ជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ គណៈកម្មាធិការរៀបចំការបោះឆ្នោត (គ.ជ.ប) ទទួលបានពាក្យបណ្ដឹងពីគណបក្សនយោបាយចំនួន៥៦ករណី ក្នុងយុទ្ធនាការឃោសនាបោះឆ្នោតរយៈពេល១០ថ្ងៃនេះ។ តែយ៉ាងណា គ.ជ.ប នៅតែវាយតម្លៃថា ដំណើរការយុទ្ធនាការឃោសនាឆ្នាំនេះ មានភាពល្អច្រើនជាងឆ្នាំមុន។
អ្នកនាំពាក្យគ.ជ.ប លោក ហង្ស ពុទ្ធា បានឲ្យដឹងថា បណ្ដឹងទាំង៥៦នេះ ភាគច្រើនប្ដឹងដោយបេក្ខជនគណបក្សប្រជាជនកម្ពុជា ទៅលើគណបក្សសង្គ្រោះជាតិ ក្រោមអង្គហេតុបែបរិះគន់គ្នាដោយសម្តីធ្ងន់ៗ និងការជេរប្រមាថ បន្តុះបង្អាប់គ្នាជាដើម។បើតាមលោក ហង្ស ពុទ្ធា បណ្ដឹងខ្លះត្រូវបានដោះស្រាយនៅត្រឹមគណៈកម្មាធិការជាតិរៀបចំការបោះឆ្នោតថ្នាក់ឃុំ-សង្កាត់រួចហើយ លើកលែងតែពាក្យបណ្ដឹង៣ទៀត ដែលមិនអាចដោះស្រាយបាន ហើយបញ្ជូនឡើងមកដល់គណៈកម្មាធិការជាតិរៀបចំការបោះឆ្នោតថ្នាក់រាជធានី។
តែយ៉ាងណាអ្នកនាំពាក្យគ.ជ.បរូបនេះ នៅតែវាយតម្លៃថា ដំណើការឃោសនាបោះឆ្នោតឃុំ-សង្កាត់ អាណត្តិទី៤នេះ មានភាពល្អប្រសើច្រើនជាងឆ្នាំមុន ត្រង់ថា គ.ជ.ប ទទួលបានពាក្យបណ្ដឹងតិច ហើយភាគច្រើនអាចដោះស្រាយបានតាមនីតិវិធី។
លោក ហង្ស ពុទ្ធា អំពាវនាវឲ្យគណបក្សនយោបាយទាំងអស់ ប្រកាន់យកអាកប្បកិរិយាចាស់ទុំ អត់ធ្មត់ និងគោរពតាមនីតិវិធីការបោះឆ្នោត និងការណែនាំរបស់គ.ជ.ប ឲ្យបានត្រឹមត្រូវ ដើម្បីបញ្ចៀសរាល់បញ្ហាណាមួយដែលនាំខាតបង់ពេលវេលាក្នុងដំណើការបោះឆ្នោតនេះ។ ជាពិសេសត្រូវរក្សាជំហអហិង្សា ហើយរង់ចាំការសម្រេចចិត្តរបស់ប្រជាពលរដ្ឋ ក្នុងការជ្រើសរើសមេឃុំ ឬចៅសង្កាត់រូបណា ដែលសក្តិសមដឹកនាំមូលដ្ឋានរបស់ពួកគេវិញ។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) បានផ្តល់រយៈពេលត្រឹម១៤ថ្ងៃ ឲ្យគណបក្សនយោបាយ ដើម្បីឃោសនារកសំឡេងឆ្នោត។ ហើយក្នុងរយៈពេល១៤ថ្ងៃនោះ គណបក្សនយោបាយ អាចដង្ហែក្បួនឃោសនា លើដងផ្លូវ ទីសាធារណៈ និងកន្លែងប្រជុំជននានា បានត្រឹមតែ២ថ្ងៃប៉ុណ្ណោះ។ ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិទី៤ នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ ដោយមានគណបក្សនយោបាយចំនួន ១២ ចូលរួមប្រកួតប្រជែងដណ្តើមបេក្ខភាព នៅក្នុងឃុំ-សង្កាត់ចំនួន ១,៦៤៦ ទូទាំង ២៥រាជធានី-ខេត្ត៕
អ្នកនាំពាក្យគ.ជ.ប លោក ហង្ស ពុទ្ធា បានឲ្យដឹងថា បណ្ដឹងទាំង៥៦នេះ ភាគច្រើនប្ដឹងដោយបេក្ខជនគណបក្សប្រជាជនកម្ពុជា ទៅលើគណបក្សសង្គ្រោះជាតិ ក្រោមអង្គហេតុបែបរិះគន់គ្នាដោយសម្តីធ្ងន់ៗ និងការជេរប្រមាថ បន្តុះបង្អាប់គ្នាជាដើម។បើតាមលោក ហង្ស ពុទ្ធា បណ្ដឹងខ្លះត្រូវបានដោះស្រាយនៅត្រឹមគណៈកម្មាធិការជាតិរៀបចំការបោះឆ្នោតថ្នាក់ឃុំ-សង្កាត់រួចហើយ លើកលែងតែពាក្យបណ្ដឹង៣ទៀត ដែលមិនអាចដោះស្រាយបាន ហើយបញ្ជូនឡើងមកដល់គណៈកម្មាធិការជាតិរៀបចំការបោះឆ្នោតថ្នាក់រាជធានី។
តែយ៉ាងណាអ្នកនាំពាក្យគ.ជ.បរូបនេះ នៅតែវាយតម្លៃថា ដំណើការឃោសនាបោះឆ្នោតឃុំ-សង្កាត់ អាណត្តិទី៤នេះ មានភាពល្អប្រសើច្រើនជាងឆ្នាំមុន ត្រង់ថា គ.ជ.ប ទទួលបានពាក្យបណ្ដឹងតិច ហើយភាគច្រើនអាចដោះស្រាយបានតាមនីតិវិធី។
លោក ហង្ស ពុទ្ធា អំពាវនាវឲ្យគណបក្សនយោបាយទាំងអស់ ប្រកាន់យកអាកប្បកិរិយាចាស់ទុំ អត់ធ្មត់ និងគោរពតាមនីតិវិធីការបោះឆ្នោត និងការណែនាំរបស់គ.ជ.ប ឲ្យបានត្រឹមត្រូវ ដើម្បីបញ្ចៀសរាល់បញ្ហាណាមួយដែលនាំខាតបង់ពេលវេលាក្នុងដំណើការបោះឆ្នោតនេះ។ ជាពិសេសត្រូវរក្សាជំហអហិង្សា ហើយរង់ចាំការសម្រេចចិត្តរបស់ប្រជាពលរដ្ឋ ក្នុងការជ្រើសរើសមេឃុំ ឬចៅសង្កាត់រូបណា ដែលសក្តិសមដឹកនាំមូលដ្ឋានរបស់ពួកគេវិញ។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) បានផ្តល់រយៈពេលត្រឹម១៤ថ្ងៃ ឲ្យគណបក្សនយោបាយ ដើម្បីឃោសនារកសំឡេងឆ្នោត។ ហើយក្នុងរយៈពេល១៤ថ្ងៃនោះ គណបក្សនយោបាយ អាចដង្ហែក្បួនឃោសនា លើដងផ្លូវ ទីសាធារណៈ និងកន្លែងប្រជុំជននានា បានត្រឹមតែ២ថ្ងៃប៉ុណ្ណោះ។ ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិទី៤ នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ ដោយមានគណបក្សនយោបាយចំនួន ១២ ចូលរួមប្រកួតប្រជែងដណ្តើមបេក្ខភាព នៅក្នុងឃុំ-សង្កាត់ចំនួន ១,៦៤៦ ទូទាំង ២៥រាជធានី-ខេត្ត៕
Tag:
គជប
CNRP
CPP
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
