសន្តិភាពនៅអាហ្វ្រិកកណ្តាល ស្របពេលមានការវាយប្រហារថ្មី
15, May 2017 ,
6:15 pm
រូបភាព
លោក Jean Pierre Lacroix គោរពវិញ្ញាណក្ខន្ធទាហានមួកខៀវកម្ពុជា និងម៉ារ៉ុក។ រូបថត MINUSCA
×
ដោយ:
រួបរួម
អគ្គលេខាធិការរងអង្គការសហប្រជាជាតិ ទទួលបន្ទុកជាប្រធានបេសកកម្មរក្សាសន្តិភាព បានបង្ហាញពីឆន្ទៈដ៏មុតមាំរបស់របស់អង្គការសហប្រជាជាតិ ក្នុងកិច្ចសហការជាមួយអាហ្វ្រិកកណ្តាលក្នុងដំណើរការពង្រឹងសន្តិភាពនៅក្នុងប្រទេសមួយនេះ។ លោក Jean Pierre Lacroix បានទៅដល់ក្រុង Bangui កាលពីថ្ងៃទី១២ ខែឧសភា ក្នុងដំណើរទស្សនកិច្ចរយៈពេល២៤ម៉ោង ដើម្បីគោរពវិញ្ញាណក្ខន្ធទាហានមួកខៀវ៥នាក់ ដែលបានទទួលមរណភាពដោយការវាយឆ្មក់របស់ក្រុមឧទ្ទាម នាថ្ងៃទី៨ ខែឧសភា។
លោក Jean Pierre Lacroix ដែលទទួលបានការតែងតែជាអគ្គលេខាធិការរងអង្គការសហប្រជាជាតិ ទទួលបន្ទុកជាប្រធានបេសកកម្មរក្សាសន្តិភាព កាលពីថ្ងៃទី១៤ ខែកុម្ភៈ ឆ្នាំ២០១៧ បានបង្ហាញពីការគោរពចំពោះកងទ័ពមួកខៀវកម្ពុជា៤នាក់ និងម៉ារ៉ុក១នាក់ ដែលបានពលីជីវិតក្នុងបុព្វហេតុសន្តិភាពនៅប្រទេសអាហ្វ្រិកកណ្តាល។
ថ្លែងទៅកាន់សារព័ត៌មាន ដែលមានវត្តមាននាយករដ្ឋមន្ត្រីអាហ្វ្រិកកណ្តាល លោក Simplice Mathieu Sarandji ផងដែរនោះ បានអះអាងថា បុគ្គលិកស៊ីវិល និងកម្លាំងកងទ័ពមួកខៀវ នៅតែបន្តបេសកកម្មទៅមុខជានិច្ច។ ជាមួយគ្នានេះ លោក Lacroix បានចុះទៅសួរសុខទុក្ខកងទ័ពមួកខៀវ ១០នាក់ [កម្ពុជា១នាក់ និងម៉ារ៉ុក៩នាក់] ដែលរងរបួសសម្រាកព្យាបាលនៅមន្ទីរពេទ្យរបស់កងបេសកកម្ម MINUSCA ផងដែរ។
ស្របពេលដែលប្រធានបេសកកម្មរក្សាសន្តិភាព UN កំពុងបំពេញទស្សនកិច្ចនៅអាហ្វ្រិកកណ្តាល
ការវាយប្រហារថ្មីមួយទៀត
បានកើតឡើង កាលពីថ្ងៃទី១២ និង១៣ ខែឧសភា នៅទីក្រុង Bangassou ដែលបណ្តាលឲ្យកងទ័ពមួកខៀវម៉ារ៉ុកម្នាក់ស្លាប់ និងជនស៊ីវិល ស្លាប់ និងរបួសជាច្រើននាក់។
អគ្គលេខាធិការអង្គការសហប្រជាជាតិ លោក Antonio Guterres បានថ្កោលការវាយប្រហារថ្មីនេះ ដែលបង្កឡើងដោយក្រុមឧទ្ទាម anti-Balaka ដដែល។ ប្រធានសហភាពអាហ្វ្រិក លោក Moussa Faki Mahamat និងរដ្ឋាភិបាលអេស្ប៉ាញ ក៏បានចូលរួមរំលែកទុក្ខ និងថ្កោលទោសក្រុមឧទ្ទាមផងដែរ៕
ប្រភពរូបថត និងវីដេអូ៖
MINUSCA
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
MINUSCA
អាហ្វ្រិកកណ្តាល
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
18 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម